मिस नेवा ११३६ को तयारी तिव्र

98

पोखरा, १८ फागुन/नेवा खलः कास्कीको आयोजनामा चैत्र ६ गते शनिबार पोखरामा हुन लागेको मिस नेवा पोखराको तयारी तिव्र पारिएको छ । मिस नेवाः पोखरा ११३६ का लागि १९ जना नेवारी समुदायका युवतीले प्रतिस्पर्धा गर्दैछन । सहभागि प्रतियोगिहरुलाई बिभिन्न जीवनपयोगी तालिम प्रदान गरिएको प्रतियोगिता संयोजक सुविन्द्र श्रेष्ठले जानकारी दिए ।
अहिले सम्म अन्नपुर्ण एफ एमका प्रमुख कार्यकारी अधिकृत दिपेन्द्र श्रेष्ठले सार्वजनिक भाषण कला, नारायण शर्मा, बिश्वहरी जोशीले ब्यक्तित्व बिकास, बिक्रम उदासले नेवारी भाषा, नेपालभुषण बैद्यले उद्यमशिलता, ओम फाइनान्सका प्रमुख कार्यकारी अधिकृति बुद्धि मल्लले बैकिङ्ग, प्रमोद श्रेष्ठले पर्यटन सम्बन्धि तालिम प्रदान गरेका छन् । त्यसैगरि कवि तथा संस्कृतिविद तिर्थ श्रेष्ठले नेवारी कला तथा संस्कृति, अनमोल ताम्राकारले खाना तथा सौन्दर्यबिद मिना गुरुङ्गले सौन्दर्य सम्बन्धि तालिम प्रदान गर्ने संयोजक श्रेष्ठले बताए ।

प्रतियोगितामा सहभागिहरुलाई साँस्कृतिक भ्रमणका रुपमा नेवारी कला र संस्कृतिको राजधानी किर्तीपुर, ललितपुर र भक्तपुर लगिने नेवा खल कास्कीका अध्यक्ष अशोक पालिखेले बताए । त्यहा रहँदा उनीहरुले नेवारी आर्किटेक्टको अवलोकन तथा नेवारी संस्कार र संस्कृतिका ’boutमा अन्र्तक्रिया गर्ने खलका अध्यक्षले पालिखेले जानकारी दिए ।

प्रतिस्पर्धीहरुमा भैरबटोलका करिस्मा शाई, रामबजारका सन्ध्या श्रेष्ठ, सुवि तण्डुकार, सुरक्षा तझ्या र मौनता कर्माचार्य, हेम्जाका ज्योती श्रेष्ठ, पृथ्बीचोकका सेलिका श्रेष्ठ र एनी श्रेष्ठ, रानीपौवाका अनिशा तझ्या, सुस्मा श्रेष्ठ र सन्जु श्रेष्ठ रहेका छन् । यसैगरि मोहोरिया टोलका अस्मिता बज्राचार्य, एलिशा जोशी, सिंहनाथटोलका श्रेंयका प्रधान, सृजनाचोकका सदिक्षा मल्ल, बगरका निशा श्रेष्ठ, लामाचौरका रोजिना श्रेष्ठ र तनहँु डुमे्रका अस्मिता श्रेष्ठ, मालेपाटनका दिपिका श्रेष्ठ रहेका छन् । विभिन्न चरण पार गर्दै आउदो चैत्र ६ गते शनिबार पोखरा सभागृहमा अन्तिम चरणको प्रतिस्पर्धा हुनेछ । कार्यक्रमबाट वचत रकम, नेवा खलः कास्कीले आयोजना गर्ने नेवारी साँस्कृतिक कार्यक्रममा टेवा पुर्याउने तथा भौतिक संरचना निर्माणमा सहयोग गर्ने भएको छ ।

Get real time updates directly on you device, subscribe now.

👇 यी पोस्टहरु पनि हेर्नुहोस् ।
Loading...