Categories
आर्थिक पोखरा

नोकियाका नयाँ स्मार्ट फोनहरुको गण्डकी र धौलागिरीमा बिक्रि सुरु

पोखरा , २५ कार्तिक/विश्वको ख्यातीप्राप्त ब्राण्ड नोकियाले नयाँ स्मार्ट फोनहरुको नेपालमा बिक्रि बितरण गर्न शुरु गरेको छ । सन्२०१६ डिसेम्बर १ बाट नोकियाको  बिक्रि बितरण गर्न शुरु गरेको फिनल्याण्डको कम्पनी एचएम डि ग्लोबलले नेपालका लागि टेलिटक प्रा.लि. लाई आधिकारिक बिक्रेता नियुक्त गरेर नयाँ स्मार्ट तथा फिचर फोनहरुको नेपालमा बिक्रि बितरण गर्न शुरु गरेको हो ।

यसै क्रममा गण्डकी र धौलागिरीमा पनि नोकियाका नयाँ स्मार्ट तथा फिचर फोनहरुको बिक्रि बितरण गर्न शुरु भ​एको छ ।यस क्षेत्रका लागि आधिकारिक बिक्रेता न्यू साउण्ड एण्ड भिजन पोखरा तथा गोर्खा र लम्जुङ्गका लागि  ग्लोवल इन्टरनेसनल ईम्पेक्सबाट बिक्रि बितरण शुरु भएको टेलिटक प्रा.लि.का गण्डकी र धौलागिरी टियस​ओ प्रदिप तिवारीले जानकारी दिए ।

बिगत एक दशक देखि विभिन्न अन्तर्राष्ट्रिय ब्राण्डका मोबाइलहरु तथा आफ्ना स्वउत्पादनका मोबाइल नेपाली बजारमा बिक्री बितरण गर्दै आइरहेको टेलिटक प्रालिले नोकियाको आधिकारीक बिक्रेता भैसकेपछि देशभरी आफ्ना ३६ वटा क्षेत्रिय बिक्रेता चयन गरी बिक्रेताहरुको काठमाडौंमा सम्मेलन गरेको थियो ।सम्मेलनमा एचएम डी तथा टेलिटक प्रालिका प्रतिनिधिहरुले संयुक्त रुपमा नोकिया ७.२ स्मार्ट फोन र १०५ फिचर फोन लन्च गरेका थिए । हालसालै बिश्वव्यापी रुपमा बजारमा आएको नोकिया ७.२ र नोकिया १०५ आर्कषक डिजाइनका फोन हुन् ।

गत महिना बर्लिनमा संचालित युरोपको सबैभन्दा ठूलो प्रविधि प्रदर्शनी आइएफए मा नोकिया ७.२ लन्च गरिएको थियो ।६.३ इन्च डिस्प्ले र ४८ मेगा पिक्सल क्यामरा भएको नोकियाको नयाँ स्मार्टफोन ७.२ निकै नै प्रतिस्पर्धी मूल्यमा नेपाली बजारमा उपलब्ध हुनेछ ।नोकियाले स्मार्ट फोनमा तीन बर्षको लागि एन्ड्रोइडको नयाँ अपडेट र सेकुरेटी अपडेट गर्ने प्रतिबद्धता जनाएको छ ।

Categories
पोखरा फिचर

कास्कीमा उपनिर्वाचनः २१ जना चुनावी मैदानमा, १ को फिर्ता, ३ को बदर

पोखरा, १४ कात्तिक/ मंसिर १४ मा गते हुने उपनिर्वाचनका लागि कास्कीमा विभिन्न दल र स्वतन्त्र सहित २१ जना चुनावी मैदानमा उत्रने भएका छन् ।

मुख्य निर्वाचन अधिकृतको कार्यालयले आइतबार अन्तिम नामावली प्रकाशन गर्दै रिक्त प्रतिनिधिसमा सदस्यका लागि उम्मेदवारी दर्ता गरेका उम्मेदवारमध्ये ३ को उम्मेदवारी बदर, एक जनाले फिर्ता लिएको जिल्ला निर्वाचन कार्यालय कास्कीका सूचना अधिकारी रुद्र न्यौपानेले जानकारी दिए । आइतबार स्वतन्त्र उम्मेदवार पुरुषोत्तम खनालले उम्मेदवारी फिर्ता लिएको उनले बताए ।

