सागर राज तिमिल्सिना
पोखरा १९ भदौ /पोखराको मध्ये भागमै जमिन भासिएको छ । पोखराको मुख्य ब्यापारिक क्षेत्र चिप्लेढुङ्गा स्थित पन्थी मार्गमा जमिन भासिएपछि दुई वटा सटरमा क्षती पुगेको छ ।
शनिबार राती परको पानीले जमिन भासिएको हो । पानीको ठेलिएर घर मुनी पुगे पछि पानी कै कारण भासिएको स्थानीयले बताएका छन् । स्थानिय राधाकृष्ण रौनियारको दुई वटा सटरमा भासिएको छ । दुई सटरमा सञ्चालन भएका पसल अन्यत्र सारिएको छ ।
त्यस्तै आडमा रहेको प्रेम प्रसाद अधिकारीको चार तले घर पनि जोखिममा परेको छ । झण्डै १० फिट गहिरो गरी जमिन भासिदा वरपर ओडार जस्तो बनेको छ । स्थानियले सडकमा सवारी आवतजावत बन्द गरिएका छन् ।