पोखरा । नेपालमा पछिल्लो २४ घण्टामा थप १ हजार ८६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ३ सय ५१ जना कोरोना संक्रमणमुक्त भएका छन् ।
त्यस्तै संक्रमणबाट थप १० जनाको मृत्यु भएको छ भने अहिलेसम्म नेपालमा कोरोना संक्रमणबाट ११ हजार १२ जनाको ज्यान गइसकेको छ ।
त्यसैगरि हाल कोरोना भाइरसको सक्रिय संक्रमितको संख्या २५ हजार ४ सय ९७ जना रहेका छन् ।
स्वास्थ्य मापदण्डको पूर्णरुपमा पालना गर्न र सजग रहन स्वास्थ्य मन्त्रालयले आग्रह गरेको छ ।