तनहुँमा जेठ मसान्तसम्म निषेधाज्ञा थप

तनहुँ संवाददाता ।
तनहुँमा जेठ मसान्तसम्म निषेधाज्ञा थप गरिएको छ । शुक्रबार बसेको जिल्ला कोभिड संकट व्यवस्थापन समिती तनहुँको बैठकले जोखिम नघटेको र समुदायमा समेत बढेको भन्दै आगामी जेठ मसान्तसम्म निषेधाज्ञा लगाउने निर्णय भएको सहायक प्रमुख जिल्ला अधिकारी चित्रांगत बरालले जानकारी दिए ।

यस अवधिमा ५ देखि ९ बजेसम्म मात्रै अत्यावस्यक सेवा संचालन गर्न दिने भनिएको छ । त्यस्तै अत्यावस्यक सेवा संचालन गरेकालाई अनिवार्य पिसीआर र एन्टिजेन परिक्षण गर्ने पनि जिल्ला कोभिड संकट व्यवस्थापन समिति तनहुँको बैठकले निर्णय गरेको छ ।

जिल्लामा जोखिम बढेको र संक्रमणसमेत समुदायस्तरमा फैलिएकाले निषेधाज्ञा लम्व्याउन सिफारिस आएपछि प्रसासनले आदेश जारी गरेको हो ।

कमेन्टहरु
Loading...