प्युठान, २४ जेठ /जंगलमा ढुकेर लुट्ने ४ जना लुटेरालाई बिहीबार प्रहरीले पक्राउ गरेको छ ।
स्वर्गद्धारी नगरपालिका २ का स्थानिय जीवन हमाल, निरज बिक, कुसल सेन र निर्दोष सेन ठकुरीलाई प्रहरीले पक्राउ गरेको हो ।
बुधबार साँझ स्वर्गद्धारी नगरपालिका खाल गाउँबाट लघुवित्त समुहको बचत रकम लिएर भिंग्री तर्फ जाँदै गरेकी सुर्योदय लघुबित्त संस्थाकी कर्मचारी सुशिला केसीलाई लुटेका थिए ।
४ जना लुटेराको समुहले ब्ल्यांकेट ओढाएर केसीबाट ३ लाख १२ हजार ५ सय ६० रुपैया लुटेको प्रहरीले जानकारी दिए ।
लुटेराबाट लुटेको रकम सहित प्रहरीले उनीहरुलाई पक्राउ गरेको हो ।