Categories
पोखरा

पोखरामा ४० करोड लगातमा फन पार्क बन्दै

पोखरा, ६ मंसिर / पोखरा महानगरपालिका १७ सीतापाइलामा अन्तर्राष्ट्रियस्तरको सुविधा सम्पन्न फनपार्क बन्ने भएको छ । वैशाख देखि सञ्चालन गर्ने लक्ष्य सहित ‘फिस्टेल ड्रिम फन पार्क’ निर्माणका काम धमाधम भइरहेको छ ।

६५ रोपनी जग्गामा निर्माण भइरहेको पार्कमा करिब ४० करोड रुपैयाँ लगानी हुने पार्कका मार्केटिङ डाइरेक्टर हिराबहादुर केसीले जानकारी दिए ।
पार्कमा विभिन्न प्रकारका २४ वटा खेलका संरचनाहरु तयार गर्दै गरको केसीले बताए ।

फ्रिफल, ५ वटा स्विमिङ पुल, वेव पुल, रोलर कस्टर, १२ वटा इनडोर गेम लगायत विभिन्न गतिविधि पार्कमा समावेश गरिने केसीले जानकारी दिए । सुविधा सम्पन्न रेष्टुरेन्ट पनि बनाइने बताइएको छ ।

पोखरा आउने आन्तरिक तथा बाह्य पर्यटकलाई लक्षित गरी पार्क सञ्चालनमा ल्याउन लागिएको अपरेसन इन्चार्ज मदनकुमार श्रेष्ठले जानकारी दिए । भारत र चीनबाट सामानहरु आयात गरी पार्क निर्माणको काम धमाधम भइरहेको श्रेष्ठको भनाई छ ।

पोखरामा ४० करोड लगातमा फन पार्क बन्दै
पोखरामा ४० करोड लगातमा फन पार्क बन्दै

‘पोखरामा हामीले पर्यटकीय गतिविधि बढाउन योगदान पु¥याउनेछौं,’ उनले भने, ‘यहाँ आएका पर्यटकले एक दिन सजिलै कटाउन सक्छन् ।’ पोखरा आउने पर्यटकको बसाईं अवधि बढाउन समेत पार्कले सहयोगी भूमिका खेल्ने श्रेष्ठले बताए ।

विभिन्न पेशा व्यवसायमा आवद्ध १५ जना व्यवसायीले पार्कमा संयुक्त लगानी गरेका छन् । पार्क सञ्चालनमा आएपछि करिब २ सय जनाले प्रत्यक्ष रोजगारी पाउने केसीले जानकारी दिए ।

‘नेपालमै हालसम्म सुरु नभएका खेल गतिविधिलाई समेत पार्कमा समावेश गर्ने तयारी भइरहेको छ,’ केसीले भने, ‘यो पार्कलाई नेपालकै नमूना प्रोजेक्टमा रुपमा विकास गर्ने हाम्रो लक्ष्य हो ।’

Categories
आर्थिक

दशौ पोखरा महोत्सवका लागि स्टल बुकिङ खुल्ला

पोखरा, ६ मंसिर / युनाईटेड क्ल्वको आयोजनामा हुने दशौ संस्करणको पोखरा महोत्सवका लागि स्टल बुकिङ खुल्ला गरिएको छ ।

पुसको २९ देखी माघको १२ सम्म पोखराको अमरसिंह चौरमा आयोजना हुने दशौ संस्करणको पोखरा महोत्सवका लागी स्टल बुकिङ खुल्ला गरिएको आयोजक युनाईटेड क्लवका कोषाध्यक्ष तथा पोखरा महोत्सव अर्थ तथा स्टल ब्यवस्थापन उपसमितिका संयोजक गणेश तिमिल्सिनाले जानकारी दिए ।

१३ दिन सम्म सञ्चालन हुने महोत्सवमा २ सय ५० स्टल रहने छ । दशौ संस्करणको पोखरा महोत्सवमा पर्यटन प्रवद्र्धन र नया उद्योगको प्रवद्र्धन गर्ने ब्यवशायीहरुलाई निशुल्क स्टलको ब्यवस्था गरिने वताउदै तिमिल्सिनाले महोत्सवमा १२ वटा रेष्टुरेण्टका स्टल रहनेछनभने हस्तकला, कृषी, अटो, पुष्प, रेडिमेट, वित्तिय संस्था, पर्यटन प्रवद्र्धन, सुचना प्रविधी र उद्योगका स्टलहरु रहने वताए ।

