Categories
राजनीति

‘भ्रष्टाचार कहिलेसम्म ? जनता सचेत नभएसम्म’

पोखरा, ७ बैशाख /विवेकशील साझा पार्टीले सार्वजनिक स्वामित्वमा रहेको बहुमुल्य जग्गा राजनीतिक नेतृत्व, कर्मचारी, व्यवसायी र ‘भूमाफिया’को मिलेमतोमा अपचलन भएकोप्रति खबरदारी गर्दै आएको छ ।

एक हप्ताअघिदेखि सुरु भएको अभियान अन्तर्गत शनिबार देशभर खबरदारी कार्यक्रम गरिएको छ । प्रधानमन्त्री निवास समेत रहेको बालुवाटार क्षेत्रको सरकारी जग्गा व्यक्तिको नाममा नामसारी हुनु र हायात होटलले सयौं रोपनी सरकारी जग्गा अपचलन गरेकोमा यसले भूमाफिया गिरोहको शक्ति र पहुँचको डरलाग्दो संकेत गरेको उक्त पार्टीले जनाएको छ ।

विवेकशील साझा पार्टी, गण्डकीले शनिबार पोखराको सिर्जनाचोकमा खबरदारी कार्यक्रम आयोजना गरेको हो । यहाँ स्थित पार्टीका क्रियाशील सदस्य तथा शुभेच्छुकहरुको सहभागिता रहेको संयोजक दीपक पौडेलले बताए ।

उनीहरुले ‘भ्रष्टाचार कहिलेसम्म ? जनता सचेत नभएसम्म’, ‘चर्को स्वरमा बोलौं, भ्रष्टाचारीको पोल खोलौं’, ‘भ्रष्टाचारी जेल परुन्’, ‘भ्रष्टाचारी देखिए, सरकार देखिएन’, ‘समाजवाद नांगियो, माफियातन्त्र झांगियो’, बालुवाटार बेच्नेले सिंहदरबार पनि बेच्लान्’ जस्ता प्लेकार्ड प्रदर्शन गरेका थिए ।

जग्गा सम्बन्धमा आवश्यक अनुसन्धान गरी सरकारी सम्पत्तिको संरक्षण गर्न र दोषीलाई कारवाहीको दायरामा ल्याउन विवेकशील साझाले आग्रह गरेको छ ।

Categories
राजनीति

पत्रकारलाई हतकडी लगाएर बन्दी ! यो कस्तो लोकतन्त्र ?- विवेकशील साझा

पोखरा, ४ बैशाख /पोखराका पत्रकार अर्जुन गिरीलाई ठगीको विरुद्धमा कलम चलाएकै भरमा पक्राउ गरी मुद्दा चलाएकोमा विवेकशील साझा पार्टीले ध्यानाकर्षण भएको जनाएको छ ।

प्रेस काउन्सिलले हेर्ने मुद्दालाई सिआइबीले हेरेर हस्तक्षेप गरेको ठहर गर्दै पार्टीले कुनै व्यक्तिको ईशारामा देशको प्रहरी र प्रशासन चल्नु लज्जास्पद र यो सरासर प्रेस माथिको हस्तक्षेप भनेको छ ।

प्रदेश संयोजक महेश भण्डारीले बुधबार विज्ञप्ती जारी गर्दै प्रेस स्वतन्त्रता भएमात्र लोकतन्त्र सुन्दर हुने उल्लेख गरेका छन् । ‘समाचार लेखेको आधारमा एउटा पत्रकारलाई हतकडी लगाएर बन्दी बनाईनु यो कस्तो लोकतन्त्र हो ? विवेकशील साझा पार्टी, गण्डकीले सरकारको यो रवैया प्रति भत्र्सना गर्दछ।’ विज्ञप्तीमा उल्लेख छ ।

लोकतन्त्रको आन्दोलनमा साथ दिएको नेपाली पत्रकारितालाई लोकतान्त्रिक भनिएको सरकारले नै यसरी विभिन्न वहाना बनाएर अंकुश लगाईरहेकोमा विवेकशील साझा पार्टीले असन्तुष्टि व्यक्त गरेको छ ।