संघीय लोकतान्त्रिक राष्ट्रिय मंचका गजेन्द्र संवो लिम्बु, राष्ट्रिय नागरिक पार्टीका नवराज घले र राष्ट्रिय मुक्ति आन्दोलनका जयवन्त विक्रम सिंहको उम्मेदवारी निर्वाचन आयोगले बदर गरेको छ । उनीहरुको नाम २०७४ को निर्वाचनमा समानुपातिक निर्वाचन प्रणालीतर्फ भएका कारण नाम बदर भएको उनले बताए ।

कास्की २ को निर्वाचनमा नेकपाबाट विद्या भट्टराई अधिकारी, कांग्रेसका खेमराज पौडेल, साझा पार्टीबाट रजनी केसी, विवेकशीलबाट जमुना शर्मा, समाजवादीबाट धर्मराज गुरुङ, देशभक्त समाजबाट विरबहादुर विश्वकर्माले उमेदवारी दिएका छन् ।

त्यसै गरी नेपाली कांग्रेस (बिपी) बाट चन्द्रबहादुर रानाभाट, राष्ट्रिय जनमुक्ती पार्टीबाट पूर्णबहादुर राना, नेकपा मालेबाट टेकनाथ भण्डारी, मंगोल नेशनल अर्गानाइजेशनबाट रियाज गुरुङ, राप्रपा संयुक्त गंगा मल्ल, राप्रपा रोमबहादुर भण्डारीको उम्मेदवारी कायम भएको छ। त्यस्तै कमलजंग कुँवर, यज्ञप्रसाद पंगेनी, लक्ष्मीकुमारी भूजेल, सुनिल भुसाल, सुनिलबहादुर कोइराला, दीपक रेग्मी, उमनाथ गौतम, नवराज बास्तोला र रनबहादुर दमै स्वतन्त्र उम्मेदवार रहेका छन् ।

Categories
पोखरा

पत्रकार गोबिन्द सुबेदी पुरस्कृत

पोखरा, २४ कार्तिक /पत्रकार गोबिन्द सुबेदी गण्डकी प्रदेशस्तरिय सहकारी पत्रकारीता पुरस्कारबाट सम्मानित भएका छन ।

पोखरा रोयल सहकारी संस्थाले पत्रकारीताको माध्यमबाट सहकारीको पुर्याएको योगदानको कदर गर्दै पत्रकार सुबेदीलाई १८ औं साधरण सभाका अवसरमा नगद सहित सम्मानपत्रद्वारा पुरस्कृत गरिएको हो ।

सो अवसरमा सहकारी अभियन्ता ऋषिराज घिमिरेलाई रोयल राष्ट्रिय सहकारी पुरस्कारबाट सम्मान गरिएको थियो । पत्रकारीतामा विगत १७ वर्षदेखी क्रियाशिल सुबेदी रेडियो बाराही, नयाँ पत्रिका दैनिक र गोल्डेन आई टेलिभिजनमा आवद्ध छन ।

Categories
आर्थिक पोखरा

जनमार्ग बचत तथा ऋण सहकारीको अध्यक्षमा कंडेल

पोखरा, २३ कार्तिक /पोखरा ३१ बेगनासमा रहेको जनमार्ग बचत तथा ऋण सहकारी संस्था लि. को अध्यक्षमा ढकनाथ कंडेल चयन भएका छन् । संस्थाको शुक्रबार सम्पन्न नबौं बार्षिक साधारणसभा एबं चौथो अधिबेशनबाट कंडेल अध्यक्षतामा निर्बिरोध चयन भ​एका हुन् ।

