पोखरा २६ साउन/ पोखराको पृथ्वीचोक नजिकै रहेको पोखरा विजनेश कम्प्लेक्समा मोवाईल मेला हुने भएको छ । पोखरा इलेक्ट्रोनिक्स ब्यवसायी संघको आयोजनामा साउन २८ गतेदेखि ३२ गते सम्म मेला सञ्चालन हुने छ ।
मेलामा विभिन्न ब्राण्डका मोवाईलहरुका ४० वटा स्टल रहने संघका सचिव नारायण सुवेदीले बुधबार पोखरामा आयोजीत पत्रकार सम्मेलनमा जानकारी दिए । मेलाको अबसरमा प्रत्येक सामान खरिदमा ५ देखि १० प्रतिशत सम्म छुट दिईने आयोजकले जनाएको छ ।
मेलामा आउने दर्शकलाई प्रत्येक पाँच जनालाई गिफ्ट ह्याम्पर प्रदान गर्ने सुबेदीले बताए । मेला सम्पन्न गर्न २ लाख ८० हजार खर्च लाग्ने र झण्डै ३० लाखको कारोवार हुने अपेक्षा गरिएको छ । मेला अबधिभर २० हजार दर्शकले अवलोकन गर्ने आयोजकको अनुमान छ । मेलाको जियोनी मोवाईलले मुख्य प्रयोजक रहेको छ ।
पोखरामा पहिलो पटक मवाईल एक्स्पो हुन लागेको हो । पत्रकार सम्मेलनमा पोखरा विजनेस कम्प्लेक्स व्यवस्थापन समितिका अध्यक्ष मित्र कुँबर, मेला व्यवस्थापक अमृत बराल, जिओनी मोवाइलका प्रतिनिधि रामजी पौडेल लगायतले मेलाका बारेमा जानकारी दिएका थिए ।