विज्ञप्तीमा भनिएको छः ‘तथ्यपरक पत्रकारिता गर्ने पत्रकारलाई किन झुठो मुद्दा लगाईएको छ ? यो सोचनीय विषय हो । यसले अहिलेको दुई तिहाई सरकारको दम्भ प्रस्टसँग झल्काउँछ।’ पार्टीले पत्रकार गिरीको तत्काल निशर्त रिहाईको माग गर्दै पत्रकार महासंघले उठाएको मागहरुप्रति ऐक्यबद्धता जनाएको छ ।

Categories
राजनीति

नयाँ बर्षमा विवेकशील साझाको चियापान, राजनीतिज्ञलाई योगको आवश्यक

पोखरा, १ वैशाख / विवेकशील साझा पार्टी गण्डकीले नयाँ बर्षको शुभकामना आदान प्रदान गरेको छ। बिक्रम सम्बत् २०७६ को अवसरमा पार्टीको गण्डकी प्रदेश शाखाले शुभकामना साटासाट गरेको हो।

चियापानसहित भएको शुभकामना आदानप्रदान कार्यक्रममा योग प्रशिक्षक एवं विवेकशील साझा पार्टीका सदस्य प्रदीपकुमार श्रेष्ठले योगको बिषयमा प्रशिक्षण दिएका थिए। उनले सहभागी विवेकशील साझाका अभियन्ताहरुलाई योग अभ्यास गर्न समेत सुझाए।

योगा दौडधुप र अस्तव्यस्त जीवन भएका राजनीतिज्ञहरुलाई झन् बढि आवश्यक छ।’ उनले भने – ‘त्यसैले योगामार्फत आफूलाई तन्दुरुस्त बनाउँदै राजनीतिक जीवनलाई अझै फलदायी बनाउनुहोस्।’ पार्टीले सातापिच्छे गर्ने विशेष कार्यक्रम अन्तरगत नयाँबर्षमा यो विशेष कार्यक्रम गरेको जनाएको छ।

पार्टीका अगुवा तथा अभियन्ताहरुलाई लक्षित गरि विभिन्न प्रशिक्षण कार्यक्रमहरुलाई निरन्तरता दिईने अभियान विभागका संयोजक दीपक पौडेलले जानकारी दिए। कार्यक्रममा विवेकशील साझा पार्टीका केन्द्रीय सदस्य सुशीला केसी अधिकारी लगायत पार्टी सदस्य तथा शुभचिन्तकहरूले सहभागिता जनाएका थिए।

Categories
राजनीति

भ्रष्टाचारका विवरण माग्र्दै विवेकशील अख्तियारमा

पोखरा, १५ चैत/विवेकशील साझा पार्टीको ‘ठुलो माछा समाऊ’अभियानअन्तरगत गण्डकी प्रदेश शाखाले शुक्रबार पोखरास्थितअख्तियार दुरुपयोग कार्यालयमापुगेर पछिल्लो विवरण माग गरेको छ ।

फागुन १४ गते मंगलबार भ्रष्टाचारको विरुद्धमा ज्ञापन पत्रबुझाएको विवेकशील साझा गण्डकी प्रदेशले एक महिनापछि प्रदेश र यस क्षेत्रमाभएका भ्रष्टाचारको विवरण माग गरेको हो । ‘ठुलो माछा कता छ ?’ नारा दिएर भ्रष्टाचारको विरुद्धमा देशव्यापीविवेकशील साझा पार्टीले अभियानचलाईरहेको छ ।

सोहीअभियानअन्तरगतपार्टीको गण्डकी प्रदेश शाखाले पोखराको अख्तियार कार्यालयमा पुगेर भ्रष्टाचारको उजुरी र कारबाहीको विवरण मागेको हो । विवेकशील साझा पार्टी गण्डकी प्रदेशका सँयोजक महेश भण्डारी, यो अभियानका सँयोजक दीपक पौडेल लगाएतका पार्टीका अभियन्ता तथा अगुवाहरु पोखरा नयाँ बजार स्थित अख्तियार कार्यालयमा पुगेका थिए।