सहकारीको  उपाध्यक्षमा कृष्ण प्रसाद कंडेल, सचिबमा केशब राज तिवारी र कोषाध्यक्षमा धुर्बराज कंडेल चयन भएका छन् । यस्तै, सदस्यहरुमा सोमलाल तिवारी प्रदिपराज कंडेल, लक्ष्मी पाण्डे, बसन्तराज कंडेल, सावित्री बास्तोला, टिकाराम तिवारी र शोभाकर कंडेललाई सर्बसम्मत रुपमा निर्बाचित भएका छन् ।

यसैगरि लेखा समिती संयोजकमा बिदुर त्रिपाठि, सदस्यहरुमा चन्द्रकान्त बास्तोला र बुद्दीनाथ कडेल चयन भएका छन् ।सहकारी संस्थाका अध्यक्ष मणिराम कंडेलको अध्यक्षतामा सम्पन्न भएको कार्यक्रमको सन्चालन पुस्पराज पाण्डेले गरेका थिए।

Categories
पोखरा फिचर

पोखरामा नेपालकै ठूलो बायोग्यास प्लान्ट, दैनिक ९ सय किलो ग्यास उत्पादन

सागर राज तिमिल्सिना
पोखरा, २२ कात्तिक/ घरबाट निस्कने कुहिनेयुक्त फोहोरबाट पोखरामा बायोग्यास निकाल्न शुरु भएको छ । पोखरा महानगरपालिका ३२ मजुवामा युवाहरुले बायोग्यास निकाल्न शुरु गरेका हुन् ।

युवाहरुकै सक्रियतामा मजुवामा गण्डकी उर्जा प्रालि स्थापना गरेर चार महिना अघि देखी बायोग्यास उत्दान गरेर पोखराका केही ठूला व्यवसायिक तथा स्वास्थ्य सेवालाई ग्यास उपलब्ध गराउँदै आएको छ ।

उत्पादिन बायोग्यासलाई व्यावसायिकता तर्फ उन्मुख बनाउने लक्ष्य र योजना छ । उर्जा प्रालिले अहिले दैनिक ९ सय केजी ग्यास उत्पादन गर्दै आएको छ । उत्पादित ग्यास पोखराको बजारमै खपत हुन्छ । दैनिक १२ सय किलो ग्यास उत्पादन गर्ने क्षेमता भएको सञ्चालक असिम कायस्थले बताए । कम्पनीसँग अहिले ठूला र साना गरी झण्डै ५ सय सिलिण्डर छन् । सिलिण्डर १२ केजी र ६.५ केजी तौल ग्यास अटाउने क्षमताका छन् ।

पोखरामा नेपालकै ठूलो बायोग्यास प्लान्ट, दैनिक ९ सय किलो ग्यास उत्पादन
पोखरामा नेपालकै ठूलो बायोग्यास प्लान्ट, दैनिक ९ सय किलो ग्यास उत्पादन#

पोखराको बजारमा खाना पकाउने ग्यासको माग बढ्दै गएको छ । ग्यास उत्पादनको लागि गोबर, कुखुराको सुली, रस निकालिएको उखु तथा फालिएको तरकारीलाई प्रयोग गरिने ग्यास निकालिएको उनले सुनाए । पेल्न नमिल्ने बस्तुहरुलाई प्रयोगमा ल्याउन सकिदैन् । प्रालिले पोखराको शान्तिवन बाटिकास्थित तरकारी तथा फुलफुल विक्री केन्द्रबाट दैनिक बढीमा २ टन फालिएको तरकारीलाई उपयोग गर्दै आएको छ ।

ल्याण्डफिल साईटमा फालिने कुहिनेयुक्त तरकारी लगायतका बस्तुलाई छुट्टाएर कम्पनीले प्रयोगमा ल्याउने गरेको छ । उत्दान भएको ग्यासलाई प्रशोधन गरेर मिथेन ग्यास निकालेर विक्रि गर्ने गरेको कम्पनीका जेनेरल म्यानेजर निमेशकुमार झाले बताए ।

पोखरामा नेपालकै ठूलो बायोग्यास प्लान्ट, दैनिक ९ सय किलो ग्यास उत्पादन
पोखरामा नेपालकै ठूलो बायोग्यास प्लान्ट, दैनिक ९ सय किलो ग्यास उत्पादन

