Categories
खेल फिचर

पोखरालाई जितका लागि चितवनले दियो १६१ रनको लक्ष्य

पोखरा, २० कात्तिक / पोखरा प्रिमियर लिग (पिपिएल) को फाइनलमा चितवन राइनोजले पोखरा पल्टनलाई जितका लागि १६१ रनको लक्ष्य प्रस्तुत गरेका छन् ।

पोखरा रंगशालामा जारी खेलमा पोखरा पल्टनलाई चितवन राइनोजले १ सय ६० रन बनाउदै १६१ रनका लक्ष्य प्रस्तुत गरेको हो । टस हारेर पहिले ब्याटिङको निम्तो पाएको चितवनले २० ओभरमा ५ विकेटको क्षतिमा १ सय ६० रन बनाउन सफल भयो ।

चितवनका लागि कप्तान पारस खड्काले अर्धशतकीय पार गरे । उनले ३७ बलमा ९ छक्का प्रहार गर्दै ५१ रन बनाए । यस्तै सन्नी पटेलले २१ बलमा ४ छक्का र ३ चौका प्रहार गर्दै ४३ रन बनाए । अनिल कुमार शाह ३७ रन, आरिफ शेख १४ रन बनाए ।

पोखराका लागि कृष्ण कार्कीले २, ललितनारायण राजवंशी र मोहम्मद नाभिदले समान १ १ विकेट लिए । लिग चरणका खेलमा चितवनले पोखरालाई १४१ रनको लक्ष्य दिएको थियो भने पोखराले जितेको थियो । व्याटिङमा रहेको पोखराले यो समाचार तयार पार्दा ६ ओभरमा एक विकेट गुमाएर ४१ रन बनाएको छ ।

Categories
खेल फिचर

पोखरा प्रिमियर लिगको फाइनमा चितवन र पोखरा भिड्ने

पोखरा, १८ कात्तिक / पोखरामा जारी पोखरा प्रिमियर लिगमा हुलास काठमाडौं रोयल्सलाई इलिमिनेटोरमा छ विकेटले पराजित गर्दै चितवन राईनोज फाईनलमा प्रवेश गरेको छ । चितवनले उपाधिको लागि मंगलबार पोखरा पल्टनसँग खेल्ने छ ।

चितवन राइनोजले पोखरा प्रिमियर लिगको फाईनलमा स्थान सुरक्षित बनाउँदा हुलास काठमाडौं रोयल्सलाई दोस्रो पटक पराजित हुदैं सर्वाधिक पुरस्कार राशीको फ्रेन्चाईज टी–२० क्रिकेट प्रतियोगितबाट बिदा लिएको छ । काठमाडौं पोखरा प्रिमियर लिगमा दोस्रो पटक चितवनसँग नमिठो हार व्यहोर्दै तेस्रो स्थानमा चिक्त बुझायो ।

पोखरा रंगशालास्थित क्रिकेट मैदानमा आईतबार चितवन राईनोजले लिगकै सबैभन्दा कम रनको लक्ष्य पाएको थियो । प्रिमियर लिगकै कमजोर प्रदर्शन गर्ने क्रममा हुलास काठमाडौं रोयल्सले चितवनलाई जितको लािग ९५ रनको लक्ष्य दिएको थियो ।

अनिलकुमार साह र कप्तान पारस खड्का क्रमश १ र २ रनमा पभेलियनको बाटो समाएपछि कमजोर देखिएको चितवन राईनोजलाई ओपनर हरिशंकर साह र स्मित पटेलले चौथो विकेटको लागि ५७ रनको साझेदारी गरेपछि काठमाडौंले दिएको ९५ रनको लक्ष्य चितवनले चार विकेटको क्षतिमा १० बल बाँकी छदाँ भेट्टायो ।

साहले पवन सर्राफको बलमा तोमारको हातबाट क्याच हुनु अघि २६ रन बनाउँदै राम्रो शुरुवात गरिदिए । २२ बलमा ३ चौका र १ छक्का हिर्काउँदै गतिलो शुरुवात दिलाउँदा अनिलकुमार साह १ रनमै सुशान भारीको बलमा जे कोल्सावालको हातबाट क्याच भए ।

कप्तान पारस खड्का

पनि भारीकै बलमा पवन सर्राफबाट समातिन पुग्दा केवल व्यक्तिगत २ रनको स्कोरमा थिए । भारीले नै स्मित पटेललाई एलबी डब्लुको धरापमा पार्दै महत्वपूर्ण विकेट लिएपनि उनले हिर्काएको ३८ रनले चितवनलाई जितको आधार बनिसकेको थियो ।

पटेलले ४३ बल खेले । स्कोर कार्डमा ३ चौका लेखाए । आरिफ शेख र सन्नी पटेलले अविजित क्रमश २० र ६ रनमा रहँदै फाईनल सुरक्षित बनाए । शेखले ३२ बल खेल्दै १ चौका मात्रै हिर्काए । भारीले तीन विकेट लिए ।