अख्तियार कार्यालयले दिएको विवरण अनुसार यस क्षेत्रमा अघिल्लो आर्थिक वर्षको भन्दा भ्रष्टाचारको संख्याझन् बढेको देखिएको छ । प्राप्त गरेको विवरणअनुसार अघिल्लो आर्थिक वर्षको २ सय ८७ वटा भ्रष्टाचार सम्बन्धि उजुरी परेकोमा यो आर्थिक वर्षको फागुन सम्ममा ३ सय ४५ वटा उजुरी कार्यालयमादर्ता भैसकेका छन् । दुई आर्थिक वर्षको कुल ६ सय ३२ वटा उजुरीमध्ये ३ सय ४ वटा मुद्दा फस्र्यौट भैसकेका छन् भने बाँकी ३ सय २८ वटा उजुरी अनुसन्धानको क्रममा रहेको अख्तियारले बताएको छ ।

अख्तियारका अनुसार सबैभन्दा बढि उजुरी संघीय मामिलातथा सामान्यप्रशासनमन्त्रालयतर्पm परेको देखिन्छ । प्रदेश अन्तरगतका जिल्ला गत उजुरी विवरण अनुसार सबैभन्दा बढि उजुरी कास्की जिल्लाको परेको छ भने पर्वत, तनहुँक्रमागत छन् । मनाङमाशून्यउजुरी छ भने मुस्ताङ दोस्रो कम उजुरी पर्ने जिल्ला रहेको छ ।

विवेकशील साझा पार्टीले वाइडवडी, ३३ केजी सुन, मेलम्ची र गण्डकी मेडिकल कलेज लगायतमा भ्रष्टाचारको विषयमाकाबारहीगर्न भनि सरकारलाई दबाबदिँदै आएको छ ।

ट्रान्सपरेन्सी इन्टरनेशनलको तथ्यांकअनुसार अघिल्लो वर्ष १ सय २२ औँ स्थानमा रहेको नेपालअहिले भ्रष्टाचार हुने मुलुकहरुमध्ये १ सय २४ औँ स्थानमाझरेको छ । र, दक्षिण एशियाली आठ मुलुकमध्ये नेपालपाँचौ स्थानमा रहेको छ ।

Categories
राजनीति

विवेकशील साझाको होलीः ‘सत्यको राजनीतिबाट जनताको मुहारमा खुशी ल्याउँछौँ’

पोखरा, ७ चैत/अघिल्ला वर्षहरुभन्दा यो पटक होलीको माहौल पोखरामा निकै बढेको देखियो । युवायुवतीहरु होलीको रंगसँगै सडकमा देखिए । विशेषगरि लेकसाइड क्षेत्रमा होलीको भीड थेगिनसक्नु देखिन्थ्यो ।

रंग खेल्दै गरेको भीडले ‘होली सँस्कार’ बढेको पुष्टी गर्छ । विभिन्न समूहमा रंग लगाएर आपसमा रमाईलो गर्ने परम्पराको रुपमा स्थापित भैरहेको होली यो पटक राजनीतिक सद्भाव साटासाट गर्ने माध्यम पनि बन्यो । होलीकै अवसरमा मुलधारका राजनीतिक समूह देखि वैकल्पिक धारका राजनीति गरिरहेका समूह आपसमा सद्भाव साटासाट गरे ।

बुधबार होलीको अवसर पारेर विवेकशील साझा पार्टी गण्डकी प्रदेश र कास्की शाखाले कार्यकर्तामाझ खुशी साटासाट गरे । विवेकशील साझा पार्टीका केन्द्रीय सदस्य शुशीला केसी अधिकारी, गण्डकी प्रदेश सँयोजक महेश भण्डारीसहित जिल्लास्तरिय नेता तथा कार्यकर्ताहरु एकै ठाऊँमा उपस्थित भएर होली खेलेका थिए ।

लेखनाथस्थित अर्घौँचोकमा विवेकशील साझा पार्टीले होली ‘सेलिब्रेशन’ गरेको थियो । होलीसँगै राजनीतिक हिसाबले नेपाली जनतामाझ खुशीको रंग छाउन सकोस् भन्ने विवेकशीलका नेता कार्यकर्ताहरुले शुभकामना दिएका थिए ।

