पोखरा, ७ चैत
मर्दी हिमालतर्फ गएका एक विदेशीको भीरबाट लडेर बुधबार मृत्यु भएको छ । चैत १ गते काठमाण्डौंको हिमालयन शेर्पा एड्भान्चर कम्पनीबाट पोखरा हुदै मर्दी हिमाल गएका जापनीज नागरिकको मृत्यु भएको हो ।
४ जना जापनीज नागरीक र २ जना नेपाली गाईड गरी ६ जना मर्दी हिमालको लागि ट्रेकिङमा गएका थिए । बुधबार मर्दी हिमालको भ्यू पोईण्ट पुगेर फर्किने क्रममा जापनीज नागरिक PP No.TR2837904 नम्बर पासपोर्टका ६४ बर्षिय NAJASAWA MAJAHSI भीरबाट लडेका हुन् ।
करिब ८ सय मिटर तल खसेका उनको घटनास्थलमै मृत्यु भएको प्रहरीले जानकारी दिएको छ । वडा प्रहरी कार्यालय बगरले अल्टिच्युट एयरको हेलिकप्टरद्धारा गई शवलाई काठमाण्डौ टिचिङ अस्पताल पठाईएको छ ।