राजु गिरी ।
समाज सेवाका निम्ती स्थापना भएको परिवर्तन नेपाल नामक संस्थाले कोरोना महामारीबाट बढी मर्कामा परेका घरपरिवारलाई खाद्यान्न सहयोग गरिरहेको छ । सोमबारपनि संस्थाले पोखरा ९ अन्तर्गत सुकुम्वासी बस्तीमा रहेको शुभकामना टोल, कृष्ण टोल र गणतन्त्र चोकमा रहेका अति बिपन्न , एकल महिला तथा अपाङ्गता भएकासहित ४२ व्यक्तिहरुलाई घरमै पुगि खाद्यान्न सहयोग गरिएको संस्थाका अध्यक्ष ढाका कुमार श्रेष्ठले जानकारी दिए ।
संस्थाले समाज सेवामा लागिरहेको र अहिलेको परिस्थितिअनुसार घरघरमै पुगेर खाद्यान्न सहयोग, निशुल्क स्वाब संकलनलगाएत कार्य गरिरहेको संस्थाका सचिव हरि कार्की बताए ।
महामारीको यो अवस्थामा आपतमा परेकालाई सहयोग गर्न पाउनु खुशीको कुरा भएको संस्थाका सहसचिव अभिमन्यु पाण्डेले बताए । उनका अनुसार संस्थाले सञ्चालन गरेको मोबाइल निशुल्क खाद्यान्न सेवामा पनि दैनि १०–११ जनाको फोन आउने गरेको र खाद्यान्न सहयोग गरिएको छ ।
