पोखरा, १९ फागुन/पोखराको फेवातालमा आइतबार बिहान एक युवतीको शव भेटिएको छ । पोखरा ६ स्थित गौरीघाट फेवातालमा तैरिएर रहेको अबस्थामा एक युवतीको शव भेटिएको हो ।
कास्कीको अन्नपुर्ण गाँउपालिका २ को ढिकुरपोखरी घर भई पोखरा ५ बस्ने १९ बर्षिया दिव्या अधिकारीको मृत भेटिएकी हुन् । बिहान स्कुटरमा पेट्रोल हाल्न जान्छु भनेर घरबाट निस्कीएको उनकी आमाले बताइन् ।
छोरीको मृत्युको खबर पाएर पछि फेवाताल किनारमा आएका आमाले रुदै रुदै स्कुटरमा पेट्रोल हाल्न हिडेकी छोरी किन यहाँ आएकी भन्दै भक्कानीन् । दिव्याको शव हाल पोखरा स्वास्थ्य बिज्ञान प्रतिष्ठानको शव गृहमा पोष्माटमको लागि राखिएको छ ।
उनले चढेको स्कुटर गौरीघाटमा भेटिए छ भने स्कुटरको चाबी उनकै साथमा थियो । घटनाको बारेमा थप अनुसन्धान भइरहेको कास्कीका प्रहरी प्रवक्ता डिएसपि रवीन्द्र गुरुङले जानकारी दिए ।
उनी नर्सिङ दोस्रो वर्षमा अध्ययनरत भएको परिबारले जानकारी दिएको छ । उनको साथबाट मोवाइल समेत भेटिएका कारण घटनाको बारेमा थप अनुसन्धान गर्न सजिलो हुने उनले बताए ।