स्टल बुकिङका लागी युनाईटेड क्लवको कार्यालय अमरसिंह चोकमा सम्पर्क गर्न सकिने क्लवले जनाएको छ ।

स्थापना कालदेखी पोखरा महोत्सवको आयोजना गरी युनाईटेड क्लवको शिक्षा, स्वास्थ्य, खेलकुद, पर्यटन प्रवद्र्धनका लागी पोखरामा खुल्ला चिडियाखाना निर्माणमा पहलकदमी संगै सेती नदी संरक्षणमा काम गर्दै आइरहेको छ ।

Categories
राजनीति

मत बदले देश बदलिन्छः उम्मेदवार केसी

पोखरा, ५ मंसिर/ कास्की क्षेत्र नम्बर २ मा हुन लागेको उपनिर्वाचनमा साझा पार्टीबाट उम्मेदवार बनेकी रजनी केसीले जनताले मत बदले देश बदल्न कुनै समस्या नरहेको बताएकी छन् ।

बिहीबार पोखरा १७ छोरेपाटनमा आयोजना गरिएको चुनाव लक्षित कोणसभालाई सम्बोधन गर्दै उनले सधैं कम्युनिष्ट र काङ्ग्रेस भनेर बसिरहे देश परिवर्तन हुन नसक्ने बताइन् ।

छिमेकीले देशको भूमि अतिक्रमण गर्दा पनि कुनै पहल नगर्नाले सरकारको कार्य क्षमता माथी नै प्रश्न उठाएको उनले बताइन् । उनले आफू सधैं नातावाद, कृपावादको विपक्षमा रहेको स्पष्ट पारिन् ।

गल्ती सुधार गर्ने अवसर – संयोजक मिश्र

सभालाई सम्बोधन गर्दै साझा पार्टीका केन्द्रिय संयोजक रवीन्द्र मिश्रले नेपाली राजनीति परिवर्तन गर्न पुराना दल बाधक बनेको बताए ।

सबैलाई डर र त्रासमा राखेर गरिएको राजनीतिले गर्दा देश पछाडि परेको उनको भनाइ थियो ।  दुई फरक पार्टीलाई पालैपालो मत दिएर गरिएको गल्ती सुधार गर्ने अवसर उपनिर्वाचनले दिएको बताए ।

सकारात्मक सोच भए देश बदल्न कठिन नभएको उनको जिकिर छ । उनले जनताले जिताएर पठाएका नेताहरु काण्डैकाण्डमा मुछिएर देश नै खोक्रो बनाइसकेको बताए ।

सभालाई सम्बोधन गर्दै पार्टीका केन्द्रिय सदस्य विकल शेरचनले राजनीतिज्ञहरु चुनाव केन्द्रित मात्र नभइ जनताका समस्या समाधानमा केन्द्रित हुनुपर्नेमा जोड दिए । इमानको राजनीति गरेर साझा पार्टीले छोटो समयमा सकारात्मक छाप छोड्न सफल भएको बताउँदै उनले कम्युनिष्ट र काङ्ग्रेसको सहि विकल्प साझा पार्टी भएको दाबी गरे ।

यस्तै पार्टीका कास्की जिल्ला संयोजक अर्जुन प्रसाद खनालले व्यवस्था परिवर्तन भए पनि जनताको अवस्था परिवर्तन हुन नसकेको बताए। मन र मत परिवर्तन गरे विदेशीको अगाडि घुँडा टेक्नुपर्ने अवस्था अन्त्य हुने उनले स्पष्ट पारे ।

उनले विध्वंसलाई पछि छाडेर साझा पार्टी असल विचार लिएर देश विकासको लागि अगाडि बढिरहेको धारणा राखे । उम्मेदवार केसीसहितको टोली बिहिबार पोखरा १७ को बिरौटा, छोरेपाटन, महतगौँडालगायतका स्थानमा पुगेको थियो ।

