पोखरा, २६ भदौ/पोखरा – ७ मासबार स्थित श्रीकृष्ण माविमा आयोजना गर्न लागिएको श्रीमद्भागवत् विराट ज्ञान महायज्ञको प्रचार प्रसारगर्दै पोखरामा बुधबार मोटरसाइकल ¥याली निकालिएको छ । विद्यालय परिषरबाट शुरु भएको मोटरसाइकल ¥याली पोखराका विभिन्न स्थानहरुको परीक्रमापछि पुनः विद्यालय परिषरमा नै पुगेर समापन भएको महायज्ञ मुल आयोजक समितिका उपाध्यक्ष पुरुषोत्तम रेग्मीले जानकारी दिए। ¥यालीमा झण्डै दुई सय मोटरसाइकलको सहभागिता रहेको थियो।
¥याली समापन कार्यक्रममा बोल्दै महायज्ञ मुल आयोजक समितिका बरिष्ठ उपाध्यक्ष तेजनारायण अधिकारी र मोटरसाइकल ¥याली संयोजक जनक पराजुलीले महायज्ञमा सहभागि भई सफल बनाउन सवैलाई आग्रह गरे। उच्च मावि संचालन, विद्यालयको शैक्षिक एवं भौतिक विकास गर्ने उदेश्यले आयोजना गर्न लागिएको महायज्ञ विहीबारदेखि शुरु हुदैछ ।
महायज्ञको उद्घाटनपुर्व विहीबार शोभायात्रा र कलश यात्रा पनि गरिने छ । शोभायात्रा र कलश यात्राले पोखरा – ७ का मुख्य स्थान र छिमेकी वडाका केहि स्थानको परीक्रमा गर्ने महायज्ञ मुल आयोजक समितिका अध्यक्ष डण्डराज पौडेलले जानकारी दिए । महायज्ञबाट तीन करोड रुपैया संकलन गर्ने लक्ष्य लिइएको छ। महायज्ञ सम्पन्न गर्न झण्डै तीस लाख रुपैया खर्च लाग्ने अनुमान गरिएको छ। महायज्ञमा प्रमुख वाचक युवा पण्डित कमलनयन गौतम रहने छन्।