CAN

स्थगित मःम मेला शुक्रबारदेखि

75

पोखरा, 6 फागुन। यातायात व्यवसायीको आन्दोलन कारण विहीबार स्थगित भएको पेप्सी मःम मेला शुक्रबारदेखि शुरु हुने भएको छ।
अचानक चक्काजाम हुदाँ विहीबार शुरु गर्न सकेनौ कार्यक्रम संयोजक रवीन गुरुङले भने – जस्तोसुकै परिस्थितिमा पनि शुक्रबारदेखि भने मेला शुरु गर्ने छौ। मेलाको तीन जना सडक बालकले उद्घाटन गर्ने छन्।आर इभेण्ट ट्रेनर नेपालले फेण्डसिप युथ क्लव र आईएफसी फेसन कलेजको सहकार्यमा मेला गर्न लागेको हो। पोखरा नयाँबजारस्थित प्रदर्शनी केन्द्रमा हुने मेला आइतबारसम्म चल्ने छ।

मेलाका दर्शकका लागि लक्षितगर्दै रेष्टुरेण्टहरुले विभिन्न २५ प्रकारका १० लाख डल्ला मःम तयार पार्ने छन्। मेलामा पनिर, खुवा, केरा, टोफु, गुदपाक, आलु, विग, ओमन, माछा, ससेज, आइसक्रिम र चकलेट लगायतका मःमको स्वाद लिन पाईने छ। मेलाका लागि नै ५५ हजार रुपैया खर्च गरेर बनाइएको मःम महोत्सव स्थलमा राखिएको छ।

मेला सम्पन्न गर्न ४४ लाख खर्च लाग्ने र एक लाख दर्शकले मेला अवलोकन गर्ने अनुमान गरिएको छ। यसपटक मेलामा फेसन वीक समेत गरिदै छ। मेलाबाट बचत भएको रकम पोखरामा आध्यात्मिक पर्यटन प्रवद्र्वनका लागि अन्र्तराष्ट्रिय योग ध्यान केन्द्र निर्माणमा खर्च गरिने बताइएको छ।