सागर राज तिमिल्सिना
पोखरा, २० पुस /पोखरा लेखनाथ महानगरपालिका १८ सराङकोटमा निर्माणधीन एक होटलमा भएको हत्या घटनाका आरोपीलाई प्रहरीले पक्राउ गरि सार्वजनीक गरेको छ । दुई जनाको हत्या र एक जनाको गम्भीर घाइते हुने गरि भएको घटनाको हत्या आरोपमा प्रहरीले धनकुटाबाट पुर्णबहादुर लिम्बुलाई पक्राउ गरेको हो । पक्राउ परेका लिम्बुलाई कास्की प्रहरीले बिहीबार नै पत्रकार सम्मेलन गरी सार्वजनीक गरेको छ ।
पुस १४ गते राती पोखरा लेखनाथ महानगरपालिका १८ सराङकोटको निमार्णाधिन माउन्टेन रिसोर्ट एण्ड स्पामा काम गर्ने भोजपुर जिल्ला षडान्द नगरपालिकाका १९ बर्षिय निमा शेर्पा र ३७ वर्षका आङलाक्पा शेर्पालाई घनले टाउकोमा प्रहार गरी हत्या भएको थियो । गम्भिर घाइते २७ बर्षिय आङादावा शेर्पाको पोखराको मणिपाल अस्पतालमा उपचार भइरहेको छ । हत्या आरोपी पुर्णबहादुर लिम्बुलाई सार्वजनीक गर्दै कास्कीका प्रहरी प्रमुख अशोक सिंहले मोवाइल चोरेको ओपको प्रतिसोध साध्न हत्या गरेको बताए ।
चार दिन आगाडी आङादावा शेर्पाको मोवाइल हराएको थियो । हराएको मोवाइल पुर्णबहादुरले चोरेको भन्दै आरोपल लगाए पछि उनले हत्याको योजना बनाएको प्रहरी अनुसन्धानबाट खुलेको सिंहले बताए । उनले चोरी गरेको मोवाइल सोही दिन फिर्ता दिएका थिए । एक महिना देखि उनीहरु सो ठाउँमा सगैँ काम गर्दै आएको थिए । हत्या पछि भागेर धनकुटा पुगेको लिम्बुलाई कास्की प्रहरीबाट साहेक निरिक्षक सन्तोष सुबेदी सहितको टोलीले पक्राउ गरेको हो । सुबेदीका अनुसार उनी दुई दिन पछि भारतको केरालामा कामका लागि जाने तयारीमा रहेको बताए । उनले धनकुटाको छतरजोरपाटी गाउँपालिका ५ मा रहेको उनको घर नजिकैबाट पक्राउ गरेको बताए ।
निमा शेर्पा काठमाडौमा कक्षा ११ मा पढ्दै गरेका विद्यार्थी हुने भने आङादाना शेर्पा र आङलाक्पा शेर्पा विदेश जान घरबाट काठमाडौ आएका थिए । उनीहरु चार जना धरानबाट बसमा सगैँ आउदा चिनजान भएको थियो । १४ गते हत्या भए पनि पुस १६ गते मात्रै हत्याभएको रहस्य खुलेको थियो ।
१६ गते अवेरसम्म मजदुर काममा नआएपछि उनीहरुको खोजी सुरु गरिएको थियो । निर्माणाधीन भवनमा काम गर्ने अन्य मजदुरले आफ्ना साथीहरुको खोजी गरेका थिए । सुतिरहेको कोठामै २ जनालाई मृत अवस्थामा र १ जनालाई घाइते अवस्थामा भेटाएका थिए ।