पोखरा, १४ असोज / महिला हिंसा गरेको आरोप लागेका संघिय संसदका सभामुख कृष्णबहादुर महराले पदबाट राजीनामा दिएका छन् ।
मंगलबार एक प्रेस विज्ञप्ती जारी गर्दै राजीनामा दिएका छन् । उनले राजीनामामा छानविनलाई सहयोग पुग्योस् भन्दै नैतिकताका आधारमा राजीनामा दिएको विज्ञप्तीमा उल्लेख छ ।
संसद सचिवालयकै एक महिला कर्मचारीले सभामुख महरामाथि यौन दुर्वयवहारको आरोप लगाएकी थिइन् ।
बिहान प्रधानमन्त्री निवास बालुवाटारमा नेकपा सचिवालय बैठकले महरालाई पदबाट राजीनामा दिन सुझाब दिएको थियो ।