Categories
राजनीति

नेकपा उम्मेदवारको प्रतिवद्धता १ वर्षमै सबै भूमिहीनलाई जग्गा

पोखरा, ५ मंसिर/ पोखराको पृथ्वीचोक बसपार्कमा झर्ने बित्तिकै देखिन्छ भूमिहीनको वस्ती । पोखराका विभिन्न भागमा भूमिहीनहरु यसरी घर, टहरा बनाएका बस्दै आएका छन् । उनीहरुका अनेक समस्या छन् । देशभरकै भूमिहीनका समस्या समाधान गरी सबै नेपालीलाई भूमि दिने उद्देश्यले हालै सरकारले कानुन निर्माण गरेको छ ।

उपचुनावका लागि घरदैलोमा पुगेका उम्मेदवारलाई यसरी बसेका भूमिहीनले चाडै समस्या समाधान गर्न माग गरिरहेका छन । नेकपा उम्मेदवार विद्या भट्टराई अधिकारीले देश सबैको साझा भएकाले कोही नेपाली भूमिहीन हुन नहुने बताएकी छन् । उनले अबको १ वर्षभित्र सबै सुकुम्बासीले जग्गा पाउने उल्लेख गरिन् । भट्टराईले भनिन, ‘सरकारले यसका लागि कानुन बनाइसकेको छ । अबको १ वर्षभित्र सबै भूमिहीनले जग्गा पाउँछन ।’

मंसिर १४ गते निर्वाचन हुने विभिन्न वडाका भूमिहीनलाई उनले नेकपा सरकारले सुकम्बासीका समस्या सधैंका लागि समाधान गर्ने आश्वासन दिइन् । सुकुम्बासी र अव्यवस्थित बसोबासको समस्या नसुल्झिएसम्म समृद्ध नेपालको कल्पना गर्न नसकिने उनको भनाइ छ ।

मुलुकको कुनै पनि स्थानमा आफ्नो नाममा जग्गा नभएका एवं १० वर्षदेखि निरन्तर बसोबास गरी आएका नागरिकलाई जग्गाधनी बनाउने पार्टी र सरकारको अभियान चाडै पूरा हुने उनले बताइन् । तत्कालीन एमाले नेतृत्वको ९ महिने सरकारका अवधिमा प्रदान गरिएको ‘सेतो’ लालपुर्जा चाडै रातोमा परिणत गरिने विश्वास दिलाइन् ।

उनले भनिन्, ‘यसले मुलुका २ दर्जाका नागरिक भएको अवस्था पनि अन्त्य हुन्छ । आफू सुकुम्बासी आयोगको अध्यक्ष हुँदा काम नगरी अहिले आश्वासन बाड्नेका कुरा तपाईहरु कसरी पत्याउनुहुन्छ ? हामी आश्वासन होइन, काम नै गर्छाैं ।’

कास्की २ मा पर्ने पोखराका वडा नं. ४, ७, ८, ९, ११, १५,१६, १७, २०, २१ र ३३ गरी ११ वटा वडामा नै धेरे थोरै सुकुम्बासी बस्ती रहेको नेकपा कास्की सदस्य ओम पौडेलले जानकारी दिए । पोखरामा मात्र ३ हजार ५ सयभन्दा बढी सुकुम्वासी परिवार बसोबास गर्दै आएको उनको भनाइ छ ।

Categories
राजनीति

उम्मेदवार खेमराज पौडेल अर्मला जाँदा सडकमा अवरोध

पोखरा, ५ मंसिर/ नेपाली कांग्रेसका उम्मेदवार खेमराज पौडेल सहित कांग्रेसका नेताहरू घरदैलो अभियानमा जाँदा बाटो अवरुद्ध गरिएको छ ।

पोखरा–१६ बाट अर्मला जानेक्रममा अर्मलाकोटमा बाटो अवरुद्ध गरिएको कांग्रेस नेता ऋषि काफ्लेले जानकारी दिए ।

उनका अनुसार बाटो खनेर ढुंगा थोपरिएको छ । नजिकै डोजर छ तर चालक छैनन् ।

यो कांग्रेस उम्मेदवारसहित नेताहरू आउने भन्ने चाल पाएर सुनियोजित रुपमै बाटो अवरुद्ध गरिएको युवा नेता गोविन्द लामिछानेले बताए ।

गाडी गुडाउनै नमिल्ने गरी बाटो अवरुद्ध भएपछि उम्मेदवार पौडेल सहितका नेताहरू हिंडेरै अर्मला पुगेको बताइन्छ ।