‘असत्यमाथि सत्यको विजय भएको पर्वको रुपमा होलीलाई लिईन्छ । र, नेपाली राजनीतिमा अहिले सत्य भन्दा पनि असत्यको जगजगी देखिएको छ ।’ विवेकशील साझा पार्टी गण्डकी प्रदेश सँयोजक महेश भण्डारीले भने–‘हामी नेपाली जनतालाई सत्यको राजनीति गरेर देशको सम्बृद्धि देखाउन चाहन्छौँ । यो होलीको सन्देश पनि त्यहि हो ।’

यसैबीच विवेकशील साझा पार्टीले पोखरामा विकल शेरचनको विशेष कार्यक्रमको आयोजना गरेको छ । पार्टीको जिल्ला शाखा कार्यालय सृजनाचोकमा यो शुक्रबार नेतृत्व तथा व्यक्तित्व विकास सम्बन्धि प्रशिक्षण गर्ने उसले जनाएको छ । प्रशिक्षकको रुपमा पोखरा आउन लागेका शेरचन विवेकशील साझा पार्टीका केन्द्रीय प्रशिक्षण विभाग सदस्य पनि हुन् ।

Categories
राजनीति

राजनीतिक नेतृत्वकै कारण विकासले गति लिन सकेको छैनः डा. सूर्यराज आचार्य

पोखरा, १८ फागुन/पूर्वाधार विज्ञ भनेर चिनिँदै आएका विवेकशील साझाका नेता डा. सूर्यराज आचार्यले राज्य संचालनमा ‘लिडरशिप’ अभाव भएकै कारण नेपालमा विकासले गति लिन नसकेको बताएका छन् ।

यूथ थिंकर्स सोसाइटी पोखरा च्याप्टरले महिनैपिच्छे गर्दै आएको विशेष कार्यक्रम ‘पोखरा बोल्छ’ को सेसनमा बोल्दै आचार्यले राजनीतिक ईच्छाशक्ति हुने हो भने विकासले गति लिन समय नलाग्ने उनले तर्क पेश गरे । ‘राजनीतिक नेतृत्वमा रहेका नेताहरु काम गर्नुको साटो सपना मात्रै बाँड्दै हिँड्छन् । भाषणबाजी मात्रै गरेर विकास हुँदैन । त्यसका लागि त फिल्डमै उत्रिनुपर्छ ।’ आचार्यले भने ।

त्यसो त आचार्यले नेपालमा विकासका पूर्वाधार सम्बन्धि खासै छलफल नै नभएको पनि बताए । त्यसैमाथि भैरहेका विकास निर्माणमा काममा पनि बाह्य चासोले झन् बढि गिजोलेको उनको बुझाई छ । ‘फिल्डमा काम भैरहँदा पनि एनजिओ र आइएनजिओहरुको अनावश्यक चासो र स्वार्थले विकासको गति ढिमा भैरहेको यथार्थ छ ।’ आचार्यले भने–‘विकासको गतिलाई साँच्चिकै अगाडि बढाउन राजनीतिक नेतृत्वको ईच्छाशक्तिलाई बढाएर बाह्य प्रभावलाई न्यूनिकरण गर्नेतर्फ लाग्नुपर्छ ।’

लामो समय टोकियो यूनिभर्सिटीमा अध्यापन गरेका आचार्य अन्तराष्ट्रिय ‘थिंक ट्यांक’को रुपमा पनि परिचित छन् । ‘पोखरा बोल्छ’ को १६ औँ सेसनको क्रममा पोखरा आईपुगेका पूर्वाधार विज्ञ आचार्यलाई यूथ थिंकर्स सोसाइटी पोखरा च्याप्टरका अध्यक्ष सजुमा घिमिरेले विभिन्न प्रश्न गरेकी थिईन् । ‘नेपालमा पूर्वाधार विकासको सम्भावना र चुनौती’ शिर्षकमा बोलिरहेका आचार्यलाई फोरमबाट पनि विभिन्न व्यक्तिहरुले प्रश्न राखेका थिए ।

‘सामाजिक शिक्षा नेपालीमै पढाउनुपर्छ’

यसैबीच डा. सूर्यराज आचार्यले विद्यालयमा ‘सामाजिक शिक्षा नेपालीमै अध्ययन गर्नुपर्छ’ अर्को एक अन्तरक्रिया कार्यक्रमा पनि सहभागिता जनाए ।

