पोखरा, ५ फागुन / गण्डकी प्रदेश निति तथा योजना आयोग उपाध्यक्ष डा.गिरधारी शर्माले दिगो बिकास लक्ष्य प्राप्तीका लागी सञ्चारकर्मीको भुमिका महत्वपूर्ण हुने बताउनुभएको छ ।
अनौपचारिक क्षेत्र सेवा केन्द्र (इन्सेक) , र नेपाल पत्रकार महासंघ कास्की शाखाको आयोजना तथा निति तथा योजना आयोग गण्डकी प्रदेश कार्यलयको सहयोगमा भएको दिगो बिकास लक्ष्य र सञ्चारकर्मीको भुमिका विषयक अन्तरक्रिया कार्यक्रममा बोल्दै शर्माले राजनितिक मुद्धा भन्दा बढि बिकासका विषयमा कलम चलाउन सञ्चारकर्मीलाई आग्रह गर्नुभयो ।
उहाँले निजि क्षेत्रले दिगो बिकास लक्ष्य प्राप्तीका सरकारको सहयोगीको रुपमा प्रभावकारी भुमिका खेल्न नसकेको बताउनुभयो । ‘निजि क्षेत्रलाई सुतेर बसेको अवस्था छ’,उहाँले भन्नुभयो ‘पत्रकार साथिहरुले निजि क्षेत्रलाई दिगो बिकास लक्ष्य प्राप्तीमा क्रियाशिल हुन सचेत गराउनुपर्यो’ ।
दिगो बिकास लक्ष्य प्राप्तीमा सञ्चारकर्मीको भुमिका बारे कार्यपत्र प्रस्तुत गर्दै उहाँले दिगो बिकास लक्ष्य जनताको जिवनमा संरचनागत परिर्वतन गर्न ल्याइएको बिकास एजेण्डा रहेकाले यसको स्थानीयकरण गर्न आवश्यक रहेको बताउनुभयो ।
शर्माले सुशासन शिक्षाको बिकासमा समेत लाग्न पत्रकारहरुलाई आग्रह गर्नुभयो । दिगो बिकास लक्ष्य प्राप्तीका लागी नेपाल सरकारले कुल ४ सय ७९ सुचक तयार गरेकोमा गण्डकी प्रदेश सरकारले १ सय ३९ सुचकहरुलाई उपयुक्त मान्दै सोही अनुरुप योजनाहरु बनाइरहेको छ ।
जसमा गरिबि अन्त्यका लागी १४ , शून्य भोकमरीका लागी ८ , लैङ्गिक समानता १६ , गुणस्तरीय शिक्षा १५ , स्वास्थ्य तथा कल्याण ८ गरि प्राथमिकताका आधरमा दिगो बिकासका १७ वटा लक्ष्यका सुचकहरु तोकिएका छन् ।
नेपाल पत्रकार महासंघ केन्दि«य सदस्य रामकृष्ण ज्ञवालीले सरकारले योजनाहरु कागजी रुपमा बनाउने तर पुरा गर्ने बाटोमा हिड्ने काम नगरेका कारण खबरदारी आवश्यक रहेको बताउनुभयो ।
उहाँले दिगो बिकास लक्ष्यको सन् २०३० सम्म राज्यलाई बिकास र समृद्ध बनाउन पत्रकारहरुको कलम चल्ने विश्वास व्यक्त गर्नुभयो ।
इन्सेक गण्डकी प्रदेश संयोजक शिव खकुरेलले दिगो बिकास लक्ष्य प्राप्तीका लागी अवको दश वर्ष नागरिक संघ संस्था,पत्रकारहरुले राज्यलाई सचेत गराउँदै सहयोगी भुमिका खेल्नुपर्नेु भनाइ राख्नुभयो ।
नेपाल पत्रकार महासंघ कास्की सल्लाहकार रमेश पौडेलले पत्रकारहरुको अबको ध्यान दिगो बिकासका लक्ष्य प्राप्तीमा रहने गरि अगाडी बढ्न आग्रह गर्नुभयो ।