सागर राज तिमिल्सिना
पोखरा, २२ असार/पोखरा ६ डिहिकोपाटन नजिकै दुर्घटना हुदा एक जनाको मृत्यु भएको छ भने एक घाइते भएका छन् । दुर्घटनामा परि पोखरा ५ मालेपाटन बस्ने १८ वर्षिय सुरज पौडेलको मृत्यु भएको प्रहरीले जानकारी दिएको छ ।
दुर्घटना पछि घाईते दुबैको उपचारका लागि मेट्रोसिटि अस्पतालमा लगेकोमा पौडेलको अस्पतालमा नै मृत्यु भएको प्रहरीले जानकारी दिएको छ । ग८प ७२८४ र ग५प ४९२९ नम्बरको मोटर साइकल दुघंटना भएका थिए । दुबै मोटर साइकल चालक रहेको प्रहरीले जानकारी दिएको छ । अर्का घाइतेको परिचय खुलिनसकेको प्रहरीको भनाई छ ।
मृतक पौडेलको सवलाई पोष्टमार्टका लागि पश्चिमाञ्चल क्षेत्रिय अस्पतालमा राखिएको छ । स्थानीयले एउटा रातो रंगको सवारी पनि दुर्घटनामा ठक्कर खाएको बताएका छन् । रातो सवारीको पनि खोजी कार्य भईरहेको प्रहरीले जानकारी दिएको छ ।