कम्पनीले बायोग्यास सहित जैविक मल समेत उत्पादन गरेको छ । ग्यास प्रतिकिलो १ सय रुपैयाँ विक्री वितरण गर्दै आएको छ । जैविक मल भने प्रतिकेजी १० रुपैयाँमा उपलब्ध गराइने प्रालिका अर्का प्रोप्राईटर प्रगत कायस्थलले बताए । कम्पनी ४० रोपनी भन्दा बढी क्षेत्रफलमा फैलिएको छ । आधुनिक उपकरण जडित छन् । कम्प्युटरबाटै नियन्त्रित छन् । २५ करोडको लगानीमा प्लान्त शुरु गरिएको हो । ५ करोड रुपैयाँ विश्व बैंकले अनुदान सहयोग गरेको उनले बताए ।

उत्पादित ग्यास पोखराको मणिपाल अस्पताल, क्याटरिङ सर्भिस एवं पार्टी प्यालेस, ठूला होटलहरुमा सप्लाई हुदैं आएको छ । पोखराको बजार क्षेत्रमा बढी खपत हुने हुदाँ पोखरालाई लक्षित गर्दै क्षमता विस्तार गर्ने योजना प्रालिले बनाएको छ । यो प्लान्ट नेपालकै दोस्रो हो भने क्षमताको हिसाबमै नेपालकै ठूलो बायोग्यास कम्पनी हो ।

पोखरामा कुहिने फोहोरबाट बायोग्यास उत्पादन

पोखरामा कुहिने फोहोरबाट बायोग्यास उत्पादन

Posted by AP1TV on Thursday, 7 November 2019

Categories
पोखरा फिचर

नेपाली भूमी अतिक्रणप्रति क्षत्रीको आपत्ती

पोखरा, २१ कार्तिक / राष्ट्रिय अखण्डता र जातीय सद्भाव सहित समग्र नेपाल रक्षाको निमित्त सदैव नेतृत्वदायी भूमिका खेल्दै आएको क्षत्री समाज नेपालले नेपाली भूमिको अतिक्रमणको विरोध गरेको छ ।

समाजले नेपालको सिमाना जोडिएका सिमा स्तम्भहरुलाई हटाई बारम्बार भारतीय पक्षले एकपक्षीय रुपमा सिमा अतिक्रमण गर्दै आएकोमा अहिले हदैसम्म गई नेपाली भूमि कालापानी, लिपुलेकलायई भारतको नयाँ नक्सामा समेटिएको देखिएकोले सो कार्यको घोर भत्र्सना सहित तुरुन्त सच्याउनुपर्ने, यस कदमले दुवै देशको आत्मीय सम्बन्धमा ठोस पुगेकोले सोमा समयमै सचेत रहनुपर्ने माग राखेको छ ।

समाजद्वारा विहीवार प्रकाशित प्रेस विज्ञप्तिमार्फत सो आपत्ती जनाइएको हो । शान्तिपूर्ण रुपले सरकारले यथाशीघ्र अन्तर्राष्ट्रिय रुपमा कुटनीतिक समाधान खोजिनुपर्ने माग समाजले राखेको छ ।

भारतीय पक्षबाट पटक पटक सिमानाको अतिक्रमण सहित सिमानाका नेपालीहरुको घरबार डुबान हुने गरी भौतिक संरचनाको निर्माण गर्ने कार्यले अन्तर्राष्ट्रिय रुपमा अन्तरदेशीय सम्बन्धमा गम्भीर असर पारेकोले समाजबाट यथाशक्य सम्वोधन गरिनुपर्ने अन्यथा समाजले भत्र्सना सहित देशव्यापी आन्दोलनमा उत्रिने जानकारी गराइएको छ ।

