पोखरा, २ असार/नेपाल पत्रकार महासंघ कास्कीका सदस्य प्रकाश ढकाललाई थप उपचारको लागि शुक्रबार काठमाण्डौं लगिएको छ । पोखराको गण्डकी मेडिकल कलेजमा १० दिनसम्म उपचारपछि अस्पतालले काठमाण्डौं जान सल्लाह दिएका कारण उनलाई काठमाण्डौंको नर्भिक हस्पिटलमा लगिएको हो ।
उनको शुक्रबारबाटै उपचार सुरु भएको पत्रकार प्रकाशचन्द्र सापकोटाले जानकारी दिए। ढकालको उपचारमा सहयोग पु¥याउन सापकोटा काठमाण्डौ गएका हुन। पत्रकार ढकालको श्वासप्रश्वासमा समस्या आए पछि उनको उपचारको लागि करिब तीन लाख बढि आर्थिक सहयोग उपलब्ध भएको नेपाल पत्रकार महासंघका अध्यक्ष दीपेन्द्र श्रेष्ठले बताए । त्यसै गरी सामाजिक संजाल फेसवुक मार्फत अन्य पत्रकारहरुबाट समेत ढकालको उपचार सहयोग अभियानमा सहयोग गर्नेहरुको घोषणा हुने क्रम जारी रहेको छ ।
महासंघले आज विभिन्न पत्रकारहरुले संकलन गरेको २५ हजार संस्थागत रुपमा सहयोग गरेको छ । महासंघले संस्थागत रुपमा पहिला १० हजार सहयोग गरेको थियो । पोखराका व्यवसायी तारा गिरीले १६ हजार रुपैयाँ, गोरखा मिलन समाजबाट २५ हजार, लायन्स क्लव अफ पोखरा डल्फिनबाट १५ हजार, पोखरा उद्योग वाणिज्य संघका पूर्व अध्यक्ष विन्दुकुमार थापाले ६ हजार, नेता प्रकाश खनालले ५ हजार, नेता गिरिराज गौतमले पाँच हजार, रोजिना अफसेट प्रेसले ५ हजार ५, प्रतिक अफसेट प्रेसले ५ हजार, गिरी हार्डवेयरले ५ हजार, विष्णु क्षेत्री गीता खनालबाट जनही तीन÷तीन हजार रुपैयाँ सहयोग गरेका छन्।
खेलकुद पत्रकार मञ्च कास्कीले ७ हजार, प्रेस युनियन कास्कीले १० हजार, आदर्श समाज राष्ट्रिय दैनिकले ३५ हजार, सरस्वती गुरुङबाट २५ हजार, सहारा क्लवका पदाधिकारीबाट १२ हजार २ सय ५०, संचारिका समुह पश्चिमाञ्चलबाट १८ हजार, चलचित्र पत्रकार संघबाट ५ हजार, नेता गिरिराज गौतमबाट पाँच हजार र जक्सन डटकमबाट ५ हजार सहयोग प्राप्त भएको महासंघका सह–सचिव दीननाथ बरालले बताए ।
पत्रकारहरु हरि भट्टराईले एक हजार, गणेश श्रेष्ठबाट १ हजार, रुद्र प्रसाद भट्टबाट १ हजार, केशव भण्डारीबाट १ हजार ५, गुप्त प्रसाद शर्माबाट १ हजार, गणेश बहादुर ढकालबाट १ हजार ५ सय ५, देशभक्त सिंह कुंवरबाट १ हजार, वसन्त अधिकारीबाट १ हजार, जीवन सुवेदीबाट ५ सय, रोहितराज पराजुलीबाट १ हजार २ सय, जैनव खातुनबाट ५ सय, संजल मल्लबाट १ हजार रुपैया प्राप्त भएको छ । त्यस्तै पोखरा लेखनाथ महानगरपालिका वडा नम्बर २२ का वडा सदस्य ओम कुमारी गुरुङबाट ५ सय, नागरिक समाज पोखराका संयोजक रामबहादुर पौडेलबाट १ हजार सहयोग प्राप्त भएको छ।
गण्डकी मेडिकल कलेज अस्पताल प्रशासनले समेत ढकालको उपचारमा सहयोग गरेकोमा महासंघका अध्यक्ष श्रेष्ठले धन्यवाद दिदै आगामी दिनमा यस्तै सहयोगको अपेक्षा गरेका छन । पत्रकार ढकाल महासंघ कास्कीको कार्य समिति सदस्य तथा आर्दश समाज राष्ट्रिय दैनिकमा आवद्ध छन । गोर्खा स्थाई घर भएका ढकाल विगत ८ बर्ष देखि पत्रकारिता गर्दै आएका छन ।
विद्यार्थीले पनि गरे सहयोग
पत्रकार प्रकाश ढकालको उपचारका लागि विद्यार्थीहरुले समेत सहयोग गरेका छन्। छोरेपाटन माविमा कक्षा ६, ७, ८, ९ र १० मा अध्ययनरत विद्यार्थीहरुले खाजा खर्च सहयोग गरेका हुन्। विद्यार्थीबाट संकलित दुई हजार दुई सय ५० रुपैया विद्यार्थी अनुप पौडेलले आदर्श समाज दैनिकको कार्यालय पुगेर कार्यकारी सम्पादक नवीन सिग्देललाई हस्तान्तरण गरेका थिए।