ललितपुर । ललितपुरमा कोरोना संक्रमण निको भई डिस्चार्ज हुनेको संख्या ६ हजार बढी नाघेको छ । जिल्ला जनस्वास्थ्य कार्यालय ललितपुरका अनुसार जिल्लामा हालसम्म कोरोना निको भई स्वास्थ्य लाभ गर्नेको संख्या ६ हजार ३ सय १६ पुगेको हो । अहिलेसम्म कोरोनाका कारण निधन हुनेको संख्या ७९ पुगेको छ । यसैगरी जिल्लामा कूल कोभिड संक्रमित संख्या ८ हजार ८ सय १० पुगेको छ भने सक्रिय संक्रमितको संख्या २ हजार ४ सय १५ पुगेको कार्यालय ललितपुरका प्रमुख डा खगेश्वर गेलालले बताएका छन् ।
यसैगरी ललितपुर महानगरपालिकामा कोरोना निको भई डिस्चार्ज हुनेको संख्या ३ हजार ८ सय ६१ र ज्यान गुमाउनेको संख्या ३५ पुगेको ¥यापिड रेसपोन्स टिमकी संयोजक देवी गुरुङले बताइन् । उनले भनिन्, ‘महानगरपालिकामा हालसम्म कूल कोरोना संक्रमित संख्या ५ हजार ४ सय ४२ पुगेको छ भने सक्रिय संक्रमित संख्या १ हजार ५ सय ४६ पुगेको छ ।’ महालक्ष्मी नगरपालिकामा कोभिड संक्रमणबाट मुक्त भई स्वास्थ्यलाभ गर्नेको संख्या ८ सय १ र ज्यान गुमाउनेको संख्या ६ पुगेको सूचना प्रविधि अधिकृत सन्तोष पोखरेलले जानकारी दिएका छन् । उनले भने, ‘यहाँ अहिलेसम्म कूल कोरोना संक्रमित संख्या १ हजार १ सय ५४ र सक्रिय संक्रमित संख्या ३ सय ४७ पुगिसकेको छ ।’
गोदावरीमा आज बिहानसम्म डिस्चार्ज हुनेको संख्या ४ सय ३५ र ज्यान गुमाउने नगरवासीको संख्या ७ पुगेको छ । त्यहाँ हालसम्म कूल कोभिड संक्रमित संख्या ६ सय ३१ र सक्रिय संक्रमित संख्या १ सय ८९ पुगेको नगरपालिकाले जनाएको छ । गोदावरीको वडा नं ११ चापागाउँ ५२ महिला र ६४ पुरुष गरी १ सय १६ जना सबैभन्दा बढी संक्रमित रहेको वडा हो भने वडा नं ७ देवीचौर हालसम्म १ जना व्यक्तिमात्र संक्रमित भएको वडा रहेको नगरपालिका सूचना अधिकृत विष्णु कँडेलले जानकारी दिएका छन् । उनले भने, ‘गोदावरी ठेगाना भएका ३ पुरुष र १ महिला गरी ४ जना व्यक्तिको अझैसम्म पनि पहिचान खुल्न सकेको छैन ।’
यर्काेतर्फ दक्षिण ललितपुरका वाग्मती, महाँकाल र कोञ्ज्योसोम ३ गाउँपालिकाका धेरैजसो कोरोना संक्रमितले स्वास्थ्यलाभ गरेर डिस्चार्ज भइसकेका सम्बन्धित पालिकाका स्वास्थ्य संयोजकको भनाइ छ । महाँकाल र कोञ्ज्योसोममा हालसम्म कुनै व्यक्तिले कोरोनाका कारण ज्यान गुमाउनु परेको छैन । तर वाग्मती वडा नं ६ आश्राङ निवासी ७० वर्षमाथिका १ जना पुरुषलाई कोरोना लगेर निधन भइसकेको स्वास्थ्य शाखा संयोजक नवराज तिमिल्सिनाले बताए । उनले भने, ‘यहाँ डिस्चार्ज हुनेको संख्या १५, होम आइसोलेसनमा ७ र गाउँपालिकामा कूल कोभिड संक्रमित संख्या २२ पुगेको छ ।’ गाउँपालिकाका केही व्यक्तिमा कन्ट्याक टे«सिङ गर्दा कोरोना पोजेटिभ देखिए पनि रोगको वास्तै नगरी मज्जाले हिँडिरहने, सजक हुनुपर्छ भनेर सम्झाए पनि ‘मलाई पोजेटिभ देखिएकै छैैन । मलाई यो रोग लागैकै हैन’ भन्नेसम्मका कुरा गर्ने गाउँवासी रहँदा उनीहरुबाट झन् जोखिम बढ्ने पो हो कि भन्ने डर रहेको तिमिल्सिनाले जानकारी गराएका छन् ।
महाँकालमा कोरोना निको भएर डिस्चार्ज हुनेको संख्या १४, सक्रिय संक्रमित १ र कूल कोरोना संक्रमित संख्या १५ पुगेको स्वास्थ्य संयोजक ज्ञानेन्द्र चन्दले बताए । कोञ्ज्योसोममा कोरोनाबाट निको भएर डिस्चार्ज हुनेको संख्या १०, सक्रिय संक्रमित ४ र हालसम्म गाउँपालिकामा कूल कोभिड संक्रमित संख्या १४ पुगेको स्वास्थ्य संयोजक नवलकिशोर महतोले बताएका छन् । उनले भने, ‘गाउँपालिका–३ दलचोकी निवासी एकै घरका ४ जनामा दोस्रो पटक कोरोना परीक्षण गर्दा पुनः पोजेटिभ नतिजा आएपछि आज तेस्रो पटक हामीले उहाँहरुको स्वाब संकलन गरेर गोदावरी नगरपालिका–६ टीकाभैरवस्थित आनन्दवन अस्पतालमा परीक्षणका लागि लाँदै छौं ।’ रासस