समाजका केन्द्रीय अध्यक्ष प्रा.डा.दिल बहादुर क्षेत्री र महासचिव केश बहादुर के.सी.द्वारा प्रेषित गरिएको विज्ञप्तिमा सो जानकारी गराइएको छ । राष्ट्रियताप्रति सबै पार्टी एक भई अगाडि बढ्न पनि सम्पूर्ण राजनैतिक दल र सरकारको ध्यानाकर्षण गराइएको छ ।

समाजले यस बारेमा कार्तिक २७ र २८ गते हुने केन्द्रीय कार्यसमितिको पूर्ण बैठकबाट देशव्यापी थप विरोधका कार्यक्रम गरिने योनजा रहेको केन्द्रीय उपाध्यक्ष तथा प्रचार विभाग प्रमुख कृष्ण बहादुर थापाले बताए ।

Categories
पोखरा फिचर

कास्की दुईमा नेत्तृव लिन २५ जनाको उमेदवारी, ११ जना स्वतन्त्र

सागर राज तिमिल्सिना
पोखरा, २१ कात्तिक /तत्कालीन पर्यटन मन्त्री रवीन्द्र अधिकारीको निधन भएपछि खाली रहेको कास्की क्षेत्र नम्बर २ को प्रतिनिधिसभा सदस्यको नेत्तृव लिन २५ जनाले उमेदवारी दिएका छन् ।

उमेदवारी दिनेमा ११ जनाले स्वतन्त्र उमेद्वार छन् भने १४ दलबाट प्रतिनिधित्व गर्दै उमेदवारी दिएका छन् । दलहरुले बाजाँ गाजाँ सहित जुलुस लिएर नाम दर्ता गर्न गएका थिए । कास्कीमा नेपका र नेपाली काग्रेस कै उमेद्वार बिच प्रमुख प्रतिस्पर्धा हुने देखीको छ ।

उपनिर्वाचमा नेपाल कम्युनिस्ट पार्टी (नेकपा)की विद्या भट्टराईले उम्मेदवारी दर्ता गराएकी छन् । उनको उम्मेदवारीमा गण्डकी प्रदेश सभा सदस्य समेत रहेका नेकपा कास्की अध्यक्ष कृष्ण थापा प्रस्तावक र प्रदेश सभा सदस्य प्रभा कोइराला समर्थक छन् । पोखरा राष्ट्र बैंक चोकस्थित निर्वाचन अधिकृतको कार्यालयमा भट्टराईले समर्थक सहित पुगेर मनोनयन दर्ता गराएकी हुन् ।

नेकपाकी उम्मेदवार विद्या भट्टराई भन्दा अघि स्वतन्त्र उम्मेदवार कमलजंग कुँवरले मनोनयन दर्ता गराएका थिए । उनी संरक्षणकर्मी हुन् । उम्मेदवारी दर्तामा कुँवर पहिलो र विद्या दोस्रो भएकी छन् । उमेदवारी दर्तापछि नेकपाकी उम्मेदवार विद्या भट्टराईले विगत देखी नेकपाले जितेको ठाँउ भएकाले आफ्नो जित सुनिश्चित रहेको बताइन् ।

त्यसै गरि कास्की क्षेत्र नम्बर २ मा नेपाली कांग्रेसबाट खेमराज पौडेलले उम्मेदवारी दर्ता गरेका छन् । कांग्रेसबाट उम्मेदावारका आकाक्षी रहेका शोभियतबहादुर अधिकारी र देवराज चालिसेलाई प्रस्तावक र समर्थक राख्दै पौडेलले उम्मेदवारी दर्ता गरे । उम्मेदवारी दर्तापछि पौडेले जनतालाई रिझाउन सक्ने उम्मेदवारलाई नै निर्वाचनमा जनताले विजयी बनाउने बताए ।

मंसिर १४ गते हुने उपनिर्वाचनका लागि राप्रपा, राष्टिय जनमोर्चा, विवेकशिल पार्टी, साझापाटी, सघियसमाजबादी नेपाल लगाएतका दलहरुल उमेदवारी दर्ता गराएकोे मुख्य निर्वाचन अधिकृत काजीबहादुर राईले जानकारी दिए ।

