रिना थापा
पोखरा लेडी जेसिजको २७औं शाखा अधिवेशन तथा ३२औं साधारणसभामा निर्वाचन आयोगले निर्णय घोषणा नगर्दै कमला शर्माले अध्यक्ष पद जितेको स्वघोषणा गरेकी छिन् ।
शर्माले लेडिजकि वर्तमान सचिव गायत्री फुयाँलसँग प्रतिस्पर्धा गरेकी थिइन् । गत शनिबार निर्वाचन भएपनि हालसम्म नतीजा घोषणा नभएपछि शर्माले उक्त घोषणा गरेकी हुन् ।
शर्मले स्वयं परिणाम घोषणा गर्दा लेडी जेसिजले भने अधिवेशनको निर्णय सार्वजनिक नभइसकेको जनाएको छ । जेसिजकी वर्तमान अध्यक्ष शोभा भुजेलले अधिवेशनको निर्णय आइनसकेको बताएकी छिन् । उनले अधिवेशनका समय सदस्यबिच नै मिलेमतो हुननसकेपछि निर्वाचन आयोगले नतीजा स्थगित गरेको जानकारी दिईन् ।
उनले भनिन्, ‘हामिले अधिवेशनको निर्णय गरिसकेका छैनौं, आयोगले अधिवेशनका समय मतपत्रका विषयलाई लिएर सामान्य झगडा भएका कारण अधिवेशन स्थगित गरिएको छ ।’
तर शर्माले अधिवेशनका समय यस्ता कुरा आइरहनु सामान्य रहेको बताईन् । उनले हार स्विकार्न सक्नुपर्ने बताउदै भनिन्, मैले अत्यधिक मत ल्याएर जितेकी छु, अन्त्यमा २ भोट काउन्ट गर्दा हार्न लाग्यो भनेर मतपत्रमा धाधँली गर्न खोज्नु भएन । मसँग सबै मतपत्र सुरक्षित छन् ।’
निर्वाचन आयोगले निर्णय सुनाइ नसकेपनि अत्यधिक मतले लिड गर्दा २ भोट मात्र बाँकी रहेको अवस्थामा आयोगका पदाधिकारी चुपचाप बाहिर निस्किएको उनले बताइन् ।
शर्मासँगै अध्यक्ष पदमा प्रतिस्पर्धा गरेकी गायत्री फुँयालले अधिवेशनका समय त्यस्तो केही धाँधली नभएको बताइन । ‘परिणाम आएको छैन, आयोगले निर्वाचन स्थगित गरेको हो, जेसिसमार्फत आधिकारिक निर्णय भएको छैन’ उनले भनिन् ।
स्रोतका अनुसार अधिवेशनका समयभित्र धाँधली गर्ने प्रयास भएको थियो । प्रतिस्पर्धा गरेकी शर्माले अत्यधिक मत सहित विजयी हुने भएपछि केही समय बत्ति गएको थियो । उनी भन्छन्, बत्ती गएको बेला गडबड भएछ ।’ उक्त समयमा प्रत्यासीहरुका आफन्त आएर निर्वाचन बिथोलेको समेत स्रोतले बताएको छ ।