Categories
राजनीति

जनताले बोकाइदिएको भारी सही ठाउँमा पुर्याएर बिसाउछुः पौडेल

पोखरा, ५ मंसिर / कास्की क्षेत्र नं. २ का उम्मेदवार खेमराज पौडेलले जनताले बोकाइदिएको भारी सही ठाउँमा पुर्याएर बिसाउने बताएका छन् । बिहीबार पोखरा–१६ मा आयोजित सभामा उनले आफूले जनताकै लागि ६० वर्ष राजनीति गरेको भन्दै अबको जिम्मेवारी पनि सफलतापूर्वक निर्वाह गर्ने स्पष्ट पारे ।

आफूलाई लोभ, लालसा र मोह केही नभएको उम्मेदवार पौडेलले देश र जनता सबैभन्दा माथि हुने बताए । उनले भने, ‘पार्टी एकठाउँमा हुन्छ, राजनीति पनि गरिन्छ । तर देश र जनता सबैभन्दा माथि हुन्छ ।’ उम्मेदवार पौडेलले कम्युनिष्ट सरकारबाट जनता त्रसित अवस्थामा रहेको बताए ।

उक्त अवसरमा नेता धनराज गुरुङले त्यागी, इमान्दर र निष्ठावान व्यक्तित्व खेमराज गुरुलाई जिताउँदा पोखरेलीको इज्जत नै माथि हुने बताए । उनले भने, ‘खेमराज गुरु सबैले सम्मान गर्न लायक व्यक्तित्व हुनुहुन्छ । उहाँ संस्कारी नेता पनि हो । धर्म संस्कारलाई उहाँले सधैं शिरमा राखेर हिंड्नु भएको छ । त्यसैले उहाँलाई विजय गराउनु पोखरेलीको कतव्र्य हो ।’

मराज जस्ता व्यक्तित्वलाई जिताएर देशैभर इमान्दार व्यक्ति राजनीतिमा आवश्यक पर्छ भन्ने सन्देश दिन पनि आवश्यक रहेको उनले बताए ।

धर्म संस्कार छोड्न हुँदैन

उम्मेदवार खेमराज पौडेल, नेता धनराज गुरुङ लगायतले पोखरा–१६, जोगिमणीस्थित रनबहादुर गुरूङको परिवारलाई भेटेर समवेदना प्रकट गरेका छन् ।

रणबहादुर गुरुङको ९७ वर्षको उमेरमा केही दिन अघि निधन भएको थियो । स्व. रणबहादुरका छोराहरू योगबहादुर र रुन बहादुर गुरुङका साथै परिवारजनलाई भेटेर पौडेलले समवेदना प्रकट गरेका थिए ।

उक्त अवसरमा उम्मेदवार पौडेलले आफ्नो धर्म, संस्कार छोड्न नहुने बताए । अरूले ७ दिन मै काजकिरिया सके पनि धर्म संस्कार अनुसार नै गर्नुपर्नेमा उनको जोड थियो ।

Categories
राजनीति

चन्दा लिन्न, राजनीतिको परिभाषा बदल्छुः धर्मराज

पोखरा ५, मंसिर/ समाजवादी पार्टीका उम्मेदवार धर्मराज गुरुङ पोखरा –२० लालडाँडा पुग्दा स्थानीय सुखी देखिए । देशका लागि निस्वार्थी र नैतिकवान नेता चाहिएको र त्यो कुरा धर्मराजमा पाएको लालडाँडावासीले बताए ।

इन्जिनियर धर्मराजले वर्षौं देशमा शासन गरेर राजनीतिक दलले राजनीति र संसदको परिभाषा नै बिगारेको बताए । ‘म भ्रष्टाचार गर्दिन् । आफ्नो स्वार्थ हेर्दिन । तपाईंहरुले औंला उठाउने अवस्था होइन, अंगालो मार्ने वातावरण बनाउँछु,’ समाजवादी पार्टीका उम्मेदवार इन्जिनियर धर्मराजले मतदातासामु भने, ‘वर्षौंसम्म सत्तामा राजकाज गरेका पार्टीले राजनीतिको अर्थ नै बिगा¥यो । म राजनीतिक संस्कार र संसदप्रतिको नजर बदल्न चाहन्छु ।’

