पोखरा । सरकारले देशभरका सबै विद्यालय बन्द गर्ने निर्णय गरेको छ ।
सोमबार बसेको मन्त्रिपरिषद् बैठकले अनलाइनमार्फत कक्षा सञ्चालन गर्न निर्देशन दिने निर्णय गरेको छ ।
बैठकले कोभिड संकट व्यवस्था समिति (सीसीएमसी) ले गरेको सञ्चालन भइरहेका र हुन बाँकी सबै परीक्षा स्थगित गर्ने सिफारिसलाई सदर गरेको छ ।
कोरोना संक्रमण बढेपछि भारतसंग सबै सिमा नाका बन्द गर्ने निर्णय बैठकले गरेको छ ।
पछिल्लो समय सिमा जोडिएका क्षेत्रमा कोरोना संक्रमितको संख्या बढ्दै गइरहेको छ ।
नेपाललाई ट्रान्जिट बनाएर तेस्रो मुलुकमा जानेहरुलाई रोक्ने निर्णय पनि बैठकले गरेको छ । नेपालमा भारतीय नागरिकहरु ठूलो संख्यामा तेस्रो मुलुक जाँदै आएका थिए ।