हलेसी तुवाचुङ नगरपालिका–६ मंगलटारस्थित पञ्चावती आधारभूत विद्यालयमा स्व. तेज बहादुर राउत स्मृति प्रतिष्ठानको उद्घाटन समारोह बिबिध कार्यक्रमका साथ सम्पन्न भएको छ ।
वडाका ४ विद्यालयका कक्षा ५ सम्म अध्ययनरत विद्यार्थीलाई विद्यालय स्तरीय हाजिरी जवाफ प्रतियोगिता कार्यक्रम सहित सो कार्यक्रम सम्पन्न भएको हो । हाजिरी जवाफ परियोगितामा श्री पञ्चावती आ. वि प्रथम , यसैगरी श्री पिपलडाँडा देविस्थान मा.वि. दित्तिया , श्री दीपक जन-ज्योति आ. वि. डाँडागाँउ तृतीय र श्री जन कल्याण आ. वि. देविटार ले सान्त्वना पुरस्कार प्राप्त गरेका थिए । विजेता सबैलाई पुरस्कार स्वरुप शैक्षिक सामग्री हस्तान्तरण गरिएको थियो ।
हलेसी तुवाचुङ नगरपालिकाका उप- मेयर रमेश राउत ज्यू को प्रमुख आतिथ्य , प्रतिष्ठानका संरक्षक युवराज आले मगरज्यू को सभापतित्वमा भएको कार्यक्रम को संचालन सोही आ. वि . का प्रअ रुद्र कार्किले गरेका थिए । अभिभावक स्तरबाटै बालबालिकाको बौद्धिक विकास तथा प्रोत्साहन गर्नुपर्छ भन्ने उद्देश्यका साथ स्व. तेज बहादुर राउत का परिवारजनले गरेको कार्य अत्यन्त प्रशङ्सनीय रहेको उप- मेयर राउतले बताए । हाम्रा हजुरबुवाहरुको पाला अथवा स्व. तेज बहादुर राउतका पुस्ताले धेरै कठिनाइ र संघर्ष गरेर शिक्षा आर्जन गरि आफ्ना बाबू नानिलाई त्यस्तो दु:ख नहोस भनी विद्यालय स्थापना गर्नु भो , हामिले नजिकै विद्यालयबाट सहजै शिक्षा आर्जन गर्यौ । यो देन उहाँ कै हो। यसैगरी विव्यास अध्यक्ष एबम स्व. तेज बहादुर राउत स्मृतिका अक्षयकोष स्थापना संरक्षक सदस्य होम बहादुर राउतले आफ्ना स्व. पिता जि ले बाल्यकालमा शिक्षा आर्जन गर्न ५ घण्टा सम्म हिडेर सल्ले स्थित हरि प्रसाद गुरुको घरमा गएका इतिहास देखि बाटाघरे स्थित वर पिपलको छाहारिमा बसेर शिक्षा आर्जन गर्नु भएको र श्री पञ्चावती आ. वि. स्थापना कालमा भवन , बाटो निर्माणमा सस्थापक भइ नि:शुल्क योगदान दिनुभएको उल्लेख गर्दै आफैले पनि ३/ ३ घण्टा पैदल हिडेर छापडाँडासम्म विद्यालय धाउनु परेको सुनाउदै आफ्ना स्व. पिताको स्मृतिमा घरै नजिक कुलेसोको विद्यालयमा यो किसिमको कार्यक्रम गर्न पाउँदा आफू खुसी भएको जनाए ।
कार्यक्रममा वडा सदस्यहरु दल बहादुर कार्की , टङ्क राई र हिमा थापा , यसैगरी नेपाली काङ्ग्रेसका नेता लिल बहादुर बस्नेत , समाजसेवी चन्द्र बहादुर बस्नेत , चन्द्र बहादुर विश्वकर्मा , ले स्व. तेज बहादुर राउतले गरेका योगदानका बारेमा मुक्त कण्ठले प्रशङसा गरेका थिए ।
स्व. तेज ब. राउतका श्रीमती तिल कुमारी राउत, छोराछोरीहरु गणेश बहादुर राउत, होम बहादुर राउत, कृष्ण बहादुर राउत, शर्मिला राउत, जानुका राउत , तिलक राउत र ख्याम बहादुर राउतले पञ्चावती आधारभूत विद्यालयलाई सामुदायिक विद्यालयहरुमा शिक्षाको गुणस्तरलाई वृद्धि गर्न हेतु २०८२ वैशाख ३० गते मंगलबार रु १लाख ११ हजार ५५५ रुपैयाँको अक्षयकोष स्थापना गरेका थिए ।
अक्षयकोषको रकमबाट आएको ब्याजले हरेक वर्ष विद्यार्थीहरुलाई शैक्षिक सामाग्रीहरु प्रदान गरिने कृष्ण राउतले बताए ।