पोखरा, ८ भदौ /पोखराबाट प्रकाशन हुदै आएको समाधान राष्ट्रिय दैनिक रंगीन प्रकासन हुन थालेको छ । मौफलसबाट प्रकासन हुने अधिकास पत्रिकाहरु एक कलरमा मात्रै प्रकासन हुने गरेकोमा समाधानले रंगीन यात्रा सुरु गरेको हो ।
समाधान दैनिकका सम्पादक रामकृष्ण ज्ञवालीले रंगीन प्रकाशनका लागि आवश्य सबै मेसिनहरु ल्याए पछि भदौ ५ गते आइतबार देखि रंगीन यात्रा सुरु गरेको बताए । उनले केही समय पहिले पनि रंगीन प्रकासन भए पनि मेसिनका कारण रोकिएर आइतबार देखि निरन्तर सुरु हुने बताए ।
उनले यो प्रदेश नम्बर ४ को पहिलो रंगीन दैनिक भएको समेत दावी गरे । समाधान मिडिया प्रालिका अध्यक्ष उमानाथ बरालले अब पहिले जस्तो रोकिनु पर्ने कुनै कारण नरहेको बताए । उनले रंगीन प्रकासनका लागि अवाश्यक पर्ने सिटिपि मेसिन करिब १ करोड ५० लाखको लागतमा ल्याएको बताए । उनले भने पहिले अरुको भरपर्दा रोकियो अब रंगीन यात्रा पत्रिका चलिरहेने छ ।