लेखनाथ २० मंसिर/लेखनाथ उद्योग वाणिज्य संघको आयोजनामा हुन लागेको दशौ लेखनाथ महोत्सवमा वनाईएका ३ सय सात स्टल मध्ये ९० प्रतिशतहरु वुकिङ भएका छन । लेखनाथ नगरपालिका वडा नं १ भण्डारढिक स्थीत प्रस्तावित रंगशालामा मंसिर २७ गते देखी पौष ८ गते सम्म संचालन हुने दशौ लेखनाथ महोत्सवमा सधारण र अटोका केही स्टलहरु वाहेक सवै स्टल वुकिङ भएको स्टल व्यवस्थापन उपसमितिका संयोजक देवराज पन्थीले जानकारी दिएका छन ।
विगतका अनुभवहरुलाई संगाल्दै यस वर्ष आकर्षक स्टलहरु निर्माण गरिएकाले दर्शकको मन जित्न सक्ने विश्वाश संयोजक पन्थीले लिएका छन । महोत्सवमा आएका दर्शकको सुविधालाई मध्यनजर राख्दै विभिन्न प्रकारका स्टलहरुलाई फरक फरक स्थानमा राखिएको छ ।
यसै विच महोत्सवको तयारीलाई लिएर लेखनाथ महोत्सव अन्तरगत गठित विभिन्न उपसमितीहरुको वैठक वसीरहेको छ । सम्पुर्ण समितिको वैठकमा भए गरेका गतिविधी सहित आगामी दिनमा गर्नूपर्ने कार्यकावारेमा छलफल गरिएको थियो भने वैठकमा उपस्थित सम्पुर्ण महानुभावहरुले लेखनाथको प्रतिष्ठाको रुपमा रहेको लेखनाथ महोत्सवलाई भव्य सभ्य र व्यवस्थीत वनाउनमा आ आफ्नो क्षेत्रवाट लागिपर्ने वताउनु भएको थियो ।