पोखरा
पोखरामा कोरोना संक्रमितको संख्या दिन दुईगुना रात चौगुना बढिरहेको छ । तर कोरोना संक्रमण नियन्त्रणका लागि गण्डकी प्रदेश सरकार र स्थानिय सरकारको तयारी भने शुन्य छ । ठुला ठुला भाषण र प्रतिबद्धता ब्यक्त गरेको प्रदेशको राजधानीमा कोरोना संक्रमितले कुनै समस्या प¥यो भने अस्पतालमा भर्ना पाउने अवस्था छैन । झन सरकारी अस्पतालमा उपचार गराउने कुरा र आकाशको फल आँखातरी मरजस्तै भएको छ ।
कोरोना संक्रमितहरुलाई आइसियु वा भेन्टिलेटरको आवश्यकता प¥यो भने कि ठुलै नेताको फोर्सं लगाउनु पर्छ कि त झोलामा लाखौँ बोकेर निजि अस्पताल चाहर्नु पर्छ । तपाईंसँग नेताहरुसँग चिनजान पनि छैन र झोलामा पैसा पनि छैन भने जटिल समस्या आएका कोरोना संक्रमित बाँच्ने संभाबना कत्ति पनि छैन ।
पोखरामा पछिल्लो समय उपचारका लागि अस्पताल डुलाउँदा डुलाउँदै समयमा आइसियु र भेन्टिलेटर नपाएर धेरै संक्रमितले ज्यान गुमाएका छन् । कोहिले अस्पतालको सिट नपाएर ज्यान गुमाएका छन भने कोहिले अस्पतालमा बुझाउने पैसा जोहो गर्न नसक्दा ज्यान गुमाउनु परेको छ ।
गण्डकी प्रदेश सरकारले तयारी बारे जति गफ लगाए पनि संक्रमितले अस्पतालमा बेड पाउने अवस्था छैन । गण्डकी अस्पताललाई प्रदेश सरकारले कोभिड अस्पतालको रुपमा संचालन गरे पनि गण्डकी अस्पतालमा सबै सिट भरिएको अस्पतालका निर्देशक अर्जुन आचार्यले बताए ।
निजि अस्पतालमा बिरामीले पहिले पैसा डिपोजिट नगरिकन उपचार पक्रिया नै थाल्दैन । सरकारले आफ्नो स्वामित्वका अस्पतालहरुलाई बिकसित गर्नुको सट्टा निजि अस्प्तालको भर पर्दा पैसा नभएका जटिल अवस्थाका संक्रमितहरु उपचार नपाएर मर्ने अवस्था आएको जानकारहरु बताउँछन् ।