काठमाडौं । कोरोना संक्रमण भएका राष्ट्रिय प्रजातन्त्र पार्टी अध्यक्ष कमल थापा आइसियूमा भर्ना भएका छन् । उनलाई शनिबार ओम अस्पतालको आइसियूमा भर्ना गरिएको हो।
टाउको दुख्ने, ज्वरो आउने र श्वासप्रश्वासमा समेत समस्या देखिएपछि पूर्वउपप्रधानमन्त्री समेत रहेका थापालाई आइसियूमा भर्ना गरिएको ओम अस्पतालले विज्ञप्ति जारी गरेर जानकारी दिएको छ।
थापाको स्वास्थ्य अवस्था सुधारोन्मुख रहेको अस्पतालले बताएको छ। हाल ज्वरो नियन्त्रणमा रहेको र श्वासप्रश्वासमा पनि समस्या नरहेको अस्पतालले जनाएको छ।