७१ हजार ८ सय ७१ मतदाता रहेको कास्की दुईमा ३२ मतदानस्थल र ८२ वटा मतदानकेन्द्रबाट मतदान रहने छन् । पोखराका विभिन्न ११ वटा वडा पर्ने कास्की २ मा रवीन्द्र अधिकारीले २७ हजार २ सय ७ मत र प्रत्यासी देवराज चालिसेले १८ हजार ६ सय ६१ मत पाएका थिए ।

तत्कालीन विवेकशील साझा पार्टी तेश्रो भएको थियो । विवेकशीलका उम्मेदार श्रीकृष्ण श्रेष्ठले ८ सय ४३ मत पाएका थिए । गण्डकी प्रदेशअन्तर्गत प्रतिनिधिसभा, प्रदेशसभा र स्थानीय तह गरी ५ ठाउँमा उपनिर्वाचन हुँदैछ ।

Categories
पोखरा फिचर

उम्मेदवारका आकांक्षीलाई प्रस्तावक र समर्थक राख्दै पौडेलले गरे उम्मेदवारी दर्ता

पोखरा, २१ कार्तिक / कास्की क्षेत्र नम्बर २ मा नेपाली कांग्रेसबाट उम्मेदवार खेमराज पौडेलले उम्मेदवारी दर्ता गरेका छन् ।

कांग्रेसबाट उम्मेदावारका आकाक्षी रहेका शोभियतबहादुर अधिकारी र देवराज चालिसेलाई प्रस्तावक र समर्थक राख्दै पौडेलले बिहीबार मध्यान्ह मुख्य निर्वाचन अधिकृतका कार्यालयमा पुगेर उम्मेदवारी दर्ता गरेका हुन् ।

उम्मेदवारी दर्तापछि पौडेले जनतालाई रिझाउन सक्ने उम्मेदवारलाई नै निर्वाचनमा जनताले विजयी बनाउने बताए । ‘जितको आधार भनेको जनता हो जनतालाई आकर्षित गर्ने हो भने जित सुनिश्चित हुन्छ’, उनले भने ।

उनले कांग्रेस एक ढिक्का भएर चुनावमा जाने भएका कारण जित सुनिश्चित रहेको उनको दावी थियो ।

Categories
पोखरा फिचर

कास्की २ मा विद्याले गरिन् मनोनयन दर्ता

पोखरा, २१ कात्तिक / कास्की २ मा प्रतिनिधि सभा सदस्यका लागि उपनिर्वाचमा नेपाल कम्युनिस्ट पार्टी (नेकपा)की विद्या भट्टराईले उम्मेदवारी दर्ता गराएकी छन् ।

उनको उम्मेदवारीमा गण्डकी प्रदेश सभा सदस्य समेत रहेका नेकपा कास्की अध्यक्ष कृष्ण थापा प्रस्तावक र प्रदेश सभा सदस्य प्रभा कोइराला समर्थक छन् ।

पोखरा राष्ट्र बैंक चोकस्थित निर्वाचन अधिकृतको कार्यालयमा भट्टराईले समर्थक सहित पुगेर मनोनयन दर्ता गराएकी हुन् ।

नेकपाकी उम्मेदवार विद्या भट्टराई भन्दा अघि स्वतन्त्र उम्मेदवार कमलजंग कुँवरले मनोनयन दर्ता गराएका थिए । उनी संरक्षणकर्मी हुन् । उम्मेदवारी दर्तामा कुँवर पहिलो र विद्या दोस्रो भएकी छन् ।

अध्यक्ष रवीन्द्र मिश्र नेतृत्वमा पार्टीकी नेतृ रजनी केसी उम्मेदवारी दर्ताका लागि निर्वाचन अधिकृतको कार्यालय पुगेर दर्ता गरेकी छन् ।

