पोखरा, ६ माघ /कास्की प्रहरी पोखराका विभिन्न ठाउँमा चोरी गर्दै हिड्ने गिरोहलाई पक्राउ गरेको छ । माघ ४ गते पोखराको पृथ्वीचोकमा शंकास्पद अवस्थामा हिडिरहेको अबस्थामा वडा प्रहरी कार्यालय बैदाम कास्कीबाट खटिएको प्रहरी टोलीले एक जनालाई पक्राउ गरेको छ ।
चितवन राप्ती नगर पालिका ११ घर भई हाल पोखरा १० घलेचोक बस्ने १९ बर्षिय सुनिल श्रेष्ठलाई पक्राउ गरेको हो । पक्राउ परेका श्रेष्ठलाई अनुसन्धान गर्दा अन्य साथी सगँ मिलि पोखराका बिभिन्न स्थानहरुमा रहेका ६ बटा घरमा चोरी गरेको खुलेको छ ।
अनुसन्धानका क्रममा बागलुङ जैमिने नगरपालिका ९ घर भई हाल पोखरा २५ हेम्जा बस्ने २७ बर्षिय खुम प्रसाद थापा र पोखरा ९ पृथ्बिचोक बस्ने २३ बर्षिय गगन खवासलाई प्रहरील पक्राउ गरेको छ ।
चोरीमा संग्लन भनिएका ३ जनाको कोठाबाट चोरी गरी ल्याएका विभिन्न सामग्रीहरु भेटिएका छन् । उनीहरुलाई थप अनुन्धान भइरहेको कास्की प्रहरी प्रवक्ता रविन्द्रमान गुरुङले जानकारी दिए ।
बरामद गरिएको सामान ;-
- विभिन्न कम्पनिको मोबाईल थान ४ थान
- घडी थान २,
- Samsung Camera थान १
- Samsung SD Card थान १,
- सुनौलो रङको १७ टुक्रा ६९ लाल
- सुनौलो कानमा लगाउने टप थान २,
- सुनौलो रंगको मुन्द्रा २ थान ७ लाल,
- कम्व्याट(खैरो) रंगको झोला थान १,
- सेतो डोरी भएको कालो झोला थान १,
- १७ ईन्च लामो खुकुरी (दाब समेत) थान १,
- १४.५ ईन्च लामो खुकुरी थान १, १३ ईन्च लामो चक्कु थान १,
- ९ ईन्च लामो फलामको छिनो थान १, १०.५ ईन्च लामो फलामको ह्यामर थान १
- सेतो रंगको पाउजु थान ६,
- बच्चाले हातमा लगाउने सेतो रंगको बाला थान १३,
- ठुलो सेतो रंगको बाला थान २,
- सेतो रंगको औठी थान १,
- सेतो रंगको सिक्री थान १,
- सेतो रंगको ब्रासलेट थान १,
- नगद ने.रु.२०,६१० भा.रु.३० कतारियन दिनार रु.१५०