पोखरामा पर्यटकका निधारमा सप्तरंगी टीका

पोखरा, १२ कात्तिक/ तिहारमा सप्तरंगी टीका लगाएर नेपाली मात्रै रमाएनन् । पोखरामा विदेशी पर्यटक पनि रमाएका छन् । पश्चिमाञ्चल होटल संघ पोखराले आयोजना गरेको १३ औं भाइटिका महोत्सव विभिन्न देशका पर्यटकहरु सप्तरंगी टीका निधारमा लगाउ दंग परे ।

संघको आयोजनामा भएको महोत्सवमा १० देशका ३० जना विदेशी पर्यटकहरु सहभागी भएका थिए । पर्यटकलाई पोखराको लेकसाइडमा भएको कार्यक्रममा रेन्वो चिल्ड्रन होमका वालिकाहरुले पर्यटकलाई टीका, माला, र ढाका टोपी र ढाका सल उठ्दा पर्यटक दंग परे । उनीहरुले टीका लगाई सकेपछि एक अर्कालाई हेदै र रमाए । निधारमा सप्तरंगी टीकाबाट सजिए पछि फोटो खिच्न व्यस्थ देखिएका थिए । नेपाली पर्व मनाउन पाएकोमा पर्यटकहरुले खुशि व्यक्त गरे ।

संस्कृतिका माध्यमबाट पर्यटन प्रवद्र्धन गर्ने उद्धेश्यले महोत्सव आयोजना गरिएको पश्चिमाञ्च होटल संघ पोखराका अध्यक्ष विकल तुलाचनले बताए । उनले तिहारको सांस्कृतिक पक्षलाई संरक्षण गर्दै यसैका माध्यबाट पर्यटक आकर्षित गर्ने विगत १३ वर्ष देखी महोत्सव आयोजना गर्दै आएको बताए । भाइटिका महोत्सव पोखराका लागि अर्को पर्यटकीय प्रडक्ट बन्दै गएको अध्यक्ष तुलाचनले बताए ।

पर्यटकलाई उनीहरुले नेपाली परम्परा अनुसार टीका लगाएर उपहार दिएका थिए भने पर्यटकले पनि वालिकाहरुलाई दक्षिणा दिएका थिए । पर्यटकहरु देउसी भैलो र सांस्कृतिक कार्यक्रममा सहभागी हुदै नाचेका थिए । सेलरोटी र अन्य परिकारको स्वादमा पनि उनीहरु उत्तिकै रमाए । स्वदेशी तथा विदेशी पर्यटक माझ आपसी भाइचाराको अभिवृद्धि गर्ने र राष्ट्रिय तथा अन्तर्राष्ट्रिय स्तरमा नेपाली संस्कृतिलाई पहिचान प्रदान गर्न महोत्सव सफल हुने आयोजकको विस्वास छ ।