सो कार्यक्रममा बोल्दै उनले शैक्षिक पूर्वाधार नै कमजोर भएका कारण नेपालको सबै क्षेत्रमा समस्या आएको बताए । ‘देश विकासमा शैक्षिक पूर्वाधारको विकास महत्वपूर्ण हुन्छ । तर यो विषयमा जति ध्यान दिनुपर्ने हो, त्यति दिईएको छैन ।’ आचार्यले भने ।

उनले विद्यालयहरुमा पाठ्यक्रम बनाउँदा भाषालाई सबैभन्दा माथि राख्नुपर्नेमा जोड दिए । सामाजिक शिक्षा अध्ययनका लागि त झन् अँग्रेजी भाषा प्रयोग गर्नै नहुने उनको तर्क थियो ।

अन्तरक्रियामा उनीसँगै डा. बसन्त गौतम र विश्व सिग्देल वक्ता थिए । अन्तरक्रियामा सबै वक्ताहरुले भाषालाई पहिलो प्राथमिकता दिनुपर्नेमा जोड दिए । नेपालमा अँग्रेजी भाषाको प्रभाव बढ्दै जाँदा पछिल्लो छिमलका युवापुस्ता र बालबालिकाको भाषिक ज्ञान कमजोर हुँदै गएको उनीहरुको तर्क थियो ।

अझै सामाजिक शिक्षाले नेपालको भाषा, सँस्कृति, ईतिहास, भूगोल र राजनीतिको विषयमा ज्ञान दिने भएकोले अन्य भाषामा यो विषयको पढाई हुँदा विद्यार्थीहरुले सहि तरिकाले बुझ्न नसक्ने बताएका थिए ।

Categories
फिचर राजनीति

गण्डकी मेडिकल कलेजका विद्यार्थीहरुको मागप्रति विवेकशील साझा पार्टीको ऐक्यबद्धता

पोखरा, २४ माघ /विवेकशील साझा पार्टी गण्डकी प्रदेशले आन्दोलनरत गण्डकी मेडिकल कलेजका विद्यार्थीहरुको माग प्रति ऐक्यबद्धता जनाएको छ । उसले विद्यार्थीहरुको मागप्रति कलेजले तत्काल सम्बोधन गर्नुपर्ने बताएको छ ।

विवेकशील साझा पार्टी गण्डकीका सँयोजक महेश भण्डारीद्वारा जारी प्रेस विज्ञप्तीमा सरकारले तोकेको भन्दा पनि बढि शुल्क लिएर गण्डकी मेडिकल कलेजले मनपरी गरेको बताईएको छ ।

‘यो सरासर लुटतन्त्र हो । कलेजले विद्यार्थीमाथि गरेको यो अन्यायप्रति हाम्रो पार्टीको ध्यानाकर्षण भएको छ ।’ विज्ञप्तीमा भनिएको छ–‘मनपरी शुल्कका विरुद्ध विद्यार्थीले गरेको आन्दोलनप्रति हाम्रो पार्टीले ऐक्यबद्धता जनाउँदै कलेजलाई तत्काल यस्ता हर्कत रोक्न आग्रह गर्दै प्रशासन समक्ष उचित छानविनको माग गर्दछ ।’

साथै विवेकशील साझा पार्टीले गण्डकी मेडिकल कलेजले विद्यार्थीलाई थप शुल्कको बिल भरपाई नदिएर करप्रणाली नमानेको दाबी समेत गरेको छ । कलेजले विद्यार्थीहरुलाई अन्याय गर्नुका साथै करप्रणालीमाथि नै प्रहार गरेकाले प्रशासनले आवश्यक छानविन गर्नुपर्ने उसको धारणा छ ।

काठमाडौं उपत्यकाबाहिर एमबिबिएस पढ्ने विद्यार्थीलाई ४२ लाख ४५ हजार रुपैयाँ शुल्क तिर्नुपर्ने सरकारी नियम छ । यद्यपी विद्यार्थीहरुले ५५ लाख रुपैयाँभन्दा बढि शुल्क तिर्दै आएको बताएका छन् । हाल कलेजले शुल्क घटाउनुपर्ने माग सहित विद्यार्थीहरु आन्दोलित छन् ।

