सहारा एकेडेमीलाई लुम्बिनी विकास बैंकको सहयोग

सहारा एकेडेमीलाई लुम्बिनी विकास बैंकको सहयोग

पोखरा, २० फागुन / सहारा क्लब पोखराद्वारा पोखरा १७ दोबिल्लामा सञ्चालित सहारा एकेडेमीलाई लुम्बिनी विकास बैंकले २ लाख २० हजार ८ सय नगद सहयोग गरेको छ । बैंकको सामाजिक उत्तरदायित्व अन्तरगत बैंकले सहारा एकेडेमीलाई नगद सहयोग गरेको हो ।

बैंकका पूर्व अध्यक्ष तथा सञ्चालक शुसिलराज पराजुलीले एकेडेमी पुगेर सहारा क्लबका अध्यक्ष केशव बहादुर थापालाई रकमको चेक हस्तान्तरण गरेका हुन् । पराजुलीले सहारा एकेडेमीमा आश्रित बालकहरुलाई सहयोग गर्न पाउनु खुसी कुरा रहेको बताए । ‘सहाराले निकै राम्रो र उदाहरणिय कार्य गरेको छ,’ पराजुलीले भने–‘त्यसैले हामीलाई सहारालाई प्रत्येक वर्ष सहयोग गर्दै आएका छौ ।’

उनले एकेडेमी रहेका विद्यार्थीहरुलाई अनुसान मानिसको जिवनमा महत्वपुर्ण रहेको बताउदै सबैलाई अनुशाति हुन आग्रह गरे । सहाराले समाजमा गरेको प्रशंसनिय कार्यले निरन्तर सहयोग गर्दै जाने सोच बैंकले बनाएको पुर्व अध्यक्ष पराजुलीले उल्लेख गरे ।

गत वर्ष बैंकले २ लाख ९४ हजार सहयोग गरेको थियो । लुम्बिनी विकास बैंकले गरेको सहयोगका लागि आभार प्रकट गर्दै सहारा क्लबका अध्यक्ष केशव बहादुर थापाले सहयोग रकम एकेडेमीमा आश्रित बालकहरुको खाजा र खानाका लागि खर्च गरिने बताए । उनले बैंकले सामाजिक उत्तरदायित्व अन्तरगत गरेको सहयोग एकेडेमीका लागि महत्वपूर्ण रहेको बताए ।

सहारा एकेडेमीलाई लुम्बिनी विकास बैंकको सहयोग
सहारा एकेडेमीलाई लुम्बिनी विकास बैंकको सहयोग

कार्यक्रममा बैंकका न्यूरोड शाखाका प्रवन्धक प्रकाश पहारी, महेन्द्रपुल शाखाका प्रवन्धक बलबहादुर ढकाल, क्लबका पुर्व अध्यक्ष विक्रम थकाली, क्लवका उपाध्यक्ष विश्व बराल, कोषाध्यक्ष राजु लालचन, सहारा युकेका सल्लाहाकार चन्द्र गुरुङ र कोल्मा बहाकोट तमु समाजका अध्यक्ष भोज बहादुर गुरुङ लगाएत एकेडेमीका ’boutमा जानकारी लिएका थिए ।

सहारा एकेडेमीमा हाल १४ जिल्लाका २४ जना कठिन एवम विपन्न परिस्थतीका बालकहरु रहेका छन । सहारा क्लब पोखराले उनीहरुको लालन पालन, शिक्षा संगै फुटबल प्रशिक्षण दिंदै आएको छ । क्लबले २०६१ सालदेखि एकेडेमी निरन्तर एकेडेमी सञ्चालन गरिरहेको छ ।

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

Covid-19 कोरोना भाइरस संक्रमणबाट बच्न र बचाउन गण्डकी प्रदेश सरकारको अपिल

👇 यी पोस्टहरु पनि हेर्नुहोस् ।
Loading...