Ganthan News Pokhara
All news from Pokhara & around

फेवातालको बिचमा टापु बनाएर कफी सप बनाउने प्रदेश सरकारको तयारी

0

पोखरा, २५ वैशाख/गण्डकी प्रदेश सरकारले फेवातालको बिच भागमा कफी सप बनाउने तयारी गरेको छ । गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले फेवातालको बीच भागमा कफी सप बनाउने प्रदेश सरकारको योजना रहेको बताएका छन् ।

पोखरा आउने पर्यटकलाई नयाँ गन्तव्य बनाउन कफी सप स्थापना गर्न डिपिआर तयार पार्न लागेको मन्त्री लम्सालले बताए । उनले भने “ फेवातालको बिच मागमा माटो थुपारेर नयाँ किसिमबाट हामीले कफी सप संचालन गर्न खोजेका छौं, यसको डिपिआर तयार भए पछि सायद यसको संचालन निजी क्षेत्रलाई दिन सक्छौं ।”

कफी सपमा अर्गानिक तथा ब्राण्डिङ कफी उपलब्ध गराउने उनले बताए । ताल प्राधिकरण गठन भएसंगै त्यसको सम्पूर्ण व्यबस्थापनको जिम्मा प्राधिकरणले गर्ने भएको मन्त्री लम्सालले जनाए ।

राम्रो कफी डलर तिरेर जानु पर्छ । उनले भने “ पोखराको नयाँ प्रोडक्ट बनाउने र फेवातालको माटो व्यबस्थापन गर्ने गरी हामीले यो कन्सेप्ट अघि सारेका छौं, कफीको मुल्यको बिषयमा पछि आउने व्यवसायीले तोक्न सक्छ, तर अन्य क्षेत्रमा भन्दा फेवातालमा स्थापना हुने कफी सपमा केही महङगो हुन्छ । ”

फेवातालको बिच भागमा रहेको तालबराही मन्दिरमा पर्यटक तथा श्रद्धालु भत्तजनहरु डुंगा सयर गरेर जाने गरे सरी फेवातालको बिच भाग खपौंदी क्षेत्रमा हुने कफी सपमा कफी खान डुंगा चढेर जानु पर्ने मन्त्री लम्सालले जनाए ।

रेड लाइट एरियाको विकशित रुपः पोखरामा ‘इञ्जोय जोन’ बनाइने

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु