सागर राज तिमिल्सिना
पोखरा, १५ वैशाख/जयन्ती स्मृती प्रतिष्ठानले पश्चिमाञ्चल क्षेत्रिय अस्पताललाई बेडसाइड मनिटर र इको मेसिन प्रदान गरेको छ ।
पश्चिमाञ्चल अस्पतालमा स्थापना हुन लागेको काडियो लोजीलाई सहयोग दिने उद्देश्यले प्रदान गरेको जयन्ती स्मृती प्रतिष्ठानकी अध्यक्ष श्रृजना राणाले जानकारी दिइन् । बेडसाइड मनिटरलाई अहिले अस्पतालको आसियुमा राख्ने र मुटुका विमारीहरुलाई परिक्षण प्रयोग गर्ने राणाले जानकारी दिन् ।
करिब १७ लाख बराबरको मनिटर र ६ हजार डलरबराबरको इको मेसिन प्रदान गरेको उनको भनाई थियो । इको मेसिनले सामुदायी विद्यालयका विद्यार्थीको स्वास्थ्य परिक्षण गरि मुटुरोग भए नभएको जानकारी लिइ उपचार गर्ने राणाको भनाई थियो ।
कार्यक्रममा जयन्ती स्मृती प्रतिष्ठानकी अध्यक्ष श्रृजना राणाले पश्चिमाञ्चल क्षेत्रिय अस्पतालका डाक्टर माधव बाबु तिवारीलाई हस्तान्त्ररण गरेकी थिइन् । कार्यक्रममा जयन्ती स्मृती प्रतिष्ठानका सल्लाहकार आनन्दराज मल्मीले मुटुका विरामीलाई सहयोग गर्दै आएको बताए । कार्यक्रमा माधव बाबु तिवारीले अहिले विश्वमा वार्षिक १ करोड ४५ लाखको मुटुको समस्याले निधन हुने गरेको बताए ।