घरदैलोमा गुरुङलाई मतदाताले शुभकामना दिए । देशका लागि चाहिने नेता नै धर्मराजजस्तै भएको स्थानीयले प्रतिक्रिया दिए । स्थानीयले भने, ‘तपाईंले उठाएका कुरा राम्रा लागे । यसपटक भोट तपाईंलाई भयो ।’
अरु राजनीतिक पार्टीले भोट माग्न आउँदा यो गर्छु, त्यो गर्छु भन्ने, चन्दा उठाउने र सांसद भएपछि पैसा कमाउनतिर लाग्दा राजनीति नै खराब भएको धर्मराजले बताए । उनले सांसद भइसकेपछि जनतासँग संवाद गरेर आवश्यकताका आधारमा विकास निर्माणको पहल गर्ने प्रतिवद्धता जनाए ।

‘चुनावमा म ठूलो गर्दिनँ । पहिले हातमा भोट हालेर जिताउनुस्, अनि सांसदले गर्ने काम के हो भन्ने देखाउँछु,’ धर्मराजले भने, ‘म कसैसँग चन्दा मागेर चुनाव प्रचार र तपाईंहरुको घरदैलोमा आएको होइन । चन्दा माग्ने, ऋण खोजेर चुनाव लड्ने र सांसद भएपछि त्यो असुल गर्न लाग्दा सांसदप्रतिको हेराई खराब बनेको छ । म फोहोरी भनिएको राजनीतिलाई सफा गर्न चाहन्छु ।’

काण्डकाण्डमा देश फसिरहेको देखेपछि दुख लागेको र अब आफैं राजनीतिलाई सफा गर्नुपर्छ भनेर उम्मेदवार भएको उम्मेदवार गुरुङले बताए । ‘निर्मलाका आमाहरुको आँखु रोकिएको छैन । सुन काण्डदेखि बालुवाटारसम्मका काण्डमा देश फस्यो । सांसद र नेताले गर्ने त्यस्तो हो त ?’ वडा नम्बर २० मा घरदैलो गर्दै धर्मराजले भने, ‘यो देखेपछि मलाई दुख लाग्यो र राजनीतिमा आयो ।’

लामो समय सयुक्त राष्ट्र संघमा इन्जिनियरका रुपमा काम गरेको अनुभव देशमा लगाउने दृढ संकल्पका साथ चुनावमा होमिएको गुरुङले बताए । ‘गोर्खा सैनिक र राष्ट्र संघमा मैले सिकेको के हो भने भाषण धेरै नगर्ने, काम गर्ने,’ गुरुङले भने, ‘सँग अहिले नै ठूला ठूला विकासको सूची छैन । तर, सांसद भएपछि कुन सिस्टमले काम गर्नुपर्छ भन्ने देखाउँछु ।’

उनले देश सुधार्न विज्ञ र दूरदर्शी नेता नहुँदा बिग्रिएको बताए । अहिले सबैभन्दा बढी सरकारी कार्यालयको हालत र पूर्वाधार विकास निर्माणको तरिका बदल्नुपर्ने उनको भनाइ थियो । ‘हाम्रो हालत के छ भनेर बुझ्न यहाँको सरकारी कार्यालय हेरे पुग्छ ।

पोखराको बाटो र अव्यवस्थित पार्किङ हेरे पुग्छ । महानगर भएर पनि सुविधा कस्तो छ भन्ने लालडाँडा र मौजालाई हेरे पुग्छ,’ गुरुङले भने, ‘यस्तो अव्यवस्थित कार्यालय, यस्तो दुख र असुविधा अहिलेसम्मका नेता र सांसदले विचार नपु¥याएकै कारण भएको हो । म यो तरिका बदल्न चाहन्छु ।’

उम्मेदवार गुरुङले चुनावी सारगर्मी बढेसँगै घरदैलो अभियानलाई पनि तीव्र पारेका छन् । जनताको साथ, समर्थन र उत्साहका कारण आफ्नो जीत पक्का रहेको उम्मेदवार गुरुङले बताए ।

