पोखरा । प्रधानमन्त्री केपी शर्मा ओलीले मन्त्रिपरिषद् विस्तार गर्दै उपप्रधानमन्त्री तथा पराराष्ट्रमन्त्रीको जिम्मेवारी रघुविर महासेठलाई दिएका छन् ।
महासेठ केही समयअघि ओली सरकारको भौतिक पूर्वाधार मन्त्री रहंदा आलोचित हुदैं पदमुक्त भएका थिए । रघुविर भौतिक पूर्वाधार मन्त्रीबाट बाहिरए लगत्तै एमाले भित्रको अर्को शक्ति माधव नेपाल समुह निकट बन्न पुगेपछि ओलीले उनकै पत्नी जुली महतोलाई मन्त्री नियुक्त गरेका थिए । जुली महिला तथा बालबालिका मन्त्री बनिन् ।
शुक्रबार जसपा सहितको मन्त्रिपरिषद् पुर्नगठनमा जुली बाहिरिए संगै पति रघुविर उपप्रधानसहित परराष्ट्रको जिम्मेवारी प्राप्त गरेका छन् । प्रधानमन्त्री कार्यलयको मुल्यांकनमा कम अंक प्राप्त गरेका महासेठले नतिजा उन्मुख काम नगरेको भन्दै तिव्र आलोचना भएको थियो ।
महासेठलाई उक्त जिम्मेवारी दिइएपछि एमाले कार्यकर्ता भित्रै ओलीको निर्णयको आलोचना हुन थालेको छ । कहिले पती त कहिले पत्नीलाई आलोपालो मन्त्री बनाएको भन्दै सामाजिक सञ्जालमा समेत आलोचना भइरहेको छ ।
यद्यपी ओलीका निकै विश्वास पात्र प्रदिप ज्ञवालीको वर्हिगमनपछि रघुविरलाई परराष्ट्र मन्त्रीको जिम्मेवारी दिइनु खोप राजनीति हुनसक्ने आँकनल गरिएको छ ।
रघुविर एनआरएनए पूर्व अध्यक्ष उपेन्द्र महतोका ज्वाँई हुन् । रसियाका व्यबसाय गर्दै आएका महतोकै पहलमा एनआरएनए मार्फत नेपालमा कोरोना विरुद्धको खोप भित्राउनका लागि महासेठलाई उक्त जिम्मेवारी दिइएको हुनसक्ने देखिन्छ ।
त्यसो त प्रधानमन्त्री ओलीले चुनाव अगावै सबै नागरिकलाई खोप लगाइसक्ने उद्घोष गरिसकेका छन् ।