पोखरा, ४ साउन /पोखरा वडा नम्बर १३ का जनप्रतिनिधि नमूना वडा बनाउन काम थालेका छन् । वडाध्यक्ष दर्शन लामा सहितको जनप्रतिनिधि नमूना वडा बनाउन जुटेका हुन् । लामाले वडालाई प्रविधिमैत्री बनाउदै जनतालाई सेवा दिन थालेका छन् । उनले वडालाई नमूना बनाउन वडा कार्यालय बाटै काम थालेको बताए ।
वडामा स्मार्ट नागरिक वडापत्र, सीसी क्यामरा जडान, र्कमचारी कक्ष, हेल्थ ल्याव, बगैंचा, वडा अध्यक्षको प्रविधि मैत्री वडा अध्यक्ष कक्ष, कन्फेन्स हल निमार्ण गरेका छन् । नमूना वडा बनाउने अभियान करिब ३६ लाखको लागतमा वडाले वडालाई प्रविधि मैत्री बनाए वडा अध्यक्ष लामाले बताए । उनले वडालाई प्रविधीमैत्री बनाउन प्रविधीमैत्री ‘स्मार्ट बडापत्र’, ११ वटा सीसी क्यामरा जडान, कर्मचारी कक्ष, हेल्थ ल्याव, बगैंचा लगायत निमार्ण गरेको बताए । उनले पाँच वर्षमा वडालाई नै नमुना वडा बनाउने घोषण गरे ।
सरकारी कार्यालयमा सामान्य फ्लेक्समा लेखेका बडापत्र च्यातिएररमेटिएर बुझ्न नसक्ने हुँदापनि नफेरिरहेको अवस्थामा पोखरा वडा नम्बर १३ ले प्रविधीमैत्री ‘स्मार्ट बडापत्र’ राखेको हो । सबैलाई पढ्न सजिलो होस् भनेर डिजिटल बडापत्र राखिएको वडाध्यक्ष लामाले बताए । कस्तो छ त स्मार्ट वडापत्र
सात रोपानी क्षेत्रफलमा फैलिएको वडा कार्यालयमा कार्यालय, पर्खाल र रेलिङ पनि रंगरोगन गरेर चिटिक्क पारिएको छ । वडा कार्यालयले हेल्थ ल्याव सञ्चालनमा ल्याएको छ । नव निर्मित भवन र प्रविधीको शुक्रबार पोखरा महानगरपालिकाका मेयर मानबहादुर जिसीले उद्घाटन गरे । उनले जनतालाई महानगरमा काम गर्न जादाँ के चाहिन्छ भने घर मै बसिबसि मोवाइलमा जानकारी पाउने बताए ।
वडामै विरामीको निःशुल्क स्वास्थ्य जाँच समेत सुरु गरेको छ । नेपाल सरकारले निःशुल्क वितरण गर्ने ३५ प्रकारका औषधी पनि वितरण गरिने वडाध्यक्ष लामाले बताए । हेल्थ ल्यावमा सुगर, प्रेसर, एचआइभी एड्स, मिर्गाैला लगायतका जाँच गरिने उनले जानकारी दिए । जहाँ विरामीको निःशुल्क स्वास्थ्य जाँच गरिनुका साथै नेपाल सरकारले निःशुल्क वितरण गर्ने ३५ प्रकारका औषधी पनि वितरण गरिने वडाध्यक्ष लामाले बताए । हेल्थ ल्यावमा सुगर, प्रेसर, एचआइभी एड्स, मिर्गाैला लगायतका जाँच गरिने उनले जानकारी दिए ।