टस जितेर व्याटिङ रोज्नु काठमाडौं लागि आईतबार घातक सावित हुन पुग्यो । जे। कोल्सावालले २५ रन बनाउँदै राम्रै शुरुवात गर्ने लक्षण देखाएपनि अमित श्रेष्ठ, पवन सर्राफ गौरभ तोमार र नरेश बुढाएरको व्याटबाट दोहोरो अंकको रन ननिस्किएपछि काठमाडौंमा दबावमा परेको थियो ।

अमित सन्नी पटेलको बलमा क्याच आउट हुदाँ पवन, तोमार भने एलबी डब्लुको धरापमा परे । बुढाएर भने चितवन राईनोजका कप्तान पारस खड्काको बलमा एलबी डब्लुको शिकार भए । अमितले ९, पवन ०, गौरभ १ र बुढाएर पनि १ रनमै पभेलियन फर्कएपछि निकै कमजोर बनेको काठमाडौंको इनिङ्सलाई सम्हाल्ने प्रयास कप्तान ज्ञानेन्द्र मल्लले गरे ।

मल्लले

३० रन जोडेपछि स्कोर बोर्डमा रनले विस्तारै उकालो लागेपनि भुवन कार्कीले बोल्ड गरेपछि काठमाडौं फेरी धरापमा पर्यो । मल्लले ३५ बल खेल्दै २ चौका हिर्काए । त्यसपछि क्रिजमा आएका अदिल खान ८, बसन्त रेग्मी ०, अमरसिंह राउतेला ९ सुशान्त भारी ३ रनमा आउट हुन पुगे । चितवनका बलरले कसिलो बलिङ गर्ने क्रममा सन्नी पटेलले ३, स्मित पटेल र भुवन कार्कीले समान २÷२ विकेट लिए ।

लिग चरणको खेलमा चितवनले हुलास काठमाडौं रोयल्सलाई १२ रनले पराजित गरेको थियो । चितवनले दिएको १५० रनको लक्ष्य पछ्याउने क्रममा हुलास काठमाडौं भने १३७ रनमा समेटिएको थियो । लिगमा व्यहोरको हारको बदला लिने महत्वपूर्ण अवसरलाई भने काठमाडौंले सदुपयोग गर्न सकेन् । लिगमा हुलासले लक्ष्य पछ्याईरहेको थियो भने इलिमिनेटोरमा चितवनले लक्ष्य पछ्याउँदै पुरा गर्यो । खेलमा चितवनका सन्नी पटेल म्यान अफ दि म्याच घोषित भए ।

Categories
खेल फिचर

धनगढीमाथि चितवन राईनोजको १२६ रनको फराकिलो जित

पोखरा, १४ कात्तिक / पोखरामा जारी पोखरा प्रिमियर लिगमा फराकिलो जितको लक्ष्य पछ्याएको एक्सपर्ट धनगढी ब्लुज सस्तैमा समेटिएपछि चिवतन राईनोजले पोखरा प्रिमियर लिगमा पहिलो जित हासिल गरेको छ । बुधबार पोखरा प्रिमियर लिगमा धनगढीलाई ।।रनले पराजित गर्दै हारको श्रृखंलालाई तोड्दै १२६ रनको फराकिलो जित निकाल्यो ।

१९४ रनको लक्ष्य पछ्याएको एक्सपर्ट धनगढी ब्लुज ६७ रनमै समेटियो । १६।२ ओभर मात्रै खेल्न पुग्यो । पहिलो ओभरमै करण केसीले मेडन ओभर राख्दै दिलिप नाथको विकेट लिएपछि धनगढीको कमजोरी शुरुवात हुन पुग्यो । दोस्रो ओभरमै मेडन सन्नी पटेलले पनि पहिलो बलमै लरेन्स गोल्डन डक आउट भएपछि धनगढीको खराब संकेत देखियो ।

पिटर ट्रेगोले २७ रन बनाए । जुन धनगढीका लागि सर्वाधिक रन बन्न पुग्यो । उनले २१ बल खेल्दै ३ चौका र १ छक्का हिर्काए । त्यस्तै कप्तान दिपेन्द्रसिंह ऐरी, सन्दीप सुनार र सन्दीप झोरा पनि क्रमश १, १ र ८ रनमै पभेलियन फर्किए । योगेन्द्रसिंह कार्कीले १७ रन जोडे । जुन टोलीको लागि दोस्रो सर्वाधिक रनको रुपमा स्कोर कार्डमा देखियो ।

अन्य खेलाडी पनि दोहोरो अंक

विहीन रनमा समेटिएपछि धनगढीले फराकिलो लक्ष्य पछ्याउन असमर्थन बन्यो । सन्नी पटेलले सर्वाधिक ४ विकेट लिदाँ भुवन कर्कीले २ विकेट लिए । हरिशंकर साहको अर्धशतकीय पारीसँगै पहिलो विकेटको लागि अनिलकुमार साहसँग शतकीय साझेदारी गरेपछि टस हारेर व्याटिङमा उत्रिएको चितवन राईनोजले पोखरा प्रिमियर लिगमा एक्सपर्ट धनगढी ब्लुजलाई १९४ रनको लक्ष्य दिएको थियो ।

