प्रथम पश्चिम पृतना खुल्ला ह्याण्डवल रनिङ शिल्ड प्रतियोगिता हुने

105

ह्याण्डवल खेलको विकास गर्ने उद्धेश्यले साउन ३० देखि ३२ गतेसम्म पोखरामा प्रथम पश्चिम पृतना खुल्ला ह्याण्डवल रनिङ शिल्ड प्रतियोगिता हुने भएको छ । कास्की जिल्ला ह्याण्डवल संघ र पश्चिम पृतनाको संयुक्त आयोजनामा प्रतियोगिता हुन लागेको पश्चिम पृतनाले पत्रकार सम्मेलन गरि जानकारी दिएको छ । प्रतियोगितामा नेपाली सेना, सशस्त्र प्रहरी, काठमाण्डौं, सुदुरपश्चिमाञ्चल र मध्यपश्चिमाञ्चलको संयुतm टोली, पोखराबाट ४ टोली सहित ८ टोलीको सहभागिता रहने पश्चिम पृतनापति भिक्टरजंग राणाले जानकारी दिए ।

प्रतियोगितामा विजेता टोलीले २५ हजार र उपविजेताले १५ हजार रुपैया साथमा ट्रफी मेडल प्रमाणपत्र पाउने छन । प्रतियोगितामा उत्कृष्ट खेलाडी तथा सर्वाधिक गोलकर्तालाई जनहि ५÷५ हजार पुरस्कार प्रदान गरिने छ । पश्चिम पृतनाको हेड क्वाटर विजयपुर व्यारेकमा हुने प्रतियोगिता सम्पन्न गर्न १ लाख लाग्ने पश्चिम पृतनाले जनाएको छ ।

पश्चिमपृतनामा ह्याण्डवल मैदान, फुटवल मैदान, भलिवलका तीन वटा कोर्ट, टेनिस कोर्ट र विच भलिवल कोर्ट रहेको छ । आगामी तीन महिना भित्रमा सुइमीङ पुल निमार्ण गर्ने बताउदै पृतनापति राणाले भविश्यमा क्रिकेट पिच समेत बनाउने लक्ष्य रहेको बताए । नेपाल ह्याण्डवल संघका केन्द्रीय अध्यक्ष तथा दक्षिण एसियाली ह्याण्डवल समहासंघका उपाध्यक्ष तेजबहादुर गुरुङले ह्याण्डवल खेलको नेपालमा धेरै सम्भावना भएर पनि धेरै प्रतियोगिताहरु निरन्तर हुन नसकेको बताए ।

Get real time updates directly on you device, subscribe now.

👇 यी पोस्टहरु पनि हेर्नुहोस् ।
Loading...