गन्थन डेस्क
पोखरा । सरकारले स्वास्थ्य बीमा बोर्डको कार्यकारी निर्देशकमा डा.दामोदर बसौला नियुक्त गरेको छ ।
बिहिबार बसेको मन्त्रीपरिषद् बैठकले डा.बसौलालाई बोर्डको कार्यकारी निर्देशकमा नियुक्त गरेको हो ।
बोर्डको निर्देशकका लागि ८ जनाको निवेदन परेकोमा छनोट समितिले डा. बसौला, डा. कृष्ण अधिकारी र सुदर्शन पौडेलको नाम सिफारिस गरेको थियो ।
यसअघि विमा बीमा बोर्डको कार्यकारी निर्देशकका निवेदन दिएका बसौला मन्त्रीपरिषद्बबाट छनौट हुन सकेका थिएनन् ।
कास्कीको रुपा गाउँपालिका-५ देउरालीमा जन्मिएका बसौला पोखरास्थित जनप्रिय बहुमुखी क्याम्पसका एसोसिएट प्रोफेसर हुन् ।
उनले भारतको सांघानिया युनिभर्सिटीबाट बीमामा पीएचडी गरेका छन् ।
बीमा बोर्डको कार्यकारी निर्देशकको अवधी ४ वर्षको रहेको छ ।