Mangsir 15, Kathmandu । उच्च अदालतमा नियुक्त भएका ८० न्यायाधीशको नियुक्तिसम्बन्धी मुद्दाको सुनुवाई मङ्सिर २८ गते हुने भएको छ ।
न्यायाधीश ओमप्रकाश मिश्र, बमकुमार श्रेष्ठ र डम्बरबहादुर शाहीको पूर्ण इजलाशमा सुनुवाइका लागि समय नभ्याएकाले हेर्दाहेर्दैमा यही मङ्सिर २८ गते बिहीवारका लागि राखिएको सर्वोच्च अदालतका सहप्रवक्ता नागेन्द्र कालाखेतीले जानकारी दिएका छन् ।
गतवर्ष पुस २९ गते राति उच्च अदालतमा ८० न्यायाधीशको नियुक्ति गर्दा प्रक्रिया नपु¥याई दलगत स्वार्थका आधारमा गरिएको भन्दै सरकारी वकिल कार्यालयका नायब महान्यायाधिवक्ता दुर्गाबन्धु पोखरेल, अधिवक्ता डीलहरि शर्मा, प्रकाशकुमार काफ्ले, सुरेन्द्रप्रसाद यादव र तोयानाथ ढुङ्गानाले रिट निवेदन दायर गरेका थिए ।
न्यायपरिषद्का दुई सदस्य वैद्यनाथ उपाध्याय र रामप्रसाद सिटौलाको अनुपस्थितिमै न्यायाधीशका लागि नाम सिफारिश भएको थियो । तत्कालीन परिषद् अध्यक्ष प्रधानन्यायाधीश सुशीला कार्की तथा कानून, न्याय तथा संसदीय मामिलामन्त्री अजयशङ्कर नायक र परिषद् सदस्य पदमप्रसाद वैदिक मात्र बैठकमा उपस्थित भएको हस्ताक्षर थियो ।
- त्रिशूली बस दुर्घटनामा आठ महिने नवशिशु जिवित , आमा अझै बेपत्ता
- शुक्रबार सार्वजनिक बिदा , यस्तो रहेछ कारण
- बैंकिङ कारण र कसुरले गर्दा करिब ६ वर्षमा १९ अर्ब ६४ करोड रुपैयाँ हिनामिना
- म सपना हैन योजना लिएर आउछु -विन्दुकुमार थापा
- तेस्रो मिस तामाङ्गमा १८ जना प्रतिस्पर्धी
- पोखरामा ५० हजार घूससहित इन्जिनियर पक्राउ
- बमले उडाएको ‘म्यादी’ सपना
- होटल बाराहीमा क्रिसमसका लागि केक तयारी गर्दै