सागर राज तिमिल्सिना
पोखरा, ३० असार/उद्योगपति एवं पूर्व सभासद् सूर्यबहादुर केसीले बाबु किर्तीबहादुरको स्मृतिमा पत्रकारिता पुरस्कारका लागि ११ लाख रुपैयाँको अक्षय कोष स्थापना गरेका छन् । वर्षेनी कम्तीमा एक पत्रकारलाई नगद एक लाखबाट पुरस्कृत गरिने गरि नेपाल पत्रकार महासंघ कास्की सगँ सम्झौता भएको हो । यो कोष मोफसलकै ठूलो रहेको छ ।
सूर्यबहादुर उनकी श्रीमती प्रेमकुमारीद्वारा स्थापित सूर्य प्रेम समाजसेवा ट्रष्टमार्फत पत्रकारिता पुस्कार सहित बाल प्रतिभा पुरस्कार र महिलो समाज सेवा पुरस्कारको समेत घोषणा गरे । पत्रकारीता पुरस्कार किर्तीबहादुर पुण्यतिथीका अवसरमा प्रत्येक वितरण हुनेछ ।
किर्तीबहादुर पोखराका पहिलो निर्माण व्यवसायी समेत थिए । बाबुको मेहनतको परिणामले आफु अहिले यहाँसम्म आइपुगेको भन्दै केसीले अहिलेसम्म अन्य क्षेत्रमा सहयोग गर्दै आएकोमा यसपटक पत्रकारिता रोजेको बताए । उनले यस अगाडी धार्मिक क्षेत्रमा सहयोग गर्दै आएको बताए ।
ट्रष्टमार्फत संचालन हुने गरी केसीले सानै उमेरमा मृत्यु भएका भाईको सम्झनामा बाल पुरस्कार र सुत्केरी हुने क्रममा ज्यान गुमाएकी बहिनीको सम्झनामासमेत ३ र ३ लाख रुपैयाँको अक्षय कोष स्थापनाको घोषणा गरे । यी दुई पुरस्कार पोखरा र आसपासका क्षेत्रमा वितरण गर्ने बताए ।