काठमाडौं, १९ जेठ / बाँकेको राप्ती सोनारी गाउँपालिका–२ ठुरियाको जंगलमा गाडी दुर्घटना हुँदा ११ जनाको मृत्यु भएको छ । अन्य केही जना घाइते भएका छन् ।
नेपालगञ्जबाट सल्यान जाँदै गरेको ना ५ ख ५९९५ नम्बरको गाडी रोकिराखेको बा ४ ख ९०६४ नम्बरको ट्रकमा ठोक्किँदा ११ जनाको घटनास्थलमै मृत्यु भएको हो ।
भारतबाट मजदुरी गरेर नेपालगञ्ज हुँदै सल्यान जान लागेकाहरु दुर्घटनामा परेका हुन् । दुर्घटनामा घाइते भएकाहरुको नेपालगञ्जमा उपचार भइरहेको छ ।
मृतकको सनाखत नभएको इलाका प्रहरी कार्यालय बाँकेले जनाएको छ ।