गन्थन डटकम आजबाट दोस्रो वर्षमा प्रवेश गरेको छ । गन्थन डटकमको दोस्रो वार्षिकोत्सवको उपलक्ष्यमा हृदयदेखि शुभेच्छा एवम् बधाई दिन चाहान्छु । ।
हामीले पहिलो वर्षको यात्रामा अनेक उकाली–ओरालीलाई पार गर्दै यहाँकोहरुको माया,साथ र सहयोगत्यसलाई कुशलतापूर्वक छिचोल्दै आएका छौं ।
यहाँहरुलाई अवगत नै छ पहिलो वर्ष कोभिड १९ संक्रमणको प्रतिकूल अवस्थामा गन्थन डटकमको कार्यलय स्थापनासंगै हामीले व्यवासयिक पत्रकारिताको यात्रा थालनी गरेका थियौं । डिजिटल प्लेटफर्म आवाजबिहिनहरुको आवाज निरन्तर बोल्दै निरन्तर खबरदारीको यात्रा जारी रहेको छ ।
अहिले अनलाइन मिडीयाको प्रभाव पनि दरिलो छ। प्रतिस्पर्धा अनि दर्शक तथा पाठकहरुका रोजाई अनेकौं छन् । पाठकको चाहनाअनुसारका विषय पस्कन सहज छैन। तरपनि समाजप्रति उत्तरदायी रहंदैं हामीले प्रकाशन गर्ने सामग्रीप्रति जिम्मेवार र जवाफदेहिताबाट हामी उन्मुक्त छैनौँ ।
समाजमा थुप्रै बेथितिमा खबरदारी गर्दै व्यवसायिक समाचारगृहका रुपमा आफूलाई उभ्याउने प्रयास सधैँ जारी रहनेछ। गण्डकी प्रदेश भित्रका केन्द्रित हाम्रो यात्रालाई अझै परिस्कृत र विस्तार गर्दै लैजाने छौं । जनताको पक्षमा पहरेदारी निरन्तर गर्नेछौं ।
फेरिपनि एक वर्षको यात्रामा संगै रहनुहुने सहकर्मी साथीहरू, पाठकवृन्द, विज्ञापनदाता, विज्ञापन एजेन्सीलगायत सबै सहयोगी एवम् शुभेच्छुक महानुभावहरूलाई दोस्रो औं वार्षिकोत्सवको उपलक्ष्यमा हार्दिक मंगलमय शुभकामना व्यक्त गर्न चाहान्छु ।
कमल सुवेदी
प्रबन्ध निर्देशक
गन्थन ब्रोडकाष्टिङ्ग मिडिया प्रा.लि