Categories
राजनीति

विवेकशील साझामा गण्डकी प्रदेशबाट केन्द्रिय सदस्यमा शुशिला केसी अधिकारी

पोखरा, २ माघ/विवेकशील साझा पार्टीले केन्द्रिय समिति विस्तार गरेको छ । साथै, पार्टीले विभिन्न विभागमा संयोजक पनि तोकेको छ ।

गण्डकी प्रदेशबाट केन्द्रिय सदस्यमा शुशिला केसी अधिकारी चयन भएकी छिन् । हरेक प्रदेशबाट ३ जना महिला केन्द्रिय सदस्यमा चयन गर्ने विधान अनुसार गण्डकी प्रदेशबाट सिफारिस भएकी उनलाई केन्द्रले अनुमोदन गरेको गण्डकी संयोजक महेश भण्डारीले बताए ।

पार्टीको केन्द्रीय समितिको बैठकपछि मंगलबार आयोजित पत्रकार सम्मेलनमा प्रवक्ता डा.सूर्यराज आचार्यले शुशिला केसी अधिकारी सहितका नाम सार्वजनिक गरेका हुन् । महिला केन्द्रीय समितिमा सुदुर पश्चिम प्रदेशबाट शैलु श्रेष्ठ, प्रदेश ५ बाट सरस्वती पन्थी भुसाल चयन भएकी छन् ।

को हुन् शुशिला केसी अधिकारी ?

कास्कीकी शुशिला केसी अधिकारी होटल तथा पर्यटन व्यवसायी हुन् । अंग्रेजी साहित्यमा स्नातकोत्तर गरेकी अधिकारी पोखराको पिनाकीन होटलको संचालक तथा निर्देशक हुन् ।उनी अन्नपूर्ण हस्पिटलकी संस्थापक पनि हुन् ।

एउटा बोर्डिङ्ग स्कुलको संस्थापक निर्देशक समेत रहेकी उनी पौलिनी कृषी फार्म (चितवन) को संचालक, लायन्स क्लब अफ सेती गण्डकी, पोखरा, तथा सामिप्य समाज नेपालकी पूर्व अध्यक्ष पनि हुन् । पोखराका अग्रज चिकित्सक डा. ध्रुबबहादुर अधिकारीकी धर्मपत्नी हुन् । राजनीतिक शास्त्रका पूराना प्राध्यापक ध्रुब केसीकी सुपुत्री हुन् ।

यूवा र महिला संगठन निर्माण विवेकशील साझाले अब्दुस मियाँको संयोजकत्वमा विवेकशील साझा युवा संगठन र सोभिता परियारको संयोजकत्वमा विवेकशील साझा महिला संगठन गठन गरेको छ। संयोजक मिश्रलाई विदेश विभाग र पार्टीका केन्द्रीय विभागको पुनर्गठन गर्दै नयाँ जिम्मेवारी तोकेको छ।

उमेद पुनलाई कोष संकलन, मुमाराम खनाललाई संगठन, किशोर थापालाई अभियान, सूर्यराज आचार्यलाई नीति तथा कार्यक्रम, केशव दाहाललाई प्रशिक्षण, किरणकृष्ण श्रेष्ठलाई सञ्चार, सामाजिक न्याय तथा समावेशीता प्रकाशचन्द्र परियारलाई, कानून निरुपमा यादव, उद्यमशीलता रमेश महर्जन, तथ्यांक राम साह, केन्द्रीय कार्यालयको प्रमुखमा मानवी पौडेललाई जिम्मेवारी तोकिएको हो।

पार्टीले केन्द्रीय समिति सदस्य समेत रहने गरी प्रदेश १ को संयोजकमा अनिल भेटवाललाई चयन गरेको छ ।