पोखरा रंगशालास्थित क्रिकेट मैदानमा बुधबार दुई खेलमा देखिएको खराब व्याटिङलाई सुधार्दै राईनोजका ओपनर हरिशंकर साहले ५३ रनको अर्धशतकीय पारी खेले । ३३ बल खेल्दै उनले छ चौका र ३ छक्का प्रहार गरे । उनी योगेन्द्रसिंह कार्कीको बलमा विकेट विपर दिलिप नाथको हातबाट कयच भए । अनिलकुमार साह पनि ३७ रनमा आउट हुदाँ ३४ रन बनाए । उनले पनि एक चौका र ३ छक्का प्रहार गर्दै राम्रो शुरुवात गरे ।

कप्तान पारस खड्का भने सस्तैमा आउट भए । उनले ९ बल खेल्ने क्रममा १९ रनमै पभेलियन फर्किए । उनले चार चौका हिर्काए । खड्कालाई मन्जित श्रेष्ठको बलमा सन्दीप झोराको हातबाट क्याच हुन पुगे । सुमितकुमार पटेलले २४ रनको महत्वपूर्ण योगदान दिए । उनले १७ बल खेल्दे ४ चौका प्रहार गरेसँगै धनगढी ब्लुजका बेलायती खेलाडी डि। लरेन्सले योगेन्द्रसिंह कार्कीको हातबाट क्याच गराई पभेलियनको बाटो देखाए ।

छैटौं र सातौं नम्बरमा आएको व्याट्सम्यान सन्नी पटेल र करण केसीले ३१ रनको साझेदारी गर्दै पाँच विकेटको क्षतिमा १९३ रन बनाई ओभरलाई टुग्याए । पटेल नटआउट रहँदै १६ बल खेल्दै २६ रन बनाए । उनले ३ चौका र १ छक्का हिर्काए । केसीले पनि नटआउट खेल्नेक्रममा ६ बल मात्रै सामना गरेर २ चौकासहित ११ रन बनाएका छन् । मन्जित श्रेष्ठ, दिपेन्द्रसिंह ऐरी र लरेन्सले एक एक विकेट लिन सफल भए ।

Categories
खेल फिचर

पोखरा प्रिमियर लिगमा पासर टिमलाई चितवनलाई हराउदै बुटवलले

पोखरा, १० कात्तिक / पोखरामा जारी पोखरा प्रिमियर लिग (पीपीएल) क्रिकेट प्रतियोगितामा पारस खड्काको कप्तानीमा रहेको चितवन राइनोसलाई सोमपाल कामीको कप्तानीमा रहेको बुटबल ब्लास्टर्सले ७० रनले हराएको छ ।

बुटवलका सोमपाल कामी र ललितसिंह भण्डारी बलिङमा चम्किएपछि चितवनले हार व्यहोरेको हो । चितवनल राइनोजले टस जितेर फिल्डिङ रोजेपछि बुटवलले पहिले ब्याटिङ गरेको थियो । बुटवलल २० ओभरमा ६ विकेट गुमाएर १३५ रन बनाउदै १३६ रनको लक्ष्य चितवनले पाएको थियो ।

जवाफी ब्याटिङमा उत्रिएको चितवन १६.५ ओभरमा ६५ रन बनाउदा सबै विकेट गुमाएको थियो । चितवनका लागि भुवन कार्कीले बनाएको १९ रन नै उच्च स्कोर रह्यो कप्तान पारस खड्काले १० रन बनाए अन्य व्याट्सम्यानले दोहोरो अंकको बनाउन सकेनन । चितवनका ३ ब्याट्सम्यान शून्य रनमै आउट भए ।

चितवनलाई धरासायी बनाउने क्रममा बुटवलका लागि कप्तान सोमपाल कामीले ४ विकेट लिए भने ललितसिंह भण्डारीले २ विकेट लिए । पहिले ब्याटिङ गरेको बुटवलका लागि शंकर रानाले ४८ र सागर पुनले ४६ रनको योगदान गरेका थिए । चितवनका लागि बलिङतर्फ करण केसीले २ विकेट लिएका थिए । शनिबारको अर्को खेल खेल काठमाडौं र धनगढीबीच चलिरहेको छ ।

माछापुच्छ्रेको आगनमा विश्वकपको ट्रफी

https://ganthan.com/featured/machhupachra-icc-award/

आईसिसी क्रिकेट विश्वकपको ट्रफी देखाउदै पारस खड्का

आईसिसी क्रिकेट विश्वकपको ट्रफी देखाउदै पारस खड्का

Posted by Ganthan.com on Friday, 26 October 2018