Ganthan News Pokhara
All news from Pokhara & around

पोखरामा तीन महिनामा ६८ हजार पर्यटक

0

पोखरा, १२ कात्तिक /गण्डकी प्रदेश सरकारले पोखरामा आउने पर्यटकको तथ्याङ राख्न सुरु गरेको तीन महिनामा पोखरामा ६८ हजार पर्यटक आएको तथ्याङले देखाएको छ । गण्डकी प्रदेश सरकारको उद्योग, पर्यटन, वन तथा वातावरण मन्त्रालयले साउन १ गतेदेखि प्रहरीको सहयोगमा तथ्यांक संकलन सुरु गरेको हो ।

पोखरा र गण्डकी प्रदेशमा साउन, भाद्रै र असोजमा महिनामा पोखरामा ६८ हजार पाँच सय दुईजना पर्यटक विभिन्न मार्ग हुँदै पोखरा प्रवेश गरेका छन् । स्थलमार्गबाट आउने पर्यटकको तथ्यांक तनहुँको आँबुखैरेनी स्थित पृथ्वी राजमार्गको आबुखैरेनी प्रहरी चेक पोस्ट र स्याङ्जाको गल्याङस्थित सिद्धार्थ राजमार्गको गल्याङ प्रहरी चेक पोस्टमा तथ्याङ राख्न थालिएको हो ।

हवाइ मार्गबाट पोखरा आउने पर्यटकको तथ्यांक पोखरा विमानस्थलले राखेर प्रदेश सरकारलाई उपलब्ध गराउने गरेको छ । यसअघि पोखरा आउने पर्यटकको अभिलेख हवाई मार्गबाट आउने पोखरा विमानस्थलले र पदयात्रामा जाने पर्यटकको तथ्यांक अन्नपूर्ण संरक्षण क्षेत्र आयोजनाले राख्नेबाहेक अन्य तथ्यांक थिएन । साउनमा पोखरामा हवाई मार्ग र स्थलमार्गबाट गरी कुल २० हजार आठ सय १२ पर्यटक आएको प्रदेश सरकारको तथ्यांक छ । साउनमा सबैभन्दा धेरै भारतीय पर्यटक आएको तथ्यांक छ ।

भदौ महिनामा २१ हजार सात सय १७ पर्यटक आएको तथ्यांक छ । यी दुवै महिना पर्यटक आगमनका लागि अफ सिजन मानिन्छ । पर्यटकीय सिजन सुरु हुने असोजमा पर्यटकको आमगन बढेर २५ हजार नौ सय ७३ पर्यटक गण्डकी प्रदेशमा आएको गण्डकी प्रदेश सरकारको उद्योग, पर्यटन, वन तथा वतावरण मन्त्रालयका सचिव विष्णुप्रसाद भण्डारीले बताए । असोज महिनामा १२ हजार पाँच सय ६३ जना पर्यटक भारतीय आएको तथ्यांक छ । बाँकी अन्य देशमा पर्यटक हुन् । प्रदेश सरकारले आन्तरिक पर्यटकको भने तथ्यांक राखेको छैन । तथ्यांक संकलनलाई विस्तारै प्रभावकारी बनाउन एप्स सिस्टममा जाने प्रदेश उनले बताए ।

Advertisements
अरु सम्बन्धित खबरहरु
कमेन्टहरु
Loading...