Categories
फिचर राजनीति

विवेकशील साझाः जिल्लामा छैन फुटको असर

पोखरा, २९ पुस/विवेकशील साझा पार्टीका सँयोजक मध्येका एक उज्जल थापा सहित केहि केन्द्रीय सदस्यहरुले पार्टी छोडेको भन्दै बखुण्डोलको पार्टी कार्यालयमा पत्रकार भेटघाट चलिरहेको थियो । विधिवत रुपमा उज्जवल थापाहरुले पार्टी छाडेको जानकारी अर्का सँयोजक रवीन्द्र मिश्रले गराउँदै थिए ।

यसले वैकल्पिक शक्ति निर्माणको अभियानमा केहि असर गरेको प्रतिक्रिया दिए उनले । यद्यपीयता कास्कीम ाभने सोहि समयमा विवेकशील साझा पार्टीका सदस्यहरु अर्कै कार्यक्रममा व्यस्त थिए । विवेकशील साझा पार्टी फुटको असर जिल्ला स्तरमा भने देखिएन ।

कास्कीका विवेकशील साझा पार्टीका सदस्यहरु केन्द्रमा पार्टी टुक्रिरहँदापनिआपसमामिलेर अन्तरक्रियामा सहभागी भैरहेकाथिए । उनीहरु सूचनाको हक सम्बन्धितालिममा सहभागिभएर सो विषयमा जानकारी लिई रहेका थिए । डा. एन. डी. सुवेदीले विवेकशील साझा पार्टी कास्कीका सदस्यहरुलाई सूचनाको हक र प्राप्तगर्ने तरिका सिकाउँदै थिए ।

कार्यक्रममा विवेकशील साझा पार्टीका गण्डकी प्रदेश सँयोजक महेश भण्डारी समेत सहभागीभए । उनले जिल्लास्तरबाट गरिएको कार्यक्रमको प्रशंसा गर्दै यस्ता कार्यक्रमलाई निरन्तर रुपमा अगाडि बढाउन सल्लाहदिए । साथै उनले वैकल्पिक राजनीतिको यात्रामा दृढ भएर अगाडि बढ्न सबै सदस्यहरुलाई हौसलाप्रदान गरे ।

आफ्ना सदस्यहरुलाई हरेक तवरले सक्रृय बनाईराख्नकालागिविवेकशील साझा पार्टी कास्कीले हरेक शनिबार यस्तै तालिमतथाअन्तरक्रियाकार्यक्रमहरु गर्ने जनाएको छ । प्रत्येक शनिबार नयाँ नयाँ विषयमा अन्तरक्रिया तथा अभियान संचालन गर्नका लागि पार्टीले दीपकपौडेललाई कार्यक्रम सँयोजकको रुपमाचुनेको छ ।

‘हामीले यो अभियानलाई निरन्तरतादिनकुनै हालतमाचुक्नेछैनौँ ।’ कार्यक्रम सँयोजकदीपकपौडेलले भने–‘पार्टीले बनाउने वार्षिक क्यालेन्डर मै हरेक शनिबार हुने कार्यक्रमको जानकारी गराउने गरि हामीले कामथालेका छौँ ।’ उनले यस्ता कार्यक्रमले पार्टी सदस्यमाउर्जा भर्ने भएकोले आफूहरुले यसलाई विशेष स्थानदिएको प्रस्ट्याए । विवेकशील साझा पार्टी कास्कीका सदस्यहरुले जिल्लास्तरमा फुटको कुनै असर नरहेको सन्देश समेत दिएका थिए ।

Categories
पोखरा

वैवाहिक खुशीलाई समाज सेवासँग जोड्यो विवेकशील साझाले

पोखरा, ७ पुस /सामान्यतया विवाहमा भव्य भोजभतेर हुन्छ । खर्चिलो पाराले विवाह गर्ने चलन बढिरहेको अवस्थामा विवेकशील साझा पार्टीले केहि फरक सन्देश सहितको भोज आयोजना गरेको छ ।

‘मेनु’ त्यस्तो विशेष केहि थिएन । न थियो बाजा, न सुनिन्थ्यो संगीत । पुसको चिसो विहानमा आश्रममा रहेका असहाय, अनाथ र अपाङ्खहरुलाई खाना खुवाईयो । भोजमा कोहि ठाँटिएर आएका थिएनन् । पोखरा छोरेपाटनस्थित मानव सेवा आश्रममा रहेका ६९ जना आश्रितहरु भोजमा सरिक थिए ।