Categories
फिचर

कास्कीमा बस दुर्घटना हुदाँ ११ जना घाइते

पोखरा, ५ मंसिर / कास्कीको अन्नपूर्ण गाउँपालिका ४ सल्यान देखि पोखरा आउँदै गरेको ग १ ख ३७७६ नम्बरको बस काँडे–भदौरे सडक खण्ड अन्तर्गत पर्ने थामाको डाँडामा दुर्घटना भएको छ ।

बस दुर्घटना हुदाँ ११ जना घाइते भएका छन् । बसमा २२ जना सवार थिए भने बस ब्रेक फेल भएर दुर्घटना भएको बताइएको छ ।

घाइते सबैको मणिपाल अस्पतालमा उपचार भइरहेको प्रहरीले जानकारी दिएको छ । घाइतेहरुको अवस्था मध्यम रहेको प्रहरीको भनाई छ ।

Categories
आर्थिक

दशौँ पोखरा महोत्सवका लागि ३९ वटा उपसमिति गठन

पोखरा, २५ कात्तिक / युनाईटेड क्लवको आयोजनामा हुने पोखरा महोत्सव २०७६ लाई भब्यताका साथ सम्पन्न गर्नका लागि विभिन्न ३९ वटा उपसमितिहरु गठन गरिएको छ ।

पुष २९ देखी माघ १२ गते सम्म पोखराको अमरसिंह चौरमा आयोजना हुने दशौँ संस्करणको महोत्सव सम्पन्न गर्न महोत्सव आयोजक युनाईटेड क्लवका अध्यक्ष लालकाजी गुरुङको मुल आयोजक समिति संयोजक रहने गरी विभिन्न ३९ वटा उपसमितिहरु गठन गरिएको हो ।

महोत्सव सफल पार्नका लागी कार्य सम्पादन उपसमिति संयोजकमा सुक बहादुर गुरुङ, अतिथी ब्यवस्थापन उपसमिति संयोजकमा हिमालय बख्रेल, सांस्कृतीक ब्यवस्थापन उपसमितिमा राजु श्रेष्ठ, सचिवालय ब्यवस्थापन उपसमिति संयोजकमा लोक बहादुर थापा, प्रचार प्रसार उपसमिति संयोजकमा शान्त बहादुर थापा, अर्थ तथा स्टल ब्यवस्थापन उपसमिति संयोजकमा गणेश तिमिल्सिना, सुरक्षा ब्यवस्थापन उपसमिति संयोजकमा सूर्य बहादुर बानिया, अतिथी सत्कार उपसमितिमा निर्मला लामिछाने, टिकट ब्यवस्थापन उपसमितिमा दिनेश सुनार, पर्यटन ब्यवस्थापन उपसमितिमा पूर्णकला पोख्रेल, संघ सस्था समन्वय उपसमितिमा सिमा गुरुङ, बाल उद्यान उपसमितिमा सन्तोष कार्की, मायाको चिनो ब्यवस्थापन उपसमितिमा जयराम आचार्य, प्रकाशन तथा मुद्रण उपसमितिमा दिवानी सुवेदी, ब्यानर ब्यवस्थापन उपसमितिमा पूर्ण श्रेष्ठ, स्वयंसेवक परिचालन उपसमितिमा विष्णु कुमार गुरुङलाई चयन गरिएको छ ।

त्यसैगरी मूलद्धार व्यवस्थापन उपसमितिमा कृष्ण बहादुर थापा मगर, मुल्यांकन उपसमितिमा क्याप्टेन फत्ते बहादुर गुरुङ, अनुगमन उपसमितिमा सम्मर बहादुर श्रेष्ठ, विद्यालय समन्वय उपसमितिमा राजेन्द्र बहादुर थापा, प्रायोजक ब्यवस्थापनमा लिला बहादुर जि.सी., मञ्च तथा साउण्ड सिस्टम ब्यवस्थापन उपसमितिमा शिव थापा, खाना, खाजा ब्यवस्थापन उपसमितिमा भिम गुरुङ र अम्बर खतिवडा, हस्तकला उपमितिमा सावित्री थापा, महिला तथा आमा समुह परिचालन उपसमितिमा शान्ति सुवेदी, पार्किङ ब्यवस्थापन उपसमितिमा उमेश थापा मगर, बिमा ब्यवस्थापन उपसमितिमा चन्द्रा पराजुली, झांकी र्याली ब्यवस्थापन उपसमितिमा पवित्र देवी गुरुङ, यातायात ब्यवस्थापन उपसमितिमा राम नारायण श्रेष्ठ, खानेपानी ब्यवस्थापन उपसमितिमा विजय कार्की, विद्युत ब्यवस्थापन उपसमितिमा हरि श्रेष्ठ, प्राथमिक उपचार उपसमितिमा नरहरि पनेरु, स्मारक निर्माण उपसमितिमा सिद्धि कुमार श्रेष्ठ, ट्राफिक ब्यवस्थापन उपसमितिमा राम बहादुर थापा मगर, सरसफाई ब्यवस्थापन उपसमितीमा श्याम कृष्ण श्रेष्ठ, पृष्ठपोषण उपसमितिमा रिम बहादुर श्रेत्री, फोटो तथा भिडियोग्राफी उपसमितिमा नविन श्रेष्ठ, कार्यालय सचिवमा युनिशा परियार र मिडिया अर्डिनेटरमा गिता राना मगर रहेका छन ।

