पर्यटन प्रवद्र्धन गर्न व्यवस्थित एवं संरक्षणको खाँचो
फाइल तस्विरहरु
सेतीको चिसो पानी गहिरिएर बगेको छ । बगेको पानीले चट्टानलाई समेत फोरेको छ । बग्ने क्रममा एकोहोर पानीको रटाईले प्राकृतिक आकर्षण पनि बनाएको छ । पानीले चट्टानमा बनाएको प्राकृतिक आकृतिलाई पर्यटकीय दृष्टिकोण दिन सकिएको छैन् । चट्टानमा प्राकृतिक रुपमा कुदिएको चित्रले आन्तरिक तथा बाह्य पर्यटन प्रवद्र्धन गर्न सहज हुने विश्वास लिइएको छ ।
सेतीले बनाएको चट्टान रुपी प्रकृतिलाई ‘रक गार्डेन’(चट्टान बगैंचा) बनाई पर्यटकीय आकर्षण बनाउनपर्नेमा पर्यटन व्यवसायीले जोड दिएका छन् । यद्यपी त्यसको संरक्षण र सम्वद्र्धन मात्रै नभई प्रवद्र्धन पनि हुन सकेको छैन् ।
पोखरासँगै जोडिएको तनहुँको व्यापारिक स्थल दुलेगौडादेखि दक्षिण ढोरफिर्दी प्रवेश गर्ने क्रममा यो रक गार्डेन देख्न सकिन्छ । झण्डै दुईमिटर लम्बाईमा रहेको चट्टानरुपी प्रकृतिलाई व्यवस्थित गरी आवश्यक पुर्वाधार तयार गरेर पर्यटन प्रवद्र्धन गर्नुपर्ने पर्यटन व्यावसयीहरु बताउ छन् ।
सेती किनारलाई चट्टानी बगैचा बनाउन दुलेगौडा र ढोरफिर्दीका स्थानीयबासिन्दाले पहल गर्नुपर्नेमा व्यवसायीहरुको भनाई छ । भएको प्राकृतिक सौन्दर्यलाई पर्यटकीय दृष्टिकोर्ण दिई आवश्यक पुर्वाधार तयार पारेर पर्यटन प्रवद्र्धन तर्फ ध्यान दिनुपर्ने खाँचो छ । सन् २००१ मा नयाँ पदयात्रा मार्गको रेखांकनको क्रममा चट्टानी बगैंचाको अवधारणा बाहिर आएको थियो ।