विवेकशील साझा पार्टी कास्कीले नवविवाहित जोडीद्वय राम गुरुङ र अस्मिता गुरुङसँगै अरुण पौडेल र महेश्वरी बराललाई असहाय तथा वृद्धवृद्धाहरुको साथमा सहभोज गराई दाम्पत्य जीवनको शुभकामना दिएको हो ।

‘विवाहलाई तडकभडक रहित बनाऊँ भन्ने सन्देश दिन पनि हामीले यस्तो गरेका हौँ ।’ कार्यक्रमको व्यवस्थापन लिएका विवेकशील साझा पार्टी कास्कीका सदस्य दिपक पौडेलले भने–‘खुशी र उत्सवलाई मानव सेवासँग जोड्ने हाम्रो प्रयत्न हो ।’

नवविवाहित जोडीहरुले पार्टीले आश्रममा आश्रितहरुसँग सहभोज गराई आफूहरुलाई दिएको शुभकामना गज्जब भएको प्रतिक्रिया दिए । साथै उनीहरुले यसरी सहभोज गर्न पाउँदा निकै खुशी लागेको प्रतिक्रिया दिए । नवविवाहित राम गुरुङले आश्रितहरुसँग सहभोज गराई आफ्नो विवाहको उत्सवलाई अविष्मरणीय बनाईदिएकोमा पार्टीप्रति धन्यबादी सुनिए । त्यस्तै अर्का जोडी मध्येका अरुण पौडेलले भने–‘अबका हरेक वैवाहिक वर्षगाँठ हामीले यसरी नै असहाय र अनाथहरुसँग सहभोज गरेर मनाउने मैले अठोट लिएको छु ।’

कार्यक्रममा विवेकशील साझा पार्टीका प्रदेश सँयोजक महेश भण्डारीको पनि उपस्थिती रहेको थियो । उनले नवविवाहित दम्पत्तीहरुलाई वैवाहिक जीवनको शुभकामना दिँदै हरेकले आफ्नो विशेष दिनलाई असहायहरुलाई सहयोग गरेर मनाउनुपर्ने धारणा राखे । ‘कुनै पनि उत्सवलाई तडकभडकसँग मनाउनुभन्दा यसरी नै असहायहरुलाई सहयोग गरेर मनाउने हो भने अझै बढि उत्तम हुन्छ ।’ भण्डारीले भने ।

सोहि अवसरमा विवेकशील साझा पार्टी कास्कीकै अर्का सदस्य लता ओझाले आफ्नो जन्मदिन पनि आश्रममै मनाईन् । उनले आश्रमका आश्रितहरुलाई केक खुवाएर आफ्नो जन्मदिन मनाएकी थिईन् । मानव सेवा आश्रमका अभियन्ता राजन सापकोटाले असहाय, अनाथ र अपाङ्खहरुप्रति विवेकशील साझा पार्टीले देखाएको सदाशयताप्रति धन्यबाद ज्ञापन गरे । उनले पार्टीले उनीहरुसँग सहभोज गराई एउटा राम्रो सन्देश दिएको प्रतिक्रिया दिए ।

मानव सेवा आश्रम पोखरामा ६९ जना मनोरोगी, अपागं, असहाय, अनाथ व्यक्तिहरु बस्छन् । २०६९ भदौ १३ गतेदेखि हेटौडाबाट शुरु भएको आश्रम हाल देशको ९ वटा मुख्य शहरहरुमा फैलिएको छ । पोखरामा २०७४ चैत १७ गतेदेखि शुरु भएको आश्रम नवौँ शाखा हो ।

आश्रमका अन्य शाखाहरु चितवन, काठमाण्डौ, ललितपुर, गोरखा, लमजुङ, बागलुङ, वीरगंज र बुटवलमा संचालनमा रहेका छन् । आश्रमले कोहि पनि व्यक्ति ‘खाना, नाना र छाना’को अभावमा सडकमा भौतारिएर बस्न नपरोस् भन्ने उद्देश्यसहित काम गर्दै आएको छ । २०८२ भित्र एउटा पनि वेवारिसे मानिस नेपालमा नभेटिऊन् भन्ने उसको लक्ष्य छ