महोत्सवको सल्लाहकारहरुमा विश्व प्रकाश लामिछाने, सेती थापा, शुशिलराज पराजुली, रमेश बहादुर कार्की, लिलाधर अधिकारी, प्रेमछिरी शेर्पा, मेजर हितमान गुरुङ, अधिवक्ता बिमल बहादुर भण्डारी क्षेत्री, पोखरा महानगरपालिका वडा नम्बर १२ का अध्यक्ष राम बहादुर कार्की, वडा नम्बर १० का अध्यक्ष राजकुमार गुरुङ, वडा नम्बर २४ का अध्यक्ष ओम सुवेदी, वडा नम्बर ३१ का अध्यक्ष कमल बहादुर थापा, वडा नम्बर १३ का अध्यक्ष दर्शन लामा (लेख बहादुर तामाङ), वडा नम्बर १५ का अध्यक्ष प्रकाश पौडेल, वडा नम्बर १४ का अध्यक्ष प्रेम बहादुर कार्की, वडा नम्बर ११ का अध्यक्ष मोहन बास्तोला, शंकरनाथ पौडेल, शिव बहादुर वराल, गोविन्द घिमिरे, तेज बहादुर गुरुङ, कृष्ण बहादुर थापा, रिसभ देव बास्तोला, राजेन्द्र बहादुर कार्की, दान बहादुर गुरुङ, भरत केसी, निलकण्ठ पोखरेल (निश्चल), गोपाल गुरुङ, दया बराल, कृष्ण कुमारी थापा र गोमा पौडेल रहेका छन ।

Categories
मनोरञ्जन

नवीन कलाश्री पुरस्कार मानन्धरलाई

पोखरा २५, कार्तिक / कलाकार क्षेत्रलाल कायस्थ प्रतिष्ठान पोखराद्धारा स्थापित नवीन कलाश्री पुरस्कार २०७६ वरिष्ट कलाकार किरण मानन्धर काठमाण्डौलाई प्रदान गरिने भएको छ ।

प्रतिभा छानौट समितिको बैठकले सो निर्णय गरेको हो । सो पुरस्कारको राशी रु ५० हजार, दोसल्ला र ताम्रपत्र रहेको छ ।

पुरस्कार मंसिर १ गते नेपाल आर्ट काउन्सिल बबरमहल काठमाण्डौमा आयोजना हुने विशेष समारोहमा मानन्धरलाई प्रदान गरिने प्रतिष्ठानका सचिव कमल पौडेल अथकले जानकारी दिएका छन् ।

प्रतिभा छनोट समितिका संयोजक गोपाल श्रेष्ठको संयोजकत्वमा सदस्य झपिन्द्र गुरुङ, हेमकान्ति गुरुङ र पदेन सदस्यको रुपमा अध्यक्ष लोकप्रसाद गुरुङ र सचिव कमल पौडेल अथक रहेका थिए ।

सो कार्यक्रमको प्रमुख अतिथि संस्कृतिविद्ध सत्यमोहन जोशी रहेको प्रतिष्ठानले जनाएको छ ।
सो पुरस्कार कला क्षेत्रमा लागेका कलाकारहरुलाई प्रत्येक २ वर्षमा प्रदान गरिने सचिव कमल पौडेल अथकले जानकारी दिएका छन् ।