पोखरा, ८ माघ /पोखरा १७ पार्दि विरौटामा चिकन पोइन्ट र अत्याधुनिक पोल्टी बधशाला सञ्चालनमा आएको छ । फेवा मिट प्रोडक्ट्स प्रा.लि.ले सञ्चालन गरेको उद्योगको मंगलबार गण्डकी प्रदेशका पर्यटन, उद्योग, वन तथा वातावरण मन्त्री विकास लम्सालले उद्घाटन गरे । उनले गुणस्तरिय खाद्य पदार्थ उत्पादन ठुलो उपलब्धी भएको बताए ।
कुखुरा तथा कुखुराजन्य बस्तुको माग बढी भएकोले पोखरामा अत्याधुनिक पोल्टी बधशाला तथा फेवा चिकन पोइन्ट संचालनमा ल्याएको फेवा मिट प्रोडक्ट्स प्रा.लि.का प्रबन्ध निर्देशक तथा चन्द्रकान्त बरालले बताए । उनले गण्डकी प्रदेशमा दैनिक ४५ हजार कुखुराको मासु खपत हुदै आएको फेवा मिटले करिब ६ प्रतिशत अर्थात दैनिक २ हजार ५ सय केजी कुखुरा विक्रि गर्दै आएको बरालले जानकरी दिए ।
ईटलीबाट ल्याएको अत्याधुनिक मेसिनले दैनिक करिब ४ हजार कुुखुरा स्लटीङ गर्न सकिने उनले बताए । अन्तराष्ट्रिय बजारमा लैजान सक्ने गरी गुणस्तर उत्पादन गर्ने उनको भनाई थियो ।
फेवा मिट प्रोडक्ट अन्र्तगत चिकेन पोईण्टले चिकेनका ७ प्रोडक्ट बजारमा ल्याएको प्रा.लि.का अध्यक्ष सूर्यप्रसाद बरालले बताए । पोखरा क्षेत्रमा स्तरिय खाजा, रेष्टुरेण्ट कम मात्रमा भएकोले बजारको माग अनुसार आफुहरुले चिकेन प्वाईन्टबाट खाजाका विभिन्न परिकार बजारमा ल्याउने उनले बताए । चिकेन रोल, चिकेन फ्राई, चिकेन ग्रिल फ्राई, चिकेन विर्यानी, चिकेन वन, चिकेन सोर्मा, लगायतका खाजाका आईटहरु उपलब्ध हुने बरालको भनाई थियो ।
पोखरामा होम डेलिभरी गरी करिब एक घण्टा भित्र खाजाको आइटम घर मै पुराउने लक्ष्य रहेको उनले बताए । फेवा चिकन पाइन्टमा ५५ जनालाई प्रतक्ष्य रोजगार पाएको उनले बताए । बधशाला तथा चिकन पोइन्टमा करिब ६ करोड लगानी भएको उनले बताए ।
पोखरामा खुल्यो चिकेन पोर्ईण्ट, चिकेनका ७ प्रोडक्ट घर मै मगाउन पाइने (भिडियो सहित)