Categories
पोखरा

जेष्ठ नागरिक र बालबालिकासंग मनाए पौडेलले जन्मदिन

पोखरा, २१ कार्तिक /युवा ब्यवसायी जितेन्द्र पौडेलले आफ्नो जन्मदिन असाय जेष्ठ नागरिक र बालबालिकासंग मनाएका छन् । पौडेलले बुधबार आफ्नो ३८ औं जन्मदिनको अबसर पारेर पोखरा २६ सहेंला पाखामा रहेको कृष्ण प्रणामी मन्दिर वृद्ध तथा बाल आश्रम पुगेर जेष्ठ नागरिकलाई सहयोग हस्तान्तरण गरि जन्मदिन मनाएका हुन् ।

उनले सहेंलापाखाको वृद्ध तथा बाल आश्रममा रहेका ९ जना जेष्ठ नागरिकका लागि ओड्ने न्यानो कपडा कम्मल, हात पुछ्ने गम्छा र खाजा सामग्री हस्तान्तरण गरेका थिए । जाडोमा न्यानो कपडा पाएपछि बुद्धबृद्दाले खुसी व्यक्त गर्दै पौडेललाई जन्मदिनको शुभकामना र आशीर्वाद दिएका थिए ।

जेष्ठ नागरिक र बालबालिकासंग मनाए पौडेलले जन्मदिन

यस्तै पौडेलले जन्मदिनको अबसर मै बुधबार पोखरा ११ रानीपौवामा रहेको सत्यसाई बाल आश्रमलाई समेत खाध्यन्न सामाग्री हस्तान्तरण गरेका छन् । पौडेलले बाल आश्रम पुगि बच्चाहरुसंग जन्मदिनको केक समेत काटेर रमाइलो साटासाट पनि गरेका थिए ।उक्त बाल आश्रममा ९ जना बालकहरुले आश्रय लिदै आएका छन् ।

जेष्ठ नागरिक र बालबालिकासंग मनाए पौडेलले जन्मदिन

जन्मदिनमा महँङ्गा होटल तथा पाटी प्यालेसहरुमा कार्यक्रम गरि फजुल खर्च गर्ने संस्कार बिस्तार भईरहेको बेला पौडेलले भने समाजमा रहेका असाय नगरिकहरुलाई सहयोग हस्तान्तरण गरि जन्मदिन मनाउदै उदाहरण प्रस्तुत गरेका छन् ।

उनले जन्मदिनलाई रचनात्मक रुपले मनाउन पर्छ भनेर नै आफुले केही बर्षदेखि यसरी समाजमा रहेका असाय नागरिकसंग जन्मदिनको खुसी साटासाट गर्ने गरेको बताए ।सानो सहयोगले नि असाय जेष्ठ नागरिक तथा बालबालिकाहरुलाई राहत मिल्ने लागेर नै अरु तिर हुने फजुल खर्च बचाएर आफु वृद्ध तथा बाल आश्रम पुगेको उनको भनाई थियो ।

सबैले आफ्नो जन्मदिन, बैवाहिक बर्षगाँठ वा आफ्न्तको पुन्यतिथीमा मात्रै यस्ता ठाउँ सम्झने हो भने पनि समाजमा दुख पिडामा रहेका ब्यक्तिहरुलाई राहत पुग्न सक्ने पौडेलले बताए । जेष्ठ नागरिक र बालबालिकासंग जन्मदिन मनाउदा आफुमा आत्म सन्तुष्टि प्राप्त भएको र समाजका लागि अझै केही गर्नु पर्छ भन्ने उत्पेरणा प्राप्त भएको उनको भनाई छ ।

उनले त्यी बाल आश्रम र बृद्दाश्रममा आश्रय लिएका जेष्ठ नागरिक र बालकहरुको आखाँ उपचारमा सहयोग गर्ने घोषणा गरेका छन् । पौडेल पोखरामा क्रियाशिल युवा ब्यवसायी हुन् ।उनले दूधजन्य कृषि उत्पादन र स्वास्थ्य क्षेत्रमा लगानी गरेका छन ।नेपाल स्वास्थ्यकर्मी तथा कर्मचारी युनियनको केन्द्रिय सदस्य समेत रहेका पौडेल पोखराको पुरानो तथा चर्चित पद्म नर्सिङ होममा पनि कार्यरत रहेका छन् ।