खेलकुद पत्रकार मञ्च गण्डकीको साधारणसभा फागुन ७ मा, उमेश पुनलाई सहयोग

खेलकुद पत्रकार मञ्च गण्डकीको वार्षिक साधारणसभा फागुन ७ मा, उमेश पुनलाई सहयोग
211

पोखरा, २६ माघ/ नेपाल खेलकुद पत्रकार मञ्च गण्डकीको १४ औं बैठक शनिबार पोखरामा सम्पन्न भयो ।

मञ्च अध्यक्ष एकराज गिरीको अध्यक्षतामा बसेको बैठकले प्रथम वार्षिक साधारणसभा आगामी फागुन ७ मा पत्रकार महासंघ कास्कीको सभाहलमा गर्ने निर्णय गरेको छ । सो अवसरमा चौथो पोखरा स्पोर्टस् अवार्डको आयव्यय सार्वजनिक समेत हुनेछ ।

यस्तै, मञ्चले खेल र खेलाडीको प्रवद्र्धनका लागि नियमित आयोजना गर्दैआएको पोखरा स्पोर्टस् अवार्ड समारोहलाई अबदेखि विश्व प्रेस स्वतन्त्रता दिवसकै दिन गर्ने निर्णयसमेत गरेको छ । जसअनुसार अब हुने पाँचौ संस्करणको स्पोर्टस् अवार्ड २०७७ वैशाख २१ मा हुनेछ ।

यसैगरी, मञ्चका कार्यसमिति सदस्य उमेश पुनको उपचार सहयोगार्थ हाललाई १० हजार रुपैयाँ सहयोग गर्ने निर्णय गर्दै सो रकम उनकै निवासमा पुगी हस्तान्तरण समेत गरेको छ ।

समाचार संकलन गरी फर्किने क्रममा गत माघ १४ मा पोखरा चाउथेमा मोटरसाइकल दुर्घटनामा परी पत्रकार उमेश पुन र सुमन गुरुङ घाइते भएका थिए । पत्रकार उमेशको दायाँ हात भाँच्चिएको छ ।

Get real time updates directly on you device, subscribe now.

👇 यी पोस्टहरु पनि हेर्नुहोस् ।
Loading...