पोखरा, ९ असार / पोखरामा मंगलबार कोरोना संक्रमित पुष्टि भएका मध्ये ७ जना चितवन भारत र कुवेतबाट फर्किएका रहेका छन् ।
अन्य ४ जनाको भने विवरण खुलेको छैन । सात जना मध्ये ३ जना महिला कुवेतबाट, ३ जना पुरुष भारतबाट र एक जना महिला चितवनबाट पोखरा आएका थिए । उनीहरु सबै क्वारेन्टिनमा नै थिए ।
मंगलबार थपिनेमा पोखरा महानगरपालिका वडा नम्बर ३३ का ३ जना, वडा नम्बर ३२, २६, १३ र १४ का १/१ जना छन् । उनीहरु सबै पोखरा महानगरपालिकाको क्वारेन्टिइनमा बसेका छन् ।
वडा नम्बर ३२, २६, १३ का महिलामा कोरोना पुष्टि भएको हो । संक्रमित सबैलाई पोखरा स्वास्थ्य विज्ञान प्रतिष्ठानको आइसोलेसनमा लगिएको छ ।
पोखरा, काठमाडौं र भरतपुरमा गरिएको स्वाब परीक्षणमा गण्डकी प्रदेशमा १ सय ८ जनामा मंगलबार कोरोना देखिएको स्वास्थ्य निर्देशक विनोदविन्दु शर्माले जानकारी दिए ।