Ganthan News Pokhara
All news from Pokhara & around

पोखराको न्युरोडमा ७ करोड लगानीमा व्याङ्क्युट तथा रेष्टुरेण्ट

0

पोखरा, ४ फागुन/पोखराको न्युरोडमा अत्याधुनिक सुविधा सम्पन्न सिटी स्क्वायर व्याङ्क्युट एण्ड रेष्टुरेन्ट संचालनमा आएको छ ।  सफल युवा उद्यमीहरुको समुहले ७ करोड रुपैयाँको संयुक्त लगानीमा संचालनमा ल्याईएको व्याङ्क्युटले शुक्रवार देखीपूर्ण क्षमतामा सेवा दिने तयारी थालेको छ ।

बजारको केन्द्रमा अवस्थित रहेको व्याङ्क्युट तथा रेष्टुरेन्टले गुणस्तरिय तथा ग्राहकहरुको रोजाई अनुसारको सेवा दिने दावी गरेको छ । व्याङ्क्युटमा ठूलो देखी साना सवै खालको कार्यक्रमहरु गर्न मिल्ने ४ सय, २ सय ५०, ६० र १५ जना क्षमताका ४ वटाहलहरु का साथै ७० जना क्षमताको रेष्टुरेन्ट तथा बार पनि रहेका छन् ।

चारवटैहलहरु आधुनिक तरिकाले निर्माण गरिएको साथै एयर कन्डिसन र साउन्डप्रुफ रहेको छ । विभिन्न कार्यक्रम तथा उत्सवको लागि आवश्यकता वमोजिमको सेवाका साथ कार्यक्रम गर्न सकिने वताईन्छ । परिसरमै वार, कफि सप तथा जुस कर्नर छ । ‘पोखरा अव प्रदेशको राजधानीमात्र नभई अन्तराष्टिय« शहर वन्दै छ ।

पर्यटकीय शहरमा अत्याधुनिक सुविधा सम्पन्न व्याङ्क्युट पनि आवश्यक छ ।’ सिटी स्क्वाएर व्याङ्क्युट एण्ड रेष्टुरेन्ट प्रालिका अध्यक्ष प्रमेश पराजुलीले भने ‘बजारको नजिकै सुविधा सम्पन्न हलको अभावमा अन्यत्र भौतारिनु पर्ने समस्या अव हुँदैन । उत्कृष्ट सेवादिने गरि हामीआएका छौँ’।

विवाह, व्रतवन्ध लगायतका कार्यक्रमहरुको लागि पनि मन्डपदेखी आवश्यक सवै सुविधा एकै ठाँउमा भएको कम्पनीको भनाई छ । कम्पनीकादक्ष र व्यवसायिक ५० जनाको जनशक्तिले सेवादिने प्रवन्ध निर्देशक आदर्शमान श्रेष्ठले वताए । ‘हामीसँग भएको सवै जनशक्ति अनुभवी र दक्ष छन् । ग्राहकको रोजाई अनुसारको गुणस्तरीय सेवा प्रदान गर्ने प्रतिवद्धताका साथ आएका छौँ’। श्रेष्ठले भने‘बजारको केन्द्रमा भएपनि पर्याप्त पार्किङको लागि ठाउँ छुट्टाएका छौँ’।

Get real time updates directly on you device, subscribe now. (अपडेटहरू सिधै तपाइँको ब्राउजरमा प्राप्त गर्न सब्स्क्राइब् गर्नुहोस्।

अरु सम्बन्धित खबरहरु