नेकपा एमालेका अध्यक्ष केपी शर्मा ओलीले माधव नेपाल समुहलाई पार्टी एकताका लागि आव्हान गरेका छन् ।
शनिवार साँझ विज्ञप्ती जारी गर्दै आफू पार्टीलाई २०७५ जेठ ३ अघिको पूर्व अवस्थाबाट अगाडि बढाउन तयार रहेको भन्दै एकतामा आउन आह्वान समेत गरेका छन् ।
अध्यक्ष ओलीले एमालेलाई २०७५ साल जेठ ३ गते पूर्वको अवस्थाबाट अगाडी बढाउने प्रतिवद्धता समेत जनाएका छन् ।
उनले माधव नेपाल समुहले विपक्षी दलका नेतालाई प्रधानमन्त्री बनाउने रिटबाट हस्ताक्षर फिर्ता लिनुपर्ने प्रष्ट पारेका छन्।
त्यसैगरी मातहतका पार्टी कमिटी र जनसंगठनहरु मूलभूत रुपमा जेठ ३ गते पूर्वको अवस्थामा फर्केर क्रियाशिल गरिने प्रस्ताव समेत ओलीले गरेका छन् ।
