काठमाडौं । मृत्युपछि दाहसंस्कार गरिसकेका सिरहाका १ वृद्धमा कोरोना संक्रमण पुष्टि भएको छ । ३ दिनअघि गत भदौ ३ गते मृत्यु भएका मिर्चैया नगरपालिका ४ निवासी ६८ वर्षीय वृद्धमा आज कोरोना संक्रमण पुष्टि भएको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी दिएका छन् ।
लामो समयदेखि मधुमेह र उच्च रक्तचापबाट पीडित ती वृद्धको ती वृद्धको गत भदौ २ गते गाउँमै स्वाब संकलन गरिएको थियो । स्वाब संकलन गरेर प्रादेशिक प्रयोगशाला पठाइएको र रिपोर्ट नआउँदै उनको भदौ ३ गते मृत्यु भएको जिल्ला स्वास्थ्य प्रमुख यादवले बताएका छन् ।
उनको कोरोना संक्रमण पुष्टि भएर मृत्यु भएपछि कन्ट्याक्ट ट्रेसिंङको काम सुरु गरिएको प्रमुख यादवको भनाइ छ । योसँगै सिरहामा कोरोना संक्रमण मृत्यु हुनेको संख्या ३ पुगेको छ । यसअघि सिरहाको गोलबजार नगरपालिका १२ का २२ वर्षीय युवक र विष्णुपुर गाउँपालिका१ का ४० वर्षीय युवकको कोरोना संक्रमणबाट मृत्यु भएको थियो । रासस