लमजुङ संवादाता । नेपाल पत्रकार महासंघ लमजुङ शाखाले जिल्लाका फ्रन्टलाइनमा खटिएका संचारकर्मीलाई स्वास्थ्य सुरक्षा सामाग्री वितरण गरेको छ ।
कोरोनाको महामारीले पत्रकारिता क्षेत्र प्रभावित भएको भन्दै महासंघले फिल्डमा खटिएर रिपोर्टीङ गर्ने पत्रकारहरु संक्रमणको चपेटामा पर्ने जोखिमलाई मध्यनजर गर्दै स्वास्थ्य सामाग्री उपलब्ध गराएको हो ।
महासंघले वल्र्ड भिजन र आरसिडिसी, माथिल्लो दोर्दी ‘ए’ आयोजना र लायन्स क्लव अफ तनहुँ डुम्रेसँग सहकार्य गरी स्वास्थ्य सुरक्षा सामाग्री उपलब्ध गराएको महासंघका अध्यक्ष परमेश्वर अधिकारीले बताए ।
जसअन्तर्गत मंगलबार एक कार्यक्रम गर्दै महासंघले जिल्लामा क्रियाशिल झण्डै ४० जना पत्रकारहरुलाई सुरक्षा सामाग्री वितरण गरेको छ ।
प्रत्येक पत्रकारलाई एक प्याकेट माक्स, सेनिटाइजर र फेस सिल्ड उपलब्ध गराइएको अध्यक्ष अधिकारीले जानकारी दिए।
कोरोनाबाट प्रभावित पत्रकार र सञ्चार माध्यमलाई राहत पुग्ने साथै विपदको बेला क्रियाशिल पत्रकारहरुको सहयोगका लागी नेपाल पत्रकार महासंघ लमजुङ शाखाले कल्याणकारी कोष स्थापना गरेको छ ।
उक्त कोषमा हालसम्म ३५ हजार रकम जम्मा भएको अध्यक्